Meeqqanut, Inuusuttunut, Inatsisit Atuutsinneqarnerannut Naligiisitaanermullu Naalakkersuisoqarfik AC-fuldmægtigimik aningaasaqarnikkut tappissusilimmik pissarsiorpoq

Meeqqanut inuusuttunullu atukkat pitsanngornissaat uummateqarfigaajuk, aningaasaqarnermik misissueqqissaarnermillu pikkoriffeqarpit aamma naalakkersuinermik suliallit aalajangiisarnerannut qanimut suleqataarusuppit? Taamaappat soqutiginarluinnartumik atorfimmik pissaqartippatsigit! 

Naalakkersuinermik suliallit Kalaallit Nunaanni isumaginninnermut suliaqarfimmi anguniagaat Meeqqanut, Inuusuttunut, Inatsisit Atuutsinneqarnerannut Naligiissitaanermullu Naalakkersuisoqarfimmi piviusunngortinniarlugit sulissutigisarpagut. AC-fuldmægtigitut naalakkersuisoqarfiup akissaaffiata iluani ilaatigut aningaasaqarnikkut suliatigullu misissueqqissaarnerit, pilersaarusiat, periusissiat suliaqarfiillu assigiinngitsut akornanni sulinuteqarnerit suliarisassavatit. Aammattaaq patajaatsumik aalajangiinermi tunngavissanik pilersitseqataasassaatit aamma Naalakkersuisunut saqqummiinikkut, allakkiornikkut §37-lu naapertorlugu apeqqutit akinerisigut naalakkersuinikkut qaffasissusilimmik kiffartuussisassaatit. 

Naalakkersuisoqarfik aaqqissuussaanikkut marlunnik immikkoortortaqarpoq: Aqutsisunut Allattoqarfik aamma Suliassaqarfiit Assigiinngitsut Akornanni Suliniutinut Malittarinninnermullu aamma Inatsisinut Immikkoortortaqarfik, Inatsisiliornermut Naligiissitaanermullu Immikkoortortaqarfik. Naalakkersuisoqarfimmi kikkulluunniit aaqqissuussaanerup ineriartortinneqarneranut isumassarsianillu ilanngusssaqartarsinnaanissaat ileqquliutissallugu anguniagaraarput. Taamaattumik illit inuttut suleqatigiissinnaanermik soqutiginnittuuguit, suleqatinnik ammasumik soqutiginnittumillu naapitsisaruit iluaqutaassapput. Paarlattuanik soqutiginnittunik anguniagaqartunillu, imminnut tapersersorlutillu ataqqisunik suleqateqassaatit. 

Illit suliassatit

Suliassaqarfiit Assigiinngitsut Akornanni Suliniutinut Malittarinninnermullu aamma Inatsisinut Immikkoortortaqarfimmi suleqataalissaatit, tassani assigiinngitsunik ilinniagallit sulisut qulingiluaapput. Immikkoortortaqarfik naalakkersuisoqarfimmi akisussaaffiit assigiinngitsut tamaasa suliarisarpai aamma naalakkersuinermik suliallit aalajangigaasa aalajangersimasumik suliniutigineqarnissaannik angusaqarfiunissaannillu qitiulluni qulakkeerinnittartutut inissisimavoq. Naalakkersuisoqarfimmi suliniutinik aningaasaqarnikkut misissueqqissaarnikkullu tappissuseqartarnissaq suliassavit annertuumik ilarissavaat. Suliat tamatigoortuupput aamma immikkoortortaqarfiit assigiinngitsut suliallu killigititai suleqatigiinnissamik piumasaqaatitaqarput, kiisalu nammineq suliaqarfimmi nammineq akisussaaffeqarsinnaaneq piumasaqaatitarisinnaasarlugit.  

Neqeroorutigaavut

• Naalakkersuinermik suliallit aalajangiisarnerinut qanilluni pissanganartumik pingaaruteqartumillu sulineq. 

• Suliniutinik, Kalaallit Nunaanni meeqqat, inuusuttut ilaqutariillu inuunerinik allannguisinnaasunik, immikkuullarisunik paasiuminaassinnaasunillu inuiaqatigiinnut pingaaruteqartunik suliaqarnissamik periarfissaqarneq. 

• Sullivimmi avatangiisit sunniuteqarluartartut, soqutiginnittunik angusaqarusussuseqartunik, tapersersuisunik ataqqinnittunillu suleqateqarneq. 

• Suliat akisussaaffiillu allanngorartut aqqutigalugit suliatigut inuttullu ineriartornissamik periarfissatsialaat.  

• Sulisartutut inuuneq namminerlu inuunerisamik oqimaaqatigiisitsisinnaaneq sammillugu sulinermi pissutsit eqaatsut. 

• Suliffik suleqatitsialannik sulisulik, suliffimmi atugarissaarnissaq persuarsiorpalaanngitsumillu oqaloqatiginneriaasilik. 

Illit suliassatit

• Aningaasaqarnikkut suliatigullu misissueqqissaarnermik suliaqarneq, matumani missingersuutinik nakkutiginneqataaneq, aningaasaqarnikkut nalilersuinerit aamma aalajangiinissamut tunngavisseeqataanerit.

• Naalakkersuisoqarfiup akissaaffiata iluani suliniutit, periusissiat suliallu suliaqarfinnit assigiinngitsunit suliarineqartussat inerisarneri aqunnerilu. 

• Aningaasaqarneq qitiutillugu nakkutiginneqataaneq nalunaarusiornermilu peqataaneq.

• Isummerfissiatut tunngavinnik, allakkianik aamma § 37 naapertorlugu apeqqutinik akissusiornerit aqqutigalugit naalakkersuinermik sulialinnik kiffartuussineq.

• Pilersaarutinik ingerlanneqartunik ataqatigiissaarineq malinnaanerlu aamma suleqatinik, naalakkersuisoqarfinnik allanik, kommuninik suliaqartunillu allanik suleqateqarneq.

Illit pillutit

• Qaffasissusilimmik ilinniagartuutut kandidatimut attuumassutilimmik ilinniagalik.

• Aningaasaqarneq pillugu paasisimasaqarluartoq aamma kisitsisinik, paasissutissanik, missingersuutinik misissueqqissaarnernillu suliaqarsinnaalluartoq. 

• Aningaasaqarnikkut aaqqikkuminaatsunik suliatigullu ajornartorsiutinik ersarissumik aalajangiinissamut tunngavissaliorsinnaasoq.

• Isumaginninnermut tunngasunik atuagarsornikkut sulinikkullu ilisimasaqarnissaq kissaatiginarpoq, piumasaqaataanngilarli. 

• Namminersorluni, aaqqissuulluakkamik inerisaarusullunilu sulisinnaasoq.

• Allattariarsornikkut oqaatsitigullu attaveqallaqqissoq. 

• Paasissutissanik amerlasuunik paasiuminaatsunik takunnissinnaasoq. 

• Suleqatinik avataaniillu soqutigisalinnik suleqateqallaqqissoq.

• Kalaallit Nunaanni inuiaqatigiinni pissutsit aamma kulturi ilisimasaqarfigigukkit iluaqutaassaaq.

• Marluinnik oqaaseqartuusinnaavoq, kisianni piumasaqaataanngilaq.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqarnissamut killigititaq

22.10.2026 nal. 12:00 

Atorfinitsitsineq

Piaarnerpaamik.

Atorfik una soqutiginartuusimappat, illit qinnuteqaativit tigunissaanut qilanaalereerpugut!

Atorfik pillugu apeqqutissaqaruit, immikkoortortaqarfimmi pisortaagallartumut, Jesper Stab Nielsenimut mailikkut jesn@nanoq.gl imaluunniit oqarasuaatip normua +299 34 66 43 sianerfigalugu attaveqarsinnaavutit.

Qinnuteqartut piukkunnartut oqaloqatigineqarnissamut aggersarneqartassapput. 

Tusarfiginissat qilanaaraarput.