Fakta
Atorfiup suussusaa: Socialhjælper
Suliffeqarfik: Grønlands selvstyre
Qinnuteqarfissamut killigititaq: 10. oktober 2025
Attavissaq: Atsa Heilmann oqarasuaatikkut: +299 946501 e-mail: ah@sarliaq.gl
Meeqqat angerlarsimaffiat Sarliaq isumaginninnermut ikiortissarsiorpoq
Atorfinnermut ullorititaq: 01. November 2025 isumaqatigiissuteqarnikkulluunniit.
Meeqqat angerlarsimaffiup avataanut inissinneqarsimasut suliffigissallugit soqutigaajuk?
Allanngueqataarusussuseqarpit?
Meeqqat angerlarsimaffiaq Sarliaq ulloq unnuarlu meeqqanut angerlarsimaffiup avataanut inissinneqarsimasunut paaqqinnittarfiuvoq Ilulissaniittoq. 20-nik inissaqarpoq. Ukiut agguataarneranni 0-miit 18-nut ukiulinnut immikkoortortanut agguagaalluni. Meeqqat angerlarsimafffiup avataanut inissinneqarsimasut alliartornerminni ilaatigut sumiiginnargaanermik; atornerluinermik assigiinngitsutigut misigitinneqarsimasarput, sinerissamiillu tamanit aggertuullutik.
Sarliami perorsaariaaseq relationspædagogik i et anerkendende perspektivt (atassuteqaqatigiinnermut tunngasumik perorsaaneq, ataqqeqatigiinnermik sammivilik) aallaavigalugu suleriaaseqarpugut, aaqqissuussaasumillu maleruagassanut pingaartitsilluta ataqqeqatigiinnermik siunertalimmik meeqqanut inuusuttunullu sullissineq ingerlataralutigu.
Makku ilinnut naatsorsuutigaagut:
Aaalaakkaallutit naatsorsuutaasinnaasutit, tarnikkut nukittuujusutit timikkullu peqqissuusutit, sulianullu tunniusimallutit suleqataasinnaassuseqartutit.
Aaqqissuussamik maleruangassanut atuutsitsillutit suleriaaseqartuusutit, ersarissumillu inersimasutut suleriaaseqartutit.
Misilittagaqarsimasutit angerlarsimaffiup avaataanut inissinneqarsimasunik meeqqanut sullitaqareersimasutit.
Sullitat pillugit suleriaatsinik ilinniakkallu iluani ilisimaqartutit.
Nutaanik pilersitsiumatuujusutit, aallartitsisinnaassuseqartutit sammisassanik perorsaanermik siunertalimmik.
Aallarsimaarnermut peqataasinnaassasutit iml. Anguniagalimmik meeqqamut tunngatillugu aallaqqallutit ulluni14-ini.
Nikerartumik sulisinnaaneq, ullaakkut, unnukkkut, unnuilluni sinittuunerit.
Allaffissornikkut nalunaaruteqarnermut allatigullu namminersorlutit sulisinnaassuseqartutit.
Makku ilinnut neqeroorutigisinnaavagut:
Suliffik pissanganartoq, ilinniakallu imarisaanut sulinermi ukkassiffiusoq.
Ilinniakkap imarisaanut suli ineriartorfiusoq, ilinniaqqissinnaanerup saniatigut supervision-eqartarneq.
Suliffimmi isumassarsiamik tunniussaqarsinnaassutit piviusunngortitseqataallutillu, meqqanut inuusuttuaqqanullu tunngatillugu.
Sap. Ak. 40 tiimi sulisarneq.
Paasissutissat allat
Atorfik pillugu paasissaqarnerorusukkuit saaffiginissinnaanermut tikilluaqquatsigit. Forstander Atsa Heilmann tlf.: +299 946501 iml. Email: ah@sarliaq.gl iml. Fg. Souschef Dine Mathiassen tlf.: +299 946502 iml. Email: dh@sarliaq.gl
Qinnuteqarfissaq kingulleq: 10.10.25
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Qinnuteqaat nassiuguk
