Mekaniker

Royal Arctic Linemi pingaarutilimmik suliaqarnermi peqataarusuppit, aammalu Nunatsinni pilersuinermut pingaaruteqartumik atortut aserfallatsaaliorneri, kiffartuussinerit iluarsartuussinerillu suleqataaffigerusuppigit? Taava immaqa illiuvoq Nuummi sannavitsinni mekanikeritut sulilersussaq?

Atorfik pillugu

Nuummi Royal Arctic Linep sannavia ulluinnarni ingerlatsinermi pingaarutilimmik inissisimavoq. Immikkoortortaqarfimmi mekanikerit, saviminilerisut ilinniartullu suleqatigiillutik suliffeqarfiup atortui malittarisassanik atuuttunik aammalu ukiuni amerlasuuni misilittakkat tunngavigalugit aserfallatsaaliorneqarnissaat, suliarinissaat iluarsaanneqarnissaallu qulakkeertarpaat.

Sulianik ilisimaarinnittunik suleqatigiinnut ilaalissaatit, pilersaarusiorluni aserfallatsaaliinerit kiisalu pisariaqartitsineq naapertorlugu piaartumik iluarsaassinerit suliarisassallugit. Suliaqarfigisassanni aammattaaq Kujataani Tunumilu atortunik nakkutilliinernik isumagisaqartassaatit, kiisalu suliffeqarfiup umiarsuaataasa atortuinik nunani allani sullissisinnaanissat piareersimaffigissallugu.

Sannavik suliffeqarfiup iluani immikkoortortaqarfinnut assigiinngitsunut kiisalu avataaneersunut kiffartuussisarpoq. Taamaattumik suleqatikkuminartuunissaq aammalu suleqatinut sullitanullu pitsaasumik isiginnittaaseqarneq atorfeqarnermi pingaaruteqarluinnarput.

Suliassarissavatit

• Atortut ingerlaartut suliarineri aserfallatsaaliornerilu

• Qamutit kivitsissutit aaqqissorneri misissortarnerilu

• Atortut ingerlaartut ajoqutaannik ujarlerneq iluarsaannerilu.

• Suliffeqarfiup atortuinik nakkutilliineq kiisalu qanoq issusiinik nalilersuineq.

• Royal Arctic Linep immikkoortortaqarfiinut allanut teknikkikkut ikiuunneq, makku ilanngullugit:

  • Claims

  • Umiarsuit

  • Umiarsualiviit

  • Sannaviit

  • Pisariaqartitsineq naapertorlugu teknikkikkut suliassat allat.

Naatsorsuutigaarput

• Mekanikeritut ilinniagaqarsimassasutit imaluunniit assingusumik teknikkikkut ilinniagaqarsimassasutit.

• Namminersorlutit, aaqqissuussamik akisussaassuseqarlutillu sulisinnaasutit.

• Suleqatikkuminartuussasutit aammalu suliffeqarfiup iluani immikkoortortaqarfiit akornanni suleqateqarnissaq nuannarissagit.

• Eqaatsumik assigiinngitsutigut suliassanik isumaginnissinnaasutit.

• Pitsaassuseq, isumannaallisaaneq pitsaasumillu sullissineq pingaartikkit.

  
  Neqeroorutigaavut

• Nunatsinni suliffeqarfiit pingaarnerpaat ilaanni suliffik pissanganartoq assigiinngisitaartorlu.

• Suliamut tunngatillugu unammilligassat ineriartornissamullu periarfissat pitsaasut.

• Suleqatit pikkorissut akornanni suleqatigiinneq nukittooq.

• Suliffeqarfik suleqatigiissinnaanermik, akisussaassuseqarnermik pitsaassusermillu pingaartitsisoq.

Royal Arctic Line suliffeqarfiuvoq angisooq assigiinngitsunillu suliaqarfiusoq. Taamaattumik ilaanni sannaviup nalinginnaasumik suliassaqarfiata avataatigut suliassat takkussinnaasarput. Tamanna pillugu pingaaruteqarpoq eqaatsuumik aammalu suliffeqarfiup iluani suleqatit peqatigalugit pitsaanerpaamik aaqqiissuteqartarnissaq.

Saaffissaq: Peter Jakunguak Berthelsen, pjb@ral.gl, +299 34 92 04

Qinnuteqarnissamut killigititaq: Killigititaqanngilagut, oqaloqatiginninnerit ingerlaavartumik ingerlanneqartassapput

Tusagaqarfiginissat qilanaaraarput.