MISI Kujalleq Tarnip pissusaanik ilisimsalimmik pissarsiorpoq

Kujataani meeqqanut aamma inuusuttunut allanngueqataarusuppit? Meeqqat, ilaqutariit, atuarfiit paaqqinnittarfiillu qanillugit sulerusuppit sulianut piginnaasalinnik assigiinngitsunillu tunuliaqutalinnik avatangiiseqarlutit?

MISI Kujalleq Tarnip pissusaanik ilisimasalimmik tunniusimasumik suliatigullu alapernaatsumik pr. 1. august 2026 isumaqatigiissuteqarnikkulluunniit atorfinittussamik pissarsiorpoq.

MISI Kujalleq pillugu

MISI-Kujalleq Qaqortumi angerlarsimaffeqarpoq, kujataanilu illoqarfinni pingasuni perorsaanikkut tarnikkullu siunnersuisarneq akisussaaffigalugu. Qaqortumi, Narsami, Nanortalinmmi kiisalu nunaqarfinni taakkununnga atasuni atuarfiit paaqqinnitarfiillu sullittarpavut taavalu meeqqat 0–18-inik ukiullit isumagisaralugit.

Suleqatgiiit qanittut tunniusimasullu makkuninnga inuttallit peqataaffigilissavatit:

• Tarnikkut pissutsinik ilisimasallit pisortaat

• Tarnip pissusiinik ilisimasalik

• Immikkut atuartitsinermi siunnersorti

• MISI siunnersorti

• Kontorfuldmægtigi

Uagutsinni "tassaaginnassanngilatit" psykologeq - tukimut suleqatigiinnermi pingaarutilimmi ilaalissaatit, taakkunanilu isummersoqatigiinneq, ataatsimut nalilersuineq kiisalu qanimut suleqatigiinneq ulluinnarni sulinermut ilaassapput.

Atorfik pillugu

Psykologissarsiorpugut meeqqanut inuusuttuaqqanullu assigiinngitsunik pisariaqartitsisunut ajornartorsiuteqartunullu qanilluni tamatigoortumik imartuumillu sulinermik nuannarisalimmik. 

Sulinerup ilarujussua makkuninnga imaqarpoq:

• Meeqqanik 0-18-inillu ukiulinnik tarnikkut misissuineq naliliisarnerlu

• Malinnaaviginninnerit, oqaloqatiginninnerit qulaajaanerillu

• Angajoqqaanut, ilinniartitsisunut perorsaasunullu siunnersuineq ilitsersuinerlu

• Atuarfinnik, paaqqinnittarfinnik allanillu suleqateqarneq

• MISI-p sulisuinik allanik isummersoqateqarneq suleqateqarnerlu

• Psykologitut naliliinernik, nalunaarusianik oqaaseqaatinillu suliaqarneq

• Immikkut atuartitsinermi ineriartortitsinermut pitsanngorsaanermullu peqataaneq

Meeqqat inuusuttuaqqallu atugaannut, ineriartornerannut ilikkariartornerannullu periarfissanik pitsaasunik pilersitsinermi qitiusumik inissisimassaatit.

Illit makkunannga piginnaasaqartutit atorfinitsikkusuppatsigit:

• Tarnip pissusaanik ilisimasalittut ilinniagaqaruit

• Immikkut perorsaaneq pillugu sulinermut, siunnersuinermut tukimullu suleqateqartarnermik misilittagaruit

• Makku piginnaasaqarfigigukkit

  o   aqqutissiuineq, siunnersuineq saqqummiisarnerlu

  o   malinnaaviginninnerit, perorsaanikkut naliliinerit, misiliinerit taavalu psykologitu oqaaseqaatissiornerit nalunaarusiornerillu

• Meeqqat, angajoqqaat, atuarfiit, paaqqinnittarfiit suleqatillu eqqarsaatigalugit suleqatiginninnermut attaveqarnermullu pikkorissoq

• Namminersorluni, aaqqissuulluakkamik ataatsimullu isiginnilluni sulisinnaasoq

• Immikkut atuartitsinermi perorsaanermilu suliatigut ineriartortuarumasoq nutarterisarumasorlu

Neqeroorutigaavut

• Suliaq soqutiginartoq ineriartorfiusorlu, psykologisut suliassanut assut sammisoq

• Suliaqarfiit assigiinngitsut akornanni suleqatigiinneq

• Inuttut suliatigullu ineriartornissamut periarfissat pitsaasut

• Sullivik tunniusimasunik suleqateqarfiusoq assullu ataatsimoorfiusoq

• Sulineq tamatigoortoq Kujataani meeqqanut ilaqutariinnullu assut pingaarutilik

Akissarsiat atorfinitsitaanermullu tunngasut

Atorfik Naalakkersuisut kiisalu Ilinniagartuut kattuffiisa akornanni Isumaqatigiissutit naapertorlugit akissarsiaqartitsiviussaaq

Ineqarneq atorfimmilu atugassarititaasut

Malittarisassat atuuttut malillugit inissaqartitsisoqarsinnaavoq. Ineqarnikkut pissutsit pissutigalugit utaqqiisaagallartumik ineqartitaanissaq naatsorsuutigisariaqarpoq.

Atorfimmut atatillugu sulilernissannut angalanissaq akilerneqassaaq, pequtillu angallanneqarnissaat maleruaqqusat atuuttut naapertorlugit akilerneqassallutik.

Meeqqanik pinerliisimannginnermut uppernarsaat

Atorfik meeqqanut pinerluuteqarsimannginnermut uppernarsaammik pissarsinissaq pillugu inatsimmit ilaatinneqarpoq.

Paasissutissat allat

Atorfik pillugu sukumiinerusumik paasisaqarusukkuit uunga attaveqarnissamut tikilluaqqusaavutit:

Sulianik aqutsisuugallartoq Mie Jensen Tlf. 64 81 34, E-mail: mije@kujalleq.gl

Qinnuteqaat

Qinnuteqaat ilanngussanik pisariaqartunik ilaqartoq, soorlu:

• Pinerluuteqarsimannginnermut uppernarsaat

• Ilinniarsimanermut uppernarsaat

• Siusinnerusukkut suliffigisimasanik paasissutissat

• Sulisitsisumiit oqaaseqaataajunnartut

kommunip nittartagaatigut PDF-inngorlugit nassiunneqassapput kingusinnerpaamik: 26. juni 2026 

Malugiuk:
Pappiaqqanik mailikkulluunniit qinnuteqaatit tiguneq ajorpavut.