Museumteknikeri

Nunatta Katersugaasivia Allagaateqarfialu museumteknikerimik pissarsiorpoq

Nunatta Katersugaasiva Allagaateqarfialu museumsteknikerimik tamatigoortumik pikkorissumillu pissarsiorpoq. Sulisussap suliaminut pikkorissup tunniusimasullu katersugaasiviup ulluinnarni ingerlanneqarnera, saqqummersitsisarnera, ineriartortinneqarnera paaqqutarineqarneralu isumagissavaa.

Suliassat assigiinngiiaarput teknikkikkut sulisartutullu piginnaasaqarluarnermik piumasaqaatitallit. Teknikerip illup nakkutigineqarnissaa akisussaaffigaa, illuutit, atortut sakkullu innarlinnginnissaat qulakkeertussaallugu. Taamatuttaaq sulilersussap suliffeqarfiup angallataa biilillu aserfallattaalinissaat paaqqutarineqarnissaallu akisussaaffigaa. Ingerlatsisussaq avammut suliffeqarfinnut avataaniittunut immikkut suliaqartartunut attaveqaataassaaq. Taamatuttaaq ingerlatsisup sillimaniarnermut atortut, qatserutit,

kalerrisaarutit, qulliit allallu sillimaniarnermut tunngasut akisussaaffigissavai.

Suliassat pingaarnerit tassaassapput

• Suliffeqarfimmi ilusilersuisartoq suleqatigalugu immikkut saqqummersitassat

pilersikkiartuaarneranni ineriartortitseqataalluni suleqataasarnissaa

• Saqqummersitani IT-mi atortunik ikkussuineq nakkutiginninnerlu
• Umiatsiap motooriatalu isumannaatsuunissaat qulakkiissallugu
• Illuutinik nakkutilliineq allatigullu iluarsaassineq
• Asimut suliartortussat piareersaqatigalugit atortuutit pissusissamisoornissaat

qulakkiissallugu

• Asimi misissuinerni atortutigut sakkussatigullu ikiuulluni peqataasarnissaq
• Sannaviup ingerlanera maskiinallu, taknikkikkullu atortut allat, nakkutigalugit
• Apisalernerani aputaajaaneq aaqqissuuttassallugu
• Suliassat allat soorlu assartuineq, avatangiisit minguitsuunissaat eqqiluitsuutitsinissarlu isumagissallugit.

Sulilersussaq ujartugarput

• Assassornermik sulisartuussaaq ilinniagaqarlunilu, taamatuttaarlu teknikkikkut atortunik passussisinnaallunilu, aaqqissuussisinnaallunilu misilittagaqarluartuussaaq
• Umiartornermut, motorinik paarsisinnaanermut allatigullu angallammik
• ingerlatsisinnaanermut allagartaqassaaq
•  Kalaallisut qallunaatullu oqalussinnaallunilu allassinnaassaaq
• AV-mi IT-milu suliassanik sulisinnaanermik ilisimaarinnittuussaaq ikkussuisinnaallunilu
• Bilinik ingerlassisinnaanermik allagartaqassaaq
• Pilersaarusiorsinnaassuseqassaaq aaqqiissutissanillu nassaassarsiullaqqissuulluni.

Suliffik sap. ak. 40 tiimit suliffiuvoq. Ilinniarsimanermut allagartat, pinerluuteqarsimannginnermik uppernarsaat taavalu børneattest qinnuteqaammut ilanngunneqassapput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk