Naalakkersuisut Siulittaasuata Naalakkersuisoqarfianut inatsisilerituutut ilinniartut ikiortit marluk

Inatsisilerituutut atuarneq ingerlappiuk aammalu inatsisilerinikkut ilisimasavit suliaqarnermi atornissaat kissalaarfigaajuk? Taamaappat immaqa illit Naalakkersuisut Siulittaasuata Naalakkersuisoqarfiata ataani Inatsisilerinermut immikkoortortaqarfimmi ujarpatsigit.

Inatsisilerituutut ilinniartunik ikiortissanik marlunnik, pisortat ingerlatsineranni inatsisinik aamma inatsiliornerup ingerlasarneranik annertuumik soqutiginnittunik, sulisussarsiorpugut.

Suliassatit:

Suliassatit immikkoortortaqarfimmi ulluinnarni ingerlatsinermut attuumassuteqassapput:

• Nalunaarutit.gl-imi maleruagassanik piareersaallunilu suliarineqartunik saqqummiussineq allatullu tamanut saqqummiussineq

• Inatsisit atuutilernerinik nalunaarutiginninnerit, journalilersuineq toqqorterineq

• Oqartussanit innuttaasuniillu il.il. saaffiginnissutit akissuteqarfigineqarnerat

• Oqinnerusunik suliassanik suliarinninneq, assersuutigalugu allagaatinik takunninnissamut, tusarniaanernut il.il. atatillugu

• Maleruagassanngortussat inatsisilioriaatsikkut pitsaassusaannik qulakkeerinermi ikiuunneq

Naatsorsuutigaarput illit:

• tatiginartuusutut akisussaaffeqarnerillu eqqumaffigigit

• torersaarneq, aaqqissuussineq sukumiisullu pikkoriffigigitit

• nammineerlutit sunniuteqarluartumillu sulisinnaasutit

• naalagaaffimmi pisortallu ingerlatsineranni inatsisit kiisalu inuit pisinnaatitaaffii annertuumik soqutigisarigitit

• kalaallisut danskisullu oqaluinnarlutit allattariarsorlutillu oqaaseqatigiiliullaqqissuusutit

• inuit akornanniillaqqissuusutut aammalu qungujunnartut tappiffigigukkit pitsaassalluni

Ilinnut neqeroorutigisinnaavagut:

• Nuummi inatsisilerituut akornanni politikkikkut suliat ingerlaneri qanilluinnarlugit ilinniartumut suliffissaq

• Suleqatit ikiuukkumatuut, inutsialaat pikkorissullu

• Suliassat misilittagarnut naleqqussagaasut allanngorartut ineriartortitsisullu

• Sapaatip akunneranut nalunaaquttap akunnerini 16-24-ni sulisarnissaq aallaavigalugu atugassarititaasut allanngorartinneqarsinnaasut

Inatsisilerinermut immikkoortortaqarfik pillugu: 

Inatsisilerinermut immikkoortortaqarfik Naalakkersuisut Siulittaasuata Naalakkersuisoqarfiata, Kalaallit Nunaanni naalakkersuisut aqutsisuanik (Naalakkersuisut Siulittaasuat) sullissisup, ataaniippoq. Immikkoortortaqarfimmi suliassani ilaatigut ilaapput maleruagassiorneq, inatsisilerinikkut siunnersuineq, ilitsersuineq atuartitsisarnerlu, inatsisit il.il. inatsisilerinikkut pitsaassusaannik qulakkeerineq, inatsisinik atuutilersitsinerit, inatsisit atuutilernerannik nalunaarutiginninnerit aamma inatsisinut qarasaasiatigut paasissutissaasivimmik allanngutsaaliuineq.

Qinnuteqarnissamut killigititaq:

Qinnuteqarnissamut killigitinneqarpoq ulloq, ataasinngorneq, 17. martsip 2025. Ulloq atorfiniffissaq sapinngisamik piaarnerpaamik.

Paasissutissat annertunerusut:

Atorfik annertunerusumik paasisaqarfigerusukkukku, siunnersorti Maja Sandgreen Bourup attavigisinnaava uani mailimi masb@nanoq.gl imaluunniit oqarasuaat 34 67 98, taamaanngippat inatsisilerinermut pisortaq Stefan Krehbiel oqarasuaammut 56 22 10.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. E-mail-ikkut qinnuteqaatinik tigusineq ajorpugut.

Qinnuteqaat nassiuguk