Fakta
Atorfik suussusaa: Kisitsisitigut paasissutissiortoq
Suliffeqarfik: Grønlands Statistik
Qinnuteqarfissamut killigititaq: februaarip 23.-at, 2026
Attavissaq: Anders Blaabjerg +299 34 57 81
Atorfik pillugu
Kalaallit Nunaanni inuiaqatigiit pillugit kisitsisitigut paasissutissiornermi ingerlatsisussamik ineriartortitsisussamillu suleqatissarsiorpugut.
Naatsorsueqqissaartarfimmit suliat annerpaartaat pisortaqarfinni allaffissornikkut nalunaarsuisarfinnit tunngaveqarput. Taamaattumillu nalunaarsuutinik suliaqarneq, misissueqqissaarneq aamma saqqummiussineq programmileraluni atortut SAS, R, SQL aamma Excel-i atorlugit ullut suliffiit annertunerusumik ingerlanneqartarput. Piginnaasatit soqutigisatillu aallaavigalugit kisitsisitigut paasissutissiorfimmik ataatsimik arlalinnilluunniit akisussaaffeqassaatit.
Kisitsisitigut paasissutissiorneq saqqummersitassanut pilersaarut malillugu, nittartakkap qaqugukkut paasissutissanik saqqummiunneqartussanik nutarterneqarnissaanut aalajangiisumik, ingerlanneqartarpoq. Ingerlatsinermi suliassat taamaattut ulluinnarni initunerupput, suliassaqartarporli aamma sullitanut misissueqqissaarnernik immikkut ittunik imaluunniit ilisimatusartunut sullissinnernik. Suliani taamaattuni saqqummersitassat pitsaassusaannik qulakkeerinnittunik ataatsimoorussanik suleriaaseqarpugut, pingaartumillu atorfininnermit ukioq siulleq piumasaqaataavoq suleriaatsit pisariallit ilinniarnissaannut annertuumik sulerusussuseqarnissaq.
Piginnaasat
Ingerlariaqqiffiusumik ilinniagalimmik sulisussarsiorpugut, nalunaarsuutinillu suliaqarnermi piginnaasaqarnissaq piumasaqaataavoq tamannalu ilinniakkamit imaluunniit siornatigut suliffigisimasamit uppernarsarneqarsinnaasariaqarluni.
Taamaattumik sulisoq ujagarput:
- Programminik suliaqarnermi SAS, R, SQL imaluunniit Excel-imik atuinermik misilittagaqassaaq ilisimasaqarluniluunniit
Taamatullu iluaqutaassalluni:
- Naleqquttumik inuussutissarsiornermi milittagaqaruit
- Kalaallit Nunaanni inuiaqatigiit pillugit ilisimasaqaruit
- Kalallisut, qallunaatut tuluttullu oqalussinnaallutillu allassinnaaguit
Naatsorsueqqissaartarfik pillugu
Naatsorsueqqissaartarfimmi sulisut www.stat.gl, Kalaallit Nunaanni kisitsisitigut paasissutissiornermi qitiusumik nittartagaq, ataatsimoorullugu ingerlappaat. Nittartagaq innuttaasunut assigiinngitsunillu sulialinnut soorlu tusagassiortunut, politikerinut, ilinniartunut, pisortaqarfinni atorfilinnut ilisimatusartunullu Naatsorsueqqissaartarfimmut isertarfiuvoq. Tassanilu 2025-mi kisitsisaataasivimmi tabelit 450-init amerlanerusut 100-niillu amerlanerusunik sammisanut tunngasunik saqqummersitanik ilallit saqqummiunneqarsimapput.
Suleqatigiit 15-iinnaavugut, tamattalu sulianut aalajangersimasumik ingerlatanut ineriartortitanullu suleqataasarluta. Allaffimmut ataatsimoorussinermik suleqatigiinnermillu naleqartitsisumut salliutitsisumullu ilanngutissaatit.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartunut kandidatitut ilinniarsimasunut ukiunilu arlalinni naleqquttumik inussutissarsiornermi misilittagalinnut specialkonsulentitut atorfininnissaq periarfissaavoq.
Atorfik sapaatip akunneranut akunnerni 40-ni suliffiuvoq.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Annertunerusumik paasissutissat
Atorfik pillugu annertunerusumik paasisaqarusukkuit Naatsorsueqqissaartarfiup pisortaa Anders Blaabjerg oqarasuaat +299 345781 imaluunniit e-mail: abla@stat.gl atorlugit attavigineqarsinnaavoq.
Qinnuteqarneq
23. februaari 2026 qinnuteqarnissamut killigititaavoq. Atorfik pillugu oqaloqateqarnerit qinnuteqarnissamut killigititap kinguninngua pissasut naatsorsuutigineqarpoq.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk
