Najugaqatigiiffik Pakkutaq sulisussarsiorpoq

Inunnut innarluutilinnut tarnimikkullu nappaatilinnut immikkoortortaqarfik Najugaqatigiiffik Pakkutami sulianik aallartitsillaqqissumik iliuuseqarluarsinnaasumillu sulisussarsiorpoq

Taamatut sulinissaq uummateqarfigaajuk, aamma najugaqartut pillugit allanngueqataarusuppit, taava illerpiaq suleqatissatsitut amigaatigaatsigit.

Atorfik ulloq naallugu suliffiuvoq sap. ak. 40 tiimit annerusumik ullukkut suliffiulluni. Najugaqartuutitta ineriartornissaannut tapersersuinermi suleqatitit qanimut suleqatigissavatit. Pingaartumik innuttaasoq ataaseq ikorfartussavat aammalu tassunga attaveqaataassaatit. Attaveqaatitut aaqqissuussamik sulissaatit aammalu innuttaasup ineriartornissamut anguniagai siunnerfigalugit sulissallutit - innuttaasup pitsaasumik inuuneqarnissaa ukkataralugu. Aqutsisut peqatigalugit aaqqissuussinermik suliaqassaatit, aammalu innuttaasup maannakkorpiaq pisariaqartitai pisinnaasaalu aallaavigalugit, aammalu nersualaarinnittumik siumullu isigisumik sulissallutit ulluinnarni erseqqissunik sinaakkuteqartillugu.

Najugaqatigiiffik Pakkutaq innuttaasunut timimikkut tarnimikkullu piginnaasakillisimasunut, 18-iniit qummullu ukiulinnut 12-inut inissaqarpoq. Najugaqartut ataasiakkaat timimikkut, eqqarsartaatsimikkut inooqataanikkullu piginnaasaminnik attassiinnarnissaannut ineriartortinnissaannullu ikiorneqarnissaat pingaarnertut suliassarissavatit. Suleqatitit peqatigalugit innuttaasoq kinaassutsiminik, imminut naleqartinnermik aamma inuunermik nuannarisaqarneranik attassiinnarnissaanik ineriartortitsinissaanillu ikorfartussavat.

Peqqissaavimmut, nunap immikkoortuani tarnimikkut nappaatillit nakorsaannut, kommunimi timimik sungiusaasunut pillorissaasunullu kiisalu innuttaasup sullissisuanut attaveqarnissaanut sulisutut ikorfartuinissanut akisussaasooqataassaatit.

Suliassatit:

·Najugaqartut nammineernerulernissaat inuunerisalu pitsaanerulernissaat ineriartortillugit ilaatigut najugaqartunut iliuusissatut pilersaarusiat najoqqutaralugit sulinikkut

·Najugaqartup ulluinnarni sammisassanut kajumissaarlugulu tapersersortassavat assersuutigalugu pisuttuarnermi, pisiniarnermi, nakorsiarnermi

·Suleqatit, aqutsisoq najugaqartorlu suleqatigalugit najugaqatigiiffimmi ataatsimoornerulersitsineq

Suliassat najugaqatigiiffimmi sulisut allat qanimut kiisalu illup iluani avataanilu suleqatigisat suleqatigalugit suliarineqassapput, matumani sullissisut, Ikaarsaarfik, Dronning Ingridip Napparsimmavissua aamma Pinerluttunik Isumaginnittoqarfik ilanngullugit.

Ilinnut naatsorsuutigisavut:

·Innuttaasutsinnut sullissinermik soqutigisaqartoq

·Unammillernartunut alapernaatsoq kajumilersinneqartartorlu

·Isumassuisutit aamma ilakkuminartutit, suliffiullu isumannaatsumik avatangiiseqarnissaanut tamanna iluaqutaassasoq takunnissinnaassaatit

·Ilinnut immikkoortortaqarfitsinnilu ineriartortitserusussusilik, taamaalillutit najugaqartumut allannguineq pingaaruteqarluinnartoq pilersillugu

·Inuttut ilakkuminartuussaatit qiimasuusutillu

·Eqqissisimasuusutit, naammagittarsinnaassuseqartutit namminerlu toqqissisimasuullutit

·Aalajaatsutit, tatituujusutit inunnillu allanik inissaqartitsillutit

·Peqqissutsimut tunngasumik imaluunniit perorsaasutut tunuliaquteqarnissat.

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Uagut pilluta:

Atorfimmi tassani ataatsimooqatigiinnermi annertuumi peqataalissaatit. Immikkoortoqarfiuvugut arfineq-pingasunik najugaqatigiiffeqartoq, tallimanik allanik najugaqatigiiffeqartoq, marlunnik sammisassaqartitsinermut ataatsimooqateqartitsinissamullu neqeroorutilik kiisalu tapersersorteqarfinnut pingasunut Nuummi, Tasiilami Paamiunilu agguataarsimasut.

Immikkoortoqarfimmi annertuumik ineriartortitsiffiusumi pissanganartumilu atorfimmik neqeroorfigaatsigit. Ineriartortitsinermi ilaatigut pineqarput sulilerlaatut iluamik ilitsersuunneqarnissat, ingerlaavartumik siunersioqatigineqartarnissat kiisalu suliatigut ataatsimooqatigiiffeqarneq.

Suli paasisaqarusukkuit attaveqarfiginissatsinnut tikilluaqqusaajuassaatit.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Naatsorsuutigaarput atorfininnissamut oqaloqateqassalluta sap.ak. 23-mi.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Sikkersoq Karlson, oqarasuaat +299 58 19 19 imaluunniit e-mail: skar@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 483-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juunip 4.-at, 2025

Atorfik una qinnuteqarfigiuk