Najugaqatigiiffik Seernamut Perorsaanikkut Peqqinnissakkulluunniit tunuliaqutillit marluk

Inersimasunik innarluutilinnik sullitaqarnissat soqutigaajuk, aammalu najugaqartunut ulluinnarni toqqissisimanermik isumalimmilimmillu ulluinnaqarnissaat kissaatigaajuk? Taamaappat Najugaqatigiiffik Seernami suleqataalernissarnut periarfissaqarputit.

Tunniusimasunik sulisunik marlunnik ujartuivugut, ilinniagallit ilinniagaqanngitsulluunniit, kisianni perorsaanerup tungaatigut peqqissutsilluunniit tungaatigut tunuliaqutillit misilittagallilluunniit, tamakkiisumik sapaatip akunnerup iluani akunnerit 40-t sulisinnaasut ullaakkut, ualikkut unnukkut akunnerullu naanerani sulisinnaasut.

Najguaqatigiiffik Seernaq Nuummi najugaqatigiiffik annerit ilagivaat najugaqartunik timimikkut tarnimikkulluunniit innarluutillit ilaanni ineriartornermik unittooqqasut autismemilluunniit innarluutillit 19-t najugaqartuutigalutigit.

Najugaqartut ulluinnaani ikorfartornissaat ukkatarlugit sulisarpugut, taamaasillutik nammineersinnaanerat, qanoq issusaat inuulluataarnerallu sapinngisamik anguniartarlutigit. Ulluinnarni sulineq najugaqartut ataasiakkaat pisariaqartitaat, sakkussaat kissaataallu aallaavigalugit suliffiuvoq.

Sulisutut sulisut ilinniarsimasut ilinniarsimanngitsullu suleqatigilissuatit sulisut perorsaanikkut peqqinnissakkulluunniit tunuliaqutillit. Suleqatigiinneq, ataqqinninneq ilisimatussuserlu ulluinnarni naleqartitatta ilagivaat.

Pingaarnertut suliassarissavatit:

·Najugaqartut ulluinnarni sammisassaanut periusaanullu ikorfaruineq ilitsersuinerlu

·Najugaqartut inuttut, inuiaqataasutut piginnaasaanillu ineriartornissaanut tunniussaqassaatit

·Najugaqartut ulluinnaani aaqqissuussamik, toqqissisimanermik allannguinnginnissamillu pilersitseqataassaatit

·Sammisassanut pilersaarusioqataaneq naammassinninnerlu

·Suleqatinut, aqutsisunut, qanigisaasunut avataanilu suleqatinut suleqatiginnissaatit

·Nakkutigisat iliuutsillu pisariaqartut nalunaarsortassavatit

·Pitsaasumik sulliviup avatagiisaanut suleqatigiinnissamullu tunniussaqassaatit

Naatsorsuutigaarput:

·Perorsaanerup peqqinnerullu tungaatigut tunuliaqutilik misilittagalillu, ilinniarsimasutut ilinniarsimanngitsutullu

·Inersimasunut innarluutilinnut sulinissamut soqutigisalik

·Akisussaassuseqartut, aalajaatsoq suleqataarusussusilik

·Namminersorsinnaasoq ataatsimoorussamillu suleqataasinnaasoq

·Najugaqartunut akuersaartoq ataqqinnittorlu

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Uagut neqeroorutigaarput:

·Atorfik pissanganartoq isumaqarluartorlu

·Pitsaasumik sulliviup avatagiisilik tunniusimasunillu sulisulik

·Ilisimatussutsikkut inuttullu ineriartornissamut periarfissalik

·Suliffimmut iseriartornissamut pitsaasumik ilinniartitsisinnaasoq

·Suliffik suleqatigiinnermut, qanoq issutsimut aammalu ilimatussutsinut ukkatarinnittoq

Uagut pilluta:

Atorfimmi uanit annertuumik ataatsimoorfiusumut peqataalissuutit: Immikkoortortaavugut arfineq pingasunik najugaqatigiiffilik, tallimanik bokollektivilik, marlunnik sammisassaqartitsivilik aammalu pingasunik ikorfartorteqatigiilik Nuummi, Tasiilami Paamiunilu.

Immikkoortortamut atorfimmut pissanganarluinnartumut ineriartortumik neqerooruteqarpugut. Ineriartornerup ilagivaa sulisutut nutaatut ilisarititsinissaq pitsaasoq ingerlanneqarnissaa, avitseqatigiittuarneq aammalu ilisimatussutsikku ataatsimoorfiusoq.

Sapaatip akunnera 12-mi naatsorsuutigaarput atorfininnissamut oqaloqatiginninnerit ingerlanneqarumaartut

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisoq Tupârnak´ K. Raage, oqarasuaat +299 54 78 46 imaluunniit e-mail: tuki@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 187-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: marsip 13.-at, 2026