Nakkutilliinermi oqartussat Sullissisussarsiorput

Kommuneqarfik Sermersooq, Nakkutilliinermi oqartussat sullissisumik pikkorissumik atorfimmut nutaajusumut sulisussarsiorpoq / Sanarfinermi Avatangiisinullu Ingerlatsivimmi ulloq 01-12-2025 sulilertussaq imaluunniit isumaqatigiinnikkut.

Nuuk sukkasuumik ineriartorpoq, taamalu nakkutigisassat aamma amerliartorput. Sanarfinermut Avatangiisinullu Ingerlatsivik, Nakkutilliinermi oqartussanit ilaatigut makkua suliarineqartarput; qamutit nalunaarsorneqartarnerannut ilisarnaateqanngitsu (nummerpladeqanngitsut), angallatit aammalu container-it, taakkununngalu akuersissutit tunngasut.

Nakkutilliinermi immikkoortortaqarfik, Angallannikkut aammalu Nakkutilliinermi Aqutsisoqarfik ilagivaat, taammaasillugu Nakkutilliinermik immikkoortortaqarfimmi suliallit massakkut marluullutik. Immikkoortortami suliassat nutaat ilanngunneqarnissaat naatsorsuutigineqartoq tunngavigalugu sulisoqarneq sulisumik ataatsimik annertusarneqassaaq. Atorfik inuttassarsiorneqartoq ulloq ilivitsoq suliffiuvoq immikkoortortami aqutsisoq qaninnertut pisortaralu.

Suliffiup imarisaa:

Suleqatissarput ujartugarput tassaassaaq – sullissinermik misilittagartooq makkununnga suleqataasussaq;

·Qinnuteqaatinik ukununngaanerusoq suliaqartartussaq, angallatit, qamutit nalunaarsorneqartussaatitaanerannut ilisarnaateqanngitsut aammalu container-it,

·Aalajangiisoqannginnerani tusarniaanerit taakkulu malitsigisaanik aalajangiinerit

·Akuersissutinik tunniunneqarsimasunik nakkutilliineq

·Qamutit nalunaarsorneqartarneranni ilisarnaateqanngitsunik, angallatinik aammalu container-inik illoqarfimmi nakkutilliineq taamatullu allaffissornikkut suliassartaat – malittarisassallu malillugit taakkunannga nalunaarsuineq saqqummiussinerlu

·Suliffik allanngorarsinnaasarpoq ilaatigut illoqarfimmi nakkutilliinermi suliaqarnermik ilaatigullu allaffissornikkut suliaqarneq, taamalu aqutsisoqarfimmi suliat nammineerlutik aallartinneqartut. Suliat suleqatigiit akornanni agguataarneqartarput.

·Suliat allat takkussuuttut

Suliassat immikkoortortaqarfiup taamatullu aqutsisoqarfiup sulisui allat peqatigalugit qanimut suliarineqartarput tassami nakkutilliinermi suliassat amerliartornissaat naatsorsuutigineqarmat.

Qinnuteqartumut piumasaraarput

·Sullianut pineqartunut ilinniagaqarsimassasutit soorlu allaffimmiutut imaluunniit teknikkimut tunngasumik ilinniagaqartuusutit

·Oqaattitsigut aammalu allattariarsornikkut pitsaasumik attaveqaqatigiisinnaaneq pikkofigigit – kalaallisut aammalu qallunaatut

·Innuttaasut saaffinnissutaannut pitsaasumik toqqaannartumillu kiinnersinnaassasutit

·Pisortat suliffeqarfiutaanni politikkullu ingerlanneqartumi misilittagaqarnissat, tassungalu atatillugu pisortat suliffeqarfiinut inatsisinut ilisimarinninnissat, tamannalu piumasaqaataanngilaq tamakku tungaatigut ilinniartitsisoqassammat.

Aammattaaq pingaartipparput

·Nammineerlutit suliamik ingerlatsisinnaassasutit aammalu anguniagaqarusuttuussallutit

·Aalajaatsoq taamatullu pitsaasumik naammassinnikkususilik eqqummaarissoq

·Nukittuujullutillu inissaqartisuusutit

·Allat peqatigalugit suleqatiginnissinnaasoq immikkoortortap suliffeqarfiullu aaqqissuusaanera akimorlugu

·Ullormi suliffigisami allanngorarfiusumi, ulapaarfiusumi aammalu immittinnut susassareqatigiinittinni ataatsimullu kivitseqatigiilluta sulianik ingerlatsineq

·Sulianik arlaqartunik aallutaqarsinnaaneq sammivik tammaangikkaluarlugu

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

·Biilinut ingerlatisinnaanermut allagaqartaqarnissat, kisiannili tamanna piumasaqaataanngilaq

Neqeroorutigaarput

Suliffik unammillernartulik suliallu ingerlanneqarnerannut sunniuteqataanissat, akisussaassusilik suliffeqarfimmi ineriartorfiusumi aammalu allanngoriartortumi. Suliffimmut aallartisarluarnissaq anguniarlugu piukkunnarsaanissaq pingaartipparput suleqatigiinneq pitsaasoq qulakkeerusullugu, aqutsisumullu isummanik paarlateqateqarsinnaaneq namminerlu aaqqiissutissanik tikkuusisinnaaneq. Sanarfinermut Avatangiisinullu Ingerlatsivimmi innuttaasunut oqaloqatigiinnikkut aammalu innuttaasut peqataatinnissaat pingaartitaraarput, suleqatigiillu toqqissisimanissaat anguniarlutigu.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisoq Vilhelm Lynge Hard, oqarasuaat +299 36 76 42 / +299 55 62 83 imaluunniit e-mail: vilh@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 978-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: oktobarip 6.-at, 2025

Atorfik una qinnuteqarfigiuk