Nalunaarasuartaateqarnermi Aqutsisoqarfimmut inatsisileritooq

Kalaallit Nunaanni nalunaarasuartaatitigut, radiokkullu attaveqarneq nutaaliaasunik, ingerlalluartunillu sinaakkuteqarnissaanut qulakkeerinneqataarusuppit?

Nalunaarasuartaatitigut, radiokkullu attaveqarnermi suliassaqarfimmi ineriartortitsinissamut, aamma innuttaasunut, inuussutissarsiorfinnut, inuiaqatigiinnilu attaveqaasersuutinut pisariaqavissunut nukittuumik tunngavissiinissamik qulakkeerinissamut tapersiisinnaasumik, Nalunaarasuartaateqarnermi Aqutsisoqarfik inatsisilerituumik pimoorussisumik sulisussarsiorpoq. Atorfimmi atorfeqarnermi Naalakkersuisunut, ingerlatsisunut, qitiusumillu sulialinnut allanut qanimut suleqateqartariaqarpoq.

Nalunaarasuartaateqarnermi Aqutsisoqarfik pillugu

Nalunaarasuartaateqarnermi Aqutsisoqarfik marlunnik immikkoortortaqarfeqarpoq: Nalunaarasuartaateqarnermi immikkoortortaqarfik Nalunaarasuartaateqarneq pillugu inatsisip aamma akuersissutit malinneqarnerinik nakkutilliisoq aamma Radiomut Immikkoortortaqarfik radiokkut attaveqarnermik suliassaqarfimmik ingerlatsisoq, frekvensinullu akuersissutinik tunniussisartoq. Kalaallit Nunaanni nalunaarasuartaateqarnerup, radiollu allanngujaatsuunissaat, isumannaatsuunissaat, siunissamullu qulakkeersimaneqarnissaat immikkoortortaqarfiit marluullutik suliaraat.

Neqeroorutigaagut

Atorfik soqutiginartoq, assigiinngisitaartorlu suliatigut annertuumik unammillernartoq, sunniuteqarnissamullu periarfissalik. Suliatigut immikkoortortaqarfiit akimorlugit pingaartumik inatsisitigut suliassat suliarisassavatit, matumani ilanngullugit:

• Nutaatut inatsisissatut siunnersuusiorneq

• Inatsisinik sukuiaaneq, siunnersuinerlu

• Inatsisinut tunngatillugu sulianik suliaqarneq

• Isumaqatigiissusiornerit, taakkuninngalu misissuinerit

• Nalunaarasuartaateqarnermut, radiomullu suliassaqarfimmut pingaarutilinnik inatsisitigut suliassanik assigiinngitsunik suliaqarneq

Naatsorsuutigaarput

• Cand.jur. / cand.merc, jur.-itut ilinniarsimasutit

• Sungiussiasuusutit, akisussaaffinnik ilisimaarinnittutit, suleqateqarsinnaasutillu

• Nutaanik sammisaqarusussuseqartutit, pimoorussisuusutit, suleqatinillu aamma illup avataani suleqatigisanik oqaloqateqarsinnaasutit

• Ersarissumik anngussisinnaasutit – allattariarsornikkut, oqaasiinnakkullu

• ilisimasanut nutaanut, sulianullu atatillugu alapernaatsuusutit, ujartuisuusutillu

• Suliat itisilerneqartariaqartut, piffissallu sivikitsup iluani naammassisassat suliarisinnaagitit

• Aqutsisoqarfiup suliaqarfiini ataaseq imaluunniit arlallit, Kalaallit Nunaanniluunniit pissutsit ilisimasaqarfigigukkit imaluunniit pisortat ingerlatsinerini imaluunniit aaqqissuussisimanerni politikkikkut aqunneqartuni allani misilittagaqaruit iluaqutaassaaq.

Uagutsinni ulluinnat

Qungujunnartunik nuannarisaqarneq , ammasuuneq, pitsaasumillu isiginnittaaseqarneq pingaartittorujussuuagut. Uagutsinni suliatigut siunersiueqatigiittarnerit, inuttullu ineriartornissaq inissaqartinneqarput. Attaveqarneq toqqaannarlunilu iluarsiiniarnermik aallaaveqartarpoq, aqutsisoqarfimmilu anginngitsumi peqatigiiffiulluartumi, isumassarsiallu tassuugu piviusunngortinniarneqartarnerini ilaassallutit.

Attavissaq

Apeqqutissaqaruit imaluunniit atorfik pillugu annertunerusumik paasisaqarusukkuit, Aqutsisoqarfimmi pisortap Kasper Juul-Nielsenip oqarasuaammut +299 34 51 33-mut imaluunniit kajun@nanoq.gl-imut attaviginissaanut tikilluaqqusaavutit.

Aningaasarsiatigut, atorfinitsitaanermilu atugassarititat

Aningaasarsiatigut atorfinitsitaanermilu atugassarititaasut, matumani atorfininnermi suliunnaarnermilu angalasinnaatitaanerit kiisalu pequtit assartorneqarsinnaatitaanerat, Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut naapertorlugit inissinneqassapput.

Ineqarneq

Atorfimmut atatillugu inissaqartitsisoqassanngilaq.

Namminersorlutik Oqartussani atorfeqarninni atorfeqartutut ineqareersimaguit, tassani ineqaannarsinnaatitaavutit. Atorfimmulli atatillugu inigisaq atorfeqarnermut tunngavoq, atorfeqarnerullu taamaatinneqarnerani qimanneqassalluni.