Naluttarfik Malik-mi Teknikerissarsiorpoq

Kommuneqarfik Sermersooq Naluttarfik Malimmi teknikerimik pikkorissumik kajumissuseqarluartumillu 15. Septemberi 2025 kinguninngualuunniit isumaqatigiissuteqarnikkut atorfinittussamik pissarsiorpoq.

Naluttarfik MALIMMi sulisut tassaapput pisortaq aamma annaassiniartartuni akisussaasut 3 kiisalu sulisut sinneri 30-t pingasunngorlugit avinneqarsimasut – annaassiniartartut aamma cafe-mi sulisut. Naluttarfik MALIK Kommuneqarfik Sermersuumi Peqqinneq Susassaqartitsiviullu akisussaaffeqarfianiippoq. Atorfik piffissaq tamakkerlugu suliffiuvoq, sap. ak. 40 tiimit naligalugit. Sapaatip akunnerata naanerini, innaallagissat qaminneranni aamma piffissami 16:00 – 06:00 iluani sulisarnissaq naatsorsuutigineqassaaq.

Uagutsinnut tunngasut paasissutissat annertunerusut uani atuarsinnaavatit: www.malik-nuuk.gl imaluunniit https://www.facebook.com/Naluttarfik.Malik/

Atorfiup imarisaa:

∙Siullertut teknikeri pingaaruteqarpoq ilisimasaqarluarnissaa erngata ingerlaarfii, silaannarissarfiit aammattaaq ernga imit salinnissaa, erngata imii eqiluittuunissaa.

∙Piginnaaneqarluartoq ajoqutinik iluarsaassisinnaasoq, aaqqiisinnaaneq taarsersuinerlu ukuusuni ventilinik, kiassarnermut pumpe aammattaaq silaannarissarfinnik.

∙Aqutsisinnaaneq aammalu nikisiterisinnaaneq teknikikkut atortunik aammalu erngata pittaassusaanik.

∙Suliassat ilaarivai aaqqiinerit taarsiinerillu ukunani, anlægit, uffarfiit, perusuersarfiit, innaallagissanullu atortut il.il

∙Inniminniineq atortorissaarutinik

∙Pisortaq peqatigalugu akisussaaqataaneq ajutoorfiusinnaasuni isumannaallisaanermut pilersaarutit aammattaaq alarmertoornermi atortut isumannaallisartarnissaat.

Qinnuteqartunut naatsorsuutigisat:

∙Attuumassutilimmik ilinniagaqarsimanissaq maskine mesterisut, elektrikerisut

∙Attuumassutilimmik ilinniagaqarsimanissaq (ikiueqqaarnermut, annaassiniarnermut misilitsissimanissaq.)

Pingaartipparputtaaq:

∙Ilisimasaqarluarnissat imit salinnissaannut, imernullu akuutissat

∙Ilisimasaqarluarnissat assigiinngitsuni nalunnguarfiit ilusaannik

∙Nalunngisaqarnissat imit isaaffii nukiisigut anlægit

∙Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat

∙Ataatsimut takunnissinnaaneq attatiinnarlugu arlalinnik suliaqarsinnaanissat,allattariarsornermi oqaluttariarsornermilu ersarissumik paatsuugassaanngitsumillu attaveqartartuunissat.

∙Nammineerluni sulisinnaasoq, akisussaassuseqartoq sullissiumatoorlu

∙Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.

∙Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu.

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

∙Biilernermut allagartaqarnissat

Neqoroorutigaavut:

∙Suliffik pissanganartoq unammillernartunillu suliassartalik, imarisassaanik nammineq sunniuteqarfigisinnaasaq, suliffeqarfimmilu angisuumi ineriartortinneqartuartumi allanngorartuartumillu annertuumik akisussaassuseqarfiusoq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarlugit.

∙Atuariartornissaq Teknologiske Institut-mut imernut tunngassutilimmut Odense-mi.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq: 

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Naluttarfiup pisortaa Carla Villadsen, oqarasuaat +299 36 63 14 imaluunniit e-mail: cavi@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 847-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: septembarip 1.-at, 2025

Atorfik una qinnuteqarfigiuk