Namminersorlutik Oqartussani Sulisoqarnermut Inatsisilerinermullu allaffik ataatsimik sulisunut siunnersortissarsiorpoq

Qitiusumik allaffeqarfimmik  sullisseqataarusuppit? Piffissaq eqqorlugu atorfillit atorfinitsitsinermi isumaqatigiissutinik tunineqarnissaat qulakkeeqataaffigerusuppiuk? Aningaasaqarnermut Sulisoqarnermullu Aqutsisoqarfiup (ASA) qitiusumik allaffeqarfittaani immikkoortortaqarfiinilu sulisunut siunnersortit inatsisilerituullu peqatigalugit sulisunik aqutsinermi suleqataasussamik, siunnersortimik sullisserusussuseqartumik pissarsiorpugut. Sulisoqarnermut Inatsisilerinermullu allaffimmi sulisunut siunnersortit arfineq-pingasut, sulisoqarnermut inatsisilerituut pingasut kiisalu allaffimmi pisortat marluk suleqatigiipput. 

Ulloq 1. december 2026 imaluunniit isumaqatigiissuteqarnikkut atorfinittussamik ataatsimik sulisunut siunnersortissarsiorpugut.  
 
Sulisoqarnermut Inatsisilerinermullu allaffimmi Kalaallit Nunaanni Namminersorlutik Oqartussani taakkulu ataanni immikkoortortani tamani sulisut pillugit suliassanik suliarinnittarpugut, ilaatigut atorfinitsitsinermi isumaqatigiissusiortarluta. Taakkua saniatigut aqutsisut isumaqatigiissutit isumaqatigiissutillu pillugit siunnersorlugillu aqqutissiuuttarpavut.

Pingaarnertut suliassatit
Sulisunut siunnersortitut allaffimmi suliassanik assigiinngitsunik suliaqartassaatit, suleqatigiinnermilu suleriaatsinik ineriartortitseqataallutillu nammineq sunniuteqarluarnissanut periarfissaqarputit.

Suliassatit pingaarnerit makkuupput:

• Atorfinitsitsinermi sulisumut tunngasunik  suliaqarneq, matumani pingaartumik atorfinitsitsinermi isumaqatigiissusiorneq allakkianillu assigiinngitsunik suliaqarneq ilanngullugit

• Akissarsianik, tapinik soraarnernillu allattuinerit

• Tjenestemandit soraarnerussutisiassaannut tunngasunik suliaqarneq

• Tjenestemandit pillugit inatsisit aamma atorfeqartitsinermi inatsisit pillugit malittarisassat allat pillugit siunnersuineq nassuiaassinerlu

• Isumaqatigiissutit nassuiarneri

Tamatuma saniatigut ilitsersuutinik immersugassanillu pilersitsinernik suliaqartassaatit Suleriaatsinik, ingerlatsinernik il.il. pisariillisaanermik soqutigisaqaruit iluaqutaassaaq.

Ilinnut tunngasut:

• Bacheloritut, professionsbacheloritut imaluunniit allaffimmiutut ilinniagaqartuuvutit.

• Assingusumik atorfeqarsimavutit, taamaattorli aamma ilinniakkannik naammasserlaajusinnaavutit

• Suleqatiginnillaqqissuuvutit, isummersueqatigiillaqqissuullutillu ilisimasatit suleqatinnut ingerlatseqqissinnaavatit

• Unammillernartumik suliaqarsinnaallutillu naammassinnissinnaavutit

• Oqaluttariarsornermi allattariarsornermilu qaffasissumik pitsaasumillu piginnaasaqarluarputit

• Kisitsisinik paasinnillaqqissuuvutit aammattaaq inatsisigut/aningaasaqarnikkut aarlerinarsinnaasunik takunnillaqqissuullutit

• Kalaallit Nunaanni inuiaqatigiinni pissutsit kulturilu ilisimasaqarfigaatit kalaallisullu oqaatsit piginnaasaqarfigigukkit iluaqutaalluinnarsinnaalluni

• Silatusaartuuvutit, kiffartuusserusussusilik inussiarnersorlu

Suliffeqarfittut neqeroorutigisinnaavagut suliffik sulisunik pimoorussisunik sulisulik aamma qanimut attaveqaqatigiiffiusoq, suliat aallaavigalugit isumasioqatigiiffiusartoq, pisortanik qanimut oqaloqatigiiffiusartoq kiisalu inuttut suliassatigullu ineriartorfissaqartoq.

Qinnuteqartoq eqqortunik uppernarsarneqarsinnaasunik piginnaaneqartoq, immikkut siunnersortitut imaluunniit siunnersortit pisortaattut/siunnersortaanertut atorfinitsinneqarsinnaavoq.

Uagutsinnut tunngasut
Sulisoqarneq Inatsisilerinerlu Aningaasaqarnermut Sulisoqarnermullu Aqutsisoqarfimmut ilaavoq, immikkoortortaqarfillu Aningaasaqarnermut Naalakkersuisoqarfiup ataaniilluni. 

Aningaasaqarnermut Sulisoqarnermullu aqutsiveqarfik uagullu naleqartitavut pillugit uani itinerusumik atuarsinnaavutit: www.asa.gl 
Paasissutissat amerlanerusut
Atorfik pillugu paasisaqarusukkuit, allaffimmi pisortaq Inuk Uukkaaq Lundblad mailikkut ugguuna: iuld@nanoq.gl imaluunniit oqarasuaatip normuatigut ugguuna +299 34 66 07 attaveqarfigissallugu tikilluaqquneqarputit.

Qinnuteqaat
Qinnuteqarnissamut piffissaliunneqarpoq ulloq 20. november 2026. Sapaatip akunnerani 48-mi oqaloqateqarnerit pissasut naatsorsuutigineqarput.

Aningaasaqarnermut Sulisoqarnermullu Aqutsisoqarfik pillugu
Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Kalaallit Nunaanni Namminersorlutik Oqartussat ataatsimoorussamik kiffartuussinermut ingerlatsinermullu immikkoortortaqarfigaat. ASA-p ilaatigut Namminersorlutik Oqartussat naatsorsuutaat, qitiusumik pisiortortarnermut immikkoortortaqarfik, isumaqatigiissutinut tunngasut, akissarsianut sulisunullu tunngasut, nutserisoqarneq kiisalu illuutinik ingerlatsineq, nutarterineq aserfallatsaaliuinerlu akisussaaffigai.
 
Akissarsiat atorfeqarnermilu atugassarititaasut                                                                                                         
Akissarsiat atorfeqarnermilu atugassarititaasut, taakkununnga ilaallutik atorfininnermi soraarnermilu angalanissamut kiisalu pisattat nassiunneqarnerini aalajangersakkat aallaavigalugit Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit atorfininnerup nalaani atuuttut naapertorlugit pissapput.

Ineqarneq
Atorfimmut atatillugu sulisunut inissiamik innersuussisoqanngilaq. Qinnuteqartup Namminersorlutik Oqartussani atorfeqarnini aqqutigalugu sulisutut ineqareeruni sulisutut inissiamik innersuussivigineqarnissamut pisinnaatitaaffini pigiinnassavaa. Sulisutut inigisaq atorfeqarnermut atavoq, atorfeqarunnaarnermilu qimanneqartussaassalluni.
 

Qinnuteqaat
CV, ilinniakkanut pikkorissarnernullu uppernarsaatit, kiisalu allagaatit attuumassutillit “Qinnuteqaat nassiuguk” toorlugu nassiunneqassapput.
 

Mailikkut qinnuteqaatinik tigusineq ajorpugut.