Narsap umiarsualiviani pisortarilissavatsigit?

Narsap umiarsualiviani pisortanngortussamik piaartumik atorfinittussamik namminersuussisinnaasumik timitaliisinnaassusilimmillu suliffeqarfiup pissanganartup nutaaliaasullu ingerlanneqarneranut ilaasussamik pissarsiorpugut. 

Royal Arctic Line nunatsinni inuiaqatigiit ingerlatsitaaneranni nunarsuarmioqatigiinnilu pingaarutilimmik inissisimavoq. Umiarsualivimmi pisortatut sumiiffimmi kiffaartuussinermi ulluinnarnilu ingerlatsinermi pingaarutilimmik inissisimassaatit sumiiffimmilu umiarsuaatileqatigiiffik sinniisutut inissisimaffigalugu.

Suliassatit makkuninnga imaqassapput:

• Allaffissornikkut suliassat tamalaat, soorlu missingersuutinik malitsitsinerit malinnaatitsinerillu, aningaasaqarnikkut aqutsineq aningaasartuutinillu akuersisarnerit.
• Ataatsimut isigalugu umiarsualivimmi ingerlatsineq, quersualerineq, assartukkat uppernaasersorneqartarneri kiisalu sullissinermi eqqortumik akiligassanik isumaginnittarnerit akisussaaffigissavatit.
• Royal Arctic Linep umiarsuaataasa sullinneri allallu talittussat sullisissallugit.
• Araavartumik pilrrsaarusiortarnrtit, sulisunik aqutsineq kiisalu naammattumik sulisoqarnissap qulakkeertarneranik isumaginninneq.
• Sullitanik isumaginninneq kiffartuussinerullu qaffasissumik inissisimanissaanik qulakkeerinninneq.
• Umiarsualivimmi oqartussatut ingerlatsinerup umiarsualiveqarnermut malittarisassat naapertorlugit ingerlanissaannik ingerlatsineq
• Ilitsersuutit malitassat, suleriaatsit kiisalu ISO-mi ISPS-imilu piumasaqaatit malinneqarnissaannik qulakkeerinninnerit
• Aserfallatsaaliuinermik akisussaaffeqarneq, ingerlatsinermi atortorissaarutit isumannaatsuunissaanik qulakkeerinninneq.

Ilinnut naatsorsuutivut tassaapput:

Suliassaqarfimmut piginnaasassatit

Naatsorsuutigaarput aqutsinermik assigisaanilluunniit misilittagaqarsimassasutit, tassuunakkullu suliassanik pingaarnersiuisinnaanermik agguataarisinnaanermillu piginnaasaqarlutit.

Niuernermik paasisimasaqartuussasutit aningaasaqarnermillu aqutsinermik misilittagaqarlutit. IT-mik atuisinnaassaatit ajornanngippallu ingerlatsinermik pilersaarusiornermillu systeminik misilittagaqarlutit. Kalaallisut, danskisut tuluttullu atuisinnaassaatit.

Piginnaasassatit

Suliffimmi saqqumilaartuussaatit kajumilersitsisumillu aqutseriuseqarlutit, sulisunnik peqataatitsillutit suleqatigiinnikkullu angusaqarsinnaallutit. 

Erseqqarissumik unneqqarissumillu attaveqariaaseqassaatit – aamma aalajangiinerit ajornakusooraluaraangata.

Aaqqissuussamik suleriaaseqassaatit iliuuseqarsinnaassuseqarlutit suliffimmilu allanngorartuartumi sulisinnaallutit. Aaqqiissutissanik ukkassisinnaaneq aamma allanngortoqartillugu naleqqussarsinnaassuseqarneq pigissavatit kiisalu suliat angusallu malinnaavigisinnaassavatit. 

Attaveqartarnerit oqimaaqatigiissaarluagaasumik ippinnanngitsumillu ingerlasassaaq.

Neqeroorutigaavut

Suliffik pitsaasoq pissanganartorlu, suleqatigiillu akornanni ataqatigiinneq nukittooq kiisalu suliassat assigiinngisitaartut. Akissarsiat niuernermut naleqqussakkat, suliffimmut aamma piginnaasannut naleqquttut. Suliffeqarneq aaqqissuussami nukittuumik, aqutsinermut, ineriartortitsinermut kiisalu sulisut piginnaasaannut ukkatarinnittumik ingerlasoq. 

Pinerlussimannginnermut uppernarsaat

Qinnuteqartut tamarmik pinerlussimannginnermut uppernarsaatinik takutitsisinnaassapput.

Paasissutissat allat

Atorfik pillugu paasisaqarnerorusukkuit Head of Greenland Portsimi Aningo Broberg uunga saaffigisinnaavat bro@ral.gl

Kingusinnerpaamik qinnuteqarfissaq: Apriilip 21-iat 2026

Atorfinitsitsineq: Piaarnerpaamik atorfinitsitsinissarput kissaatigaarput, eqqortulli nassaarinissaa utaqqisinnaallugu. 

Oqaloqatiginninnerit: Ataavartumik ingerlanneqartassapput.