Neqerooruteqartitsinernut inatsisinik immikkut ilisimasalik aningaasaqarnermut soqutigisalinnik

Suleqatigiissutissanik pisiniarnermut Namminersorlutik Oqartussani suleqataarusuppit? Tassunga ilanngullugu pisiniarnernik ingerlatsineq aammalu neqerooruteqartitsinernik ingerlatitseqqinnermi naammassinneeqataallutit.

Neqerooruteqartitsinernut inatsisitigut tunngasut ilisimasaqarfigiuk imaluunniit paasissutissanik misissueqqissaarsinnaalluarpit?

Taamaappat immaqa suleqatissatsialaavutit allaffimmi immikkoortortaqarfik: Strategisk Indkøb, Indkvartering & Lejemål-imi.

Økonomi- og Personalestyrelse immikkoortortaqarfiani Facility Management & Strategisk Indkøb. Tassani suliffik pissanganartoq neqeroorutigisinnaavarput, suliffimmi avataani qanilaartumik attaveqarneq pingaaruteqartillugu aammalu suliassanik assigiinngitsunik ingerlatsiffiusoq. Suleqatigiit akornanni piginnaaneqarluartunik, pimoorussisunik, pitsaasumillu kiffartuussinissamut ilisimasaqarluartunik suleqateqarneq pingaartinneqarpoq. Allaffik mikivoq, suliassaqarfiillu annertupput, suleqatigiissutigalugillu ingerlatsineq atorneqartarluni. Suleqatigiinneq ilanngullugu allaffinni allani suleqatigiinnermut annertuumik pingaaruteqartuuvoq, tassani eqqarsaatigalugu pitsaanerpaamik oqaloqatigiinneq.

Allaffiup suliassai:

• Namminersorlutik Oqartussat sinnerlugit neqerooruteqartitsinernik ingerlatsineq aammalu isumaqatigiissutinik isumaqatigiissusiorneq

• Namminersorlutik Oqartussat immikkoortortaqarfiinut siunnersuineq pisiniarnernut pissarsiorneq

• Pisiniarnermut suliassaqarfiup ineriartortinneqarnissaa aammalu inertornera pitsaasumik angusaqarfiginissaa siunertarlugu suliaqarneq

• Nuuk-mi piffissami sivikitsumik ineqarnermut angerlarsimaffinnik allaffissornertaa isumagineqarpoq

• Nuuk-mi allaffinnut attartortarnermi isumaqatigiissutinik ingerlatsineq

Suliassatit

Ujaasivugut suleqatissatsinnik makkuninnga suliassanik suliaqartussamik:

• Neqerooruteqartitsinernik pilersaarusiorneq aammalu ingerlatsineq – isumassarsianiit pisiniarfissamik toqqaanermut tungaanut

• Isumaqatigiissutinik suliaqarnermik, isumaqatigiissusiornermik, atuutsitsilersuinermik aammalu aqutsinermik

• Tuniniaasartunik isumaqatiginninniarnerit

• Pisiniarnermut atatillugu suleqatigiinnermut peqataaneq aammalu aaqqissuussinermut suliniutinik aqutsineq

• Namminersorlutik Oqartussat immikkoortortaqarfiinut siunnersuineq neqerooruteqartitsinernut isumaqatigiissusiornermullu tunngasut

• Pisiniarnermut ineriartortitsineq – politikkikkut tunngasut, IT-systeminut tapersiineq, ilinniartitsineq il.il.

• Pisiniarnermut atatillugu ingerlanerit pitsaanerulersinneqarnissaat

• Isumaqatigiissutinut malitseqartitsineq, compliance aammalu paasissutissanik naliliinerit

• Sulisunut ineqarnermut tunngatillugu malittarisassanik ilitsersuineq

• Nuna tamakkerlugu illuutaannut attartornissamut isumaqatigiissutinik suliaqarneq

• Allaffimmi immikkoortortaqarfik: "Bygning & Service" suleqatigalugu isumaqatigiissutinik suliaqarneq aammalu kisitsisernermik suliaqarneq

Ilinniagaq misilittakkallu:

Kandidatissatsinnut tunngasumik ilinniagaqarsimanissat kissaatigaarput – jura-mi imaluunniit aningaasarsiornermut tunngasumik (soorlu. cand.merc.jur, cand.jur, cand.merc, cand.scient.pol. imaluunniit allatut naleqquttumik ilinniagaqarsimasoq), aammalu Namminersorlutik Oqartussat sulianut neqerooruteqartitsinernut misilittagaqartoq. Aammattaaq allanik ilinniagaqarsimasut misilittagaqarluartullu – imaluunniit ilinniakkamik naammassinnittuut pitsaasunik piginnaasallit – ilanngunneqarsinnaapput.

Inuttut piginnaasatit:

Suliassat assigiinngiiaartuunerat tunngavigalugu, suleqatissatsinnut taamatut piginnaasalik pisariaqartipparput. Suleqatissarput ammasuusariaqarpoq, suleqateqarnissamut piginnaasaqartoq aammalu attaveqaqatigiinnermut annertuunut naleqquttuusoq.

Taamaattumik:

• Ineriartornissamut suleqateqarnissamullu piginnaasaqartuusariaqarputit

• Suliassanik aaqqissuussinermut aammalu aaqqiissutissarsiornissamut piginnaasaqarluassaatit

• Namminersortumik akisussaaffimmik tigusisinnaaneq aammalu suliassanik naammassinissamut piginnaasaqarneq

• Oqaatsitigut ersarissumik paasissutissiisinnaaneq – allattariarsornermi oqalunnermilu

Tulluartumik misilittagaqarluartumik piginnaasaqarluartumillu qinnuteqartoqarsinnaavoq immikkut siunnersortitut atorfinitsinneqarsinnaalluni.

Attaveqarfissaq aamma qinnuteqarnissamut paasissutissat:

Paasissutissanik allanik pisariaqartitsiguit attaveqarfigisinnaavatit Kontorchef-i Tanya Mørch-Worsøe, e-mail: taam@nanoq.gl imaluunniit oqarasuaat: +299 34 66 44.

Namminersorlutik Oqartussat pillugit paasissutissat nittartakkami www.naalakkersuisut.gl takusinnaavatit. Økonomi- og Personalestyrelse pillugu paasissutissat: www.asa.gl.

Qinnuteqarnissamut killigititaq: 16. juni 2025.

Atorfininneq: 1. august 2025 imaluunniit isumaqatigiissuteqarnikkut.

Sapaatip akunneranut suliffissaqartitsisoqassaaq nalunaaquttap-akunnerinik 40-inik.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk