Nipilersornermik Ilinniarfik Nipilersornermullu Siunnersorti

Nipilersornermik Ilinniarfik Nipilersornermullu Siunnersorti - Tasiilami Sammisassaqartitsinermut Kultureqarnermullu Immikkoortortaq

Tasiilami meeqqat inuusuttullu akornanni nipilersornermut, isumassarsiornermut ataatsimoornermullu peqataarusuppit?

Tasiilami Sammisassaqartitsinermut kulturimullu Immikkoortortaqarfik Nipilersornermut Ilinniarfik Nipilersornermullu Siunnersortimik ilinniartitserusussusilimmik illoqarfimmi nunaqarfinnilu nipilersornerup tungaatigut ineriartortitsilluarsinnaasumik pissarsiorpoq.

Nipilersornermik Ilinniarfik kommunep sunngiffimmi neqeroorutaasa ilagivaat meeqqanut inuusuttunullu 2.-10. klassemi atuartunut neqeroorutaasoq. Tassani meeqqat inuusuttullu nipilersornikkut pinngorartitsinissaminnut periarfissinneqarput - Namminiullutik aammalu nipilersoqateqarlutik.

Pingaarnertut suliassatit:

·Tumerparpaarnermut, guitarernermut, bassernermut, pattagiarnermut, erinarsornermut aammalu nipilersoqatigiinnermi ilinniartitsineq

·Nipilersornermi suliniuteqarneq, tusarnaartitsinerit aaqqissuussallu allat pilersaarusiorlugit

·Illoqarfimmi kulturikkut aaqqissuussani peqataaneq (ass. Luciarneq, Inuiattut Ullorsiorneq aammalu Ukioq Naagujoq)

·Aserfallatsaaliuineq aammalu nipilersornermut atortussanik inniminniineq

·Iluarsartuussinermi nipilersornermullu sammisassaqartitsinermi nunaqarfinnut angalanerit

Susassaqarfiit allat:

·Tasiilami nunaqarfiinilu nipilersornermi atortunik akisussaaffeqarneq

·Nipilersuutinik iluarsaassineq aammalu aserfallatsaaliuineq (ukiumoortumillu nunaqarfinnut atortunik suliaqariartorneq)

·Nipilersornermut Ilinniarfimmi nunaqarfinnilu atugassanik nipilersornermi atortunik inniminniineq

·Aaqqissuussanut suliniutinullu aningaasaliissutinik qinnuteqarneq

·Taalliorsinnaanermut nipilersornermilu pilersitsisinnaanermut piginnaasanik siuarsaaneq

·Nipilersornermik Ilinniarfimmut attuumassuteqartumik ingerlatseqataasut peqatigalugit inerisaaneq

Suleqatigalugit:

·Meeqqat atuarfiani nipilersortitsisoq (ilaatigut upernaakkut tusarnaartitsinermi aammalu atuarfimmi naggataarnermi)

·Kulturikkut Immikkoortortaqarfinnit allaneersut, ass. Katersortarfimmeersut peqatigalugit

·Nipilersortartut avataaneersut, isiginnaartitsisartoqatigiit aammalu najukkami nipilersortartut

·Suliffeqarfiit, meeqqeriviit aammalu utoqqaat najugaqatigiiffii

Allaffissornikkut suliassat:

·Immikkoortortami ikiuunneq

·Akiligassanik allattuineq

·Suliassat takkussuuttut

Illit suleqatissarput:

·Nipilersornermi aammalu perorsaanermi misilittagalik

·Nammineersinnaassusilik, eqaatsumik suleriusilik aammalu nutaaliorsinnaasoq

·Meeqqanik inuusuttunik inersimasunillu suleqateqallaqqissoq

·Tasiilami kulturikkut uummaaritsitsinermi peqataarusuttoq

Piffissaq suliffiusoq

Piffissaq suliffiusoq nikerartuuvoq ualikkut unnukkut aammalu sapaatip akunnerata naanerani pisinnaalluni tusarnaartitsinerit aaqqissuussinerillu aallaavigalugit.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Tasiilami Sammisassaqartitsivik Kulturilu pillugit immikkoortortami aqutsisoq Magnus Kristiansen, oqarasuaat +299 36 77 99 / +299 27 73 31 imaluunniit e-mail: magk@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1115-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: novembarip 18.-at, 2025

Atorfik una qinnuteqarfigiuk