Nukariit tullersortissamik pissarsiorpoq

Nukariit pikkorissumik tunniusimasumillu tullersortissarsiorpoq.

Nukariit ukioqatigiinngiiaanut meeqqeriviuvoq meeraaqqerivimmi init tallimaallutik meeqqerivimmilu init pingasuullutik.

Meeqqerivik 120-nut meeqqanut inissaqartitsivoq.

Sulisut amerlassusissaattut naatsorsuutigineqartut 28-upput inini arfineq-pingasuusuni ataatsimi pingasukkaarlugit agguataarneqarlutik, nerisassiortut marluk, ”flyver”-eq ataaseq aqutsisorlu ataaseq.

Piffissami 07.00 – 17.00-ip akornanni ammarsarpoq.

Meeqqerivimmi siunertaasut:

∙Meeqqat ulluinnarmik toqqissisimanartumik aamma tikilluaqqusaasutut misigissasut

∙Meeqqat ataasiakkaat pisariaqartitaat, ineriartornerat ilinniarnerallu immikkut eqqumaffiginiarneqassasut

∙Meeqqap imminut naleqartinneranik imminullu tatigineranik siuarsaasoqassasoq

∙Meeqqat alapernaatsut, tatituut, peqqissut nuannaartullu pilersinneqassasut

Naatsorsuutigaarput:

∙Perorsaasutut ilinniarsimanissat

∙Meeqqat ineriartornerannik ilisimasaqartutit

∙Aalajaatsuusutit, ersarillutit tullersortitullu qanilaartuussasutit

∙Suleqatikkuminartuutit

∙Allaffissornermik qarasaasianullu tunngasunik ilisimasaqartutit

∙Akisussaaffimmik tigusisinnaasutit namminerlu iliuuseqarsinnaasutit

∙Tamanik takunnissinnaasutit unneqqarissuusutillu

∙Akisussaassuseqartuusutit aamma paaqqinnittarfilerinerup iluani misilittagaqartutit

∙Qiimasuusutit pitsaasumillu inuunermik isiginnittaaseqartutit

∙Kalaallisut danskisullu marluinnik oqaaseqartuuguit iluaqutaassaaq kisianni piumasaqaataanngilaq

Atorfiup imarai:

Tullersortimik allaffissornikkut misilittagalimmik aamma aqutsisut suleqatigalugit suliassanik assigiinngitsunik isumaginnissinnaasumik pissarsiorpugut.

Neqeroorutigivagut:

∙Meeqqerivik pinngortitamut qanittoq

∙Ullut assigiinngisitaartut

∙Allanngorartumik sulisinnaaneq

Pineqaatissinneqarsimannginnermut aammalu meeqqanik pinerliisimannginnermut uppernarsaat:

Atorfik una meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune pinerliisimannginnermut aamma meeqqanik pinerliisimannginnermut uppernarsaatinik naammaginartutut isigineqartunik pissarsereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunimit pissarsiarineqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politeeqarfimmut pissarsiarineqassalluni.

Pinerluuteqarsimannginnermut uppernarsaat:

Atorfimmut uunga atatillugu pineqaatissinneqarsimannginnermik uppernarsaammik pissarsinissamik inatsisitigut pisussaatitaavoq. Inatsit naapertorlugu kommuneqarfik pinerluuteqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaattumik maluginiaqqussavarput atorfinitsitsineq aatsaat isumaqatigiissusiorfigineqarsinnaammat kommuneqarfik pineqaatissinneqarsimannginnermik uppernarsaammik Politiinit tigusaqareerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfimmut atatillugu inigisassamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisoq Lydia Lyberth, oqarasuaat: 299 366991 imaluunniit e-mail: lyly@sermersooq.gl

Qinnuteqaat:

Qinnuteqaat Atorfiup normuanik 321-26-mik, nalunaaqutserlugu aamma ilinniagaqarsimanermut siornatigullu suliffigisimasanit uppernarsaaserlugu, ulloq tunniussivissaq kingulleq nallertinnagu nassiunneqarsimassaaq.

Imatut qinnuteqassaatit:

Qinnuteqaatit elektroniskimik nassiunneqassapput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

Malugiuk:

Qinnuteqaatit pappilianngorlugit mailikkulluunniit tiguneq ajorpavut, qinnuteqaatit sulisussarsiorneq aqqutigalugu nassiunneqarnissaat inussiarnersumik piumasarineqarpoq.

Qinnuteqarnissamut killissarititaasoq: apriilip 16.-at, 2026