Nukissiorfiit suliassaqarfimmut ingerlatsinermut siunnersussarsiorpoq

Nuummi Tunisassiornermut sullissivimmi immikkoortoqarfimmut innaallagissamik siammarterisarnerit, sarfamillu nuussiffiusut pillugit ilisimasalimmik ingerlatsinermut siunnersortimik suli ataatsimik Nukissiorfiit inuttassarsiorpoq. Atorfimmi suliassat pingaarnertut nassatarivaat suleqatigisanik siunnersuinertut ilusilittut innaallagissamik siammarterisarnitta, sarfamillu nuussisarnitta qularnaarlugillu ineriartortitsinnissaat, aammalu innaallagissamik siammarterivittut, sarfamillu nuussisarfittut ingerlatsivitsinnik nakkutilliinernik ataqatigiissaarinerit, aammali suliffiup avataani siunnersuisartunik attaveqartarnerit.

Ilinnut, sulianut tunngasutut ineriartortitsillunilu suleriaatsinik pitsaanerpaanngorsaanernik, suleqataasunik, aammalu tamatigoortutut Nukissiorfiit iluani isumannaatsuutitsinissamik suliaqarnermut assut soqutiginnittumut atorfik naleqqulluinnartuuvoq, tamatumanilu aamma suliffeqarfiup pinaveersaarisitsisutut aserfallatsaaliuinermik ingerlatarisaanik atuutsitsilernermik ineriartortitsilernermillu suliaqarnissaq naatsorsuutigineqarmat.

Ingerlatsinermut siunnersortitta sinnerinik qanimut suleqatigiinnermi ilaalissaatit, tassanilu ingammik innaallagissamik siammarterinermut, sarfamillu nuussisarnermut ingerlatsinermut siunnersortitta aappaa suleqatigissavat.

Suliassanni pingaarnerit tassaassapput:

• Sulianut tunngasutut ataatsimiititaliami qaammatikkaani ataatsimiisitsisarnermut akisussaaffeqarneq
• Innaallagissamik siammarterinermut, sarfamillu nuussinermut tunngasutigut oqartussaasunut attaveqartarnernut akisussaaffeqarneq
• Nukissiorfiit ingerlatsinermut sulisuinik sulianut tunngasutut ineriartortitsiuaanerit, suliffiup iluani suleriaatsinik, aamma Nukissiorfiit iluani isumannaatsuutsitsinermik suliaqarnermi peqataanerit
• Illoqarfinnut inoqarfinnullu, aamma Suliniutinut immikkoortoqarfimmut teknikkikkut ikiuisarnerit
• Sanaartornermi suliniutinut tunngatillugit allagaatinik, aamma business casesinik teknikkikkut oqaaseqaateqartarlunilu pitsaassutsinik qulakkeerinerit
• Innaallagissamik siammarterisarfittut, sarfamillu nuussisarfittut ingerlatsivinnik nakkutilliinernut, kiisalu malitsigisatut taakkuninnga ataqatigiissaarinernut tunngatillugit isumaqatigiissutinut siunnersuusiornerit
• Aqquserngit qulliinik nakkutilliinissamut tunngatillugu, kiisalu malitsigisatut taakkuninnga ataqatigiissaarinernut tunngatillugit isumaqatigiissutinut siunnersuusiornerit
• 132 & 60 kV-itut sarfamik nuussuffittut silaannakkoortitatut sarfap aqqutaanik pilersaarutigisatut nakkutilliinernik ataqatigiissaarinerit
• Innaallagissamik siammarterisarfittut, sarfamillu nuussinernut ingerlatsivinnik najoqqutassanik, ingerlattagassanik ilitsersuutinillu suliaqarnissamut akisussaaffeqarnerit
• Najoqqutarisamut nalinginnartut netstationimut akisussaaffeqarneq
• Innaallagissamik siammarterinermik ingerlatsivinni Serticami, LEDOC-imi, aamma ArcGIS-imi ingerlatsinermut aserfallatsaaliuinermullu sakkuutinik atuutsitsilernermut taamaaginnartuutitsinermullu akisussaaffeqarneq.

Suut naatsorsuutigisinnaavigit?

Nuummi Qullersaqarfimmi tunisassiornermut sullissivimmi immikkoortoqarfiup Kalaallit Nunaat tamarmiusoq sullitaraa. Tassaalissaatit sulianut tunngasutut nukittuutut suleqatinik pilimmik immikkoortoqarfiup ilaa, suliffeqarfiullu atugarissaarnermik assut pingaartitsisup, sulisunut aaqqissuussaqartartup, aamma sulinerup nalaani timigissartarnernik neqerooruteqartup ilaaffiulernissaa qilanaarisinnaavat.

Nuummi sunngiffimmut suliaqarfigisamut periarfissatsialannik peqassaatit. Sisorartarneq, pisuttuarneq, imaluunniit kangerluup iluani umiatsiarluni angalaarneq soqutigissagukkit takanna. Aamma Nuummiipput pisiniarfiit kulturikkullu neqeroorutit arlalippassuarnik neqerooruteqarfiusut, taamaattumillu tamanna nunarsuarmi illoqarferujussuartut mikisunnguatut misiginarpoq.

Imatut ittutit ujarpatsigit:

• IT-mik aaqqiissutinut teknikkikkut paasinnittuusoq
• Nukissamik pilersuiffittut ingerlatsivinnik ingerlatsisarnernik aserfallatsaaliuisarnernillu ilisimannittoq
• Aaqqissuussiffimmi killeqarfiit qaangerlugit suleqatiginnissinnaasoq
• Oqaluttariarsornikkut allattariarsornikkullu attaveqaqatigiinnillaqqissoq, oqaatsillu marluk piginnaaneqarfigineri iluaqutaassaaq, piumasaqaataanngilarli. Ajornanngippat tuluit oqaasii ilanngullugit
• Suliniutinik aqutsinermik ilisimannittoq
• Ilusaasumik aamma ataatsimut isiginniffimmik pilersitsisinnaallunilu attassisinnaasoq
• Ataqatigiissaarisoq
• Ajornanngippat soqutigisalik
• Ajornanngippat Kalaallit Nunaanni suliassanik iluarsiisarnernit misilittagalik
• Mingutsitsinngitsumut nuukkiartornermik soqutigisaqarlunilu aallutaqarluinnartoq.

Akissaatitigut atorfeqartitaanermilu atugassarititaasut:

Naalakkersuisut (Kalaallit Nunaanni Namminersornerullutik Oqartussat) kattuffigisallu naleqquttup isumaqatigiissutaat naapertorlugu akissarsiaqartitsineq pissaaq.

Atorfininneq qaammatini pingasuni misiliutitaqarpoq.

Atorfimmut atatillugu inissamik innersuussisoqarsinnaanngilaq

Atorfimmut tunngasunik paasisaqarnerorusukkuit una attavigineqarsinnaavoq:Suliassat akisussaaffigisassarlu atorfik pillugit annerusumik paasisaqarusukkaanni Lars Schütt attavigineqarsinnaavoq emailikkut: LARSS@nukissiorfiit.gl imaluunniit oqarasuaammut: (+299) 258990.

Paasissutissat allat: 

Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl

Nukissiorfiit pillugu

Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl

Qinnuteqarnissamut killissarititaasoq: juulip 29.-at, 2025

Atorfik una qinnuteqarfigiuk