Nunami nunarsuarmioqatitsinni ukkatarineqartumi attaveqaatinik pisariaqavissunik suliaqarusuppit?

Nunaanni Nalunaarasuartaateqarnermi Aqutsisoqarfik immikkoortortaqarfimmi aqutsisortassarsiorpoq teknikkimut ilisimasaqarluartumik, teknikkimullu tunngatillugu isumaliorsinnaasumik, isumannaallisaanermik, IT-mut tunngatillugu suliniutinik ataqatigiittunik inatsisinillu suliaqarsinnaasumik.

Atorfik pillugu

Nalunaarasuartaateqarnermi Aqutsisoqarfimmi aaqqissuussisimanermi mikisumi, qitiusumili annertuumik akisussaaffeqartumi immikkoortortaqarfimmi aqutsisutut suleqataassaatit. Nalunaarasuartaateqarneq, radioqarnerlu nakkutigisaraagut, nettillu aamma sullissinerit Kalaallit Nunaanni inuiaqatigiinnut – illoqarfinnit anginerusunit nunaqarfinnut isorliunerusunut – tunngavissiinissaat qulakkeerlutigu.

Suleqataasutut allaffissornikkut suleqatigiinni politikkikkut aalajangerneqartut piviusunngortinneqartarfianni suleqataassaatit. Naalakkersuisut politikkikkut qanillugit sulissaatit, misissueqqissaarnermiillu iliuuseqarnissaq ungasigani aalajangiinissamilu tunngavissanut, inatsimmut, periusissiatigullu toqqaanernut toqqaannartumik tapersiissuteqartassallutit – sulinerillu illoqarfinni, nunaqarfinni, nunanillu assigiinngitsunik suleqateqarnermi malunniuteqassalluni.

Pingaarnertut suliassatit ilaatigut ukuussapput:

• Isumannaallisaanermut immikkoortortaqarfimmi suliatigut akisussaasuuneq

• Periusissiatigut siunnersuineq: Digitaalikkut attaveqaatinut, matumani aamma netværkimut, isumannaallisaanermullu tunngatillugu apeqqutini teknikkikkut siunersiueqatigineqartassaatit.

• Nakkutilliineq, malittarisassiuussinerlu: Nalunaarasuartaateqarnermi attaveqaatini isumannaallisaanermik nakkutilliineq kiisalu akuersissutit, inatsisillu malinneqarnersut pillugit teknikkikkut nakkutilliineq.

• Suliniutinik aqutsineq, ataqatigiissaarinerlu: Digitaliserinngorsaanermik akimortumik pilersaarutinik ingerlatitsineq, teknikkikkullu malittassanik nutaanik atuutsilersitsineq (soorlu assersuutigalugu isumannaallisaanerup, illullu iluani systemit iluini).

• Nunanik assigiinngitsunik suleqateqarneq: Kalaallit Nunaata nalunaarasuartaateqarnermi soqutigisai sinniisuuffigalugit nunani avannarlerni, nunallu assigiinngitsut akornanni oqallittarfinni peqataaneq.

• Misissueqqissaarnernik, allakkianik, aaqqiissutissatullu siunnersuutinik suliaqarneq

• Unammillernartunik, periarfissanillu nutaanik ataavartumik paasinninneq 

Suliassat katitigaapput, politikkikkut malinnaavigineqarput, inuiaqatigiinnilu pingaaruteqarlutik – taakkorpiaallu patsisaallutik suliatigut unammillernarlutillu pingaaruteqarlutik.

Kinaavit?
IT-p iluani naleqquttumik ilinniagaqartutit, IT-millu suliaqarfiup iluani imaluunniit oqartussami malittarisassiuussisartumi misilittagaqarluassasutit takorloorparput.
Pingaartipparput:
• IT-mut tunngasunik, netværksteknologimut, isumannaallisaanermullu malitassanik ilisimasaqarluartutit.
• Programmiliornermik misilittagaqartutit.
• Misissueqqissaarneq pikkoriffigigit, teknikkikkullu ajornartorsiutit paasiuminaatsut aalajangiinissami isummernissamut tunngavissiami paasiuminartunngortissinnaagitit.
• Aaqqissuutamik suleriaaseqartutit, namminerlu akisussaaffigisatit pigisatut isumagalugit sulisinnaassuseqartut.
• Qallunaatut, tuluttullu attaveqarluarsinnaasutit (kalaallisut piginnaasaqaruit annertuumik iluaqutaassaaq, piumasaqaataanngilarli).
• Inuiaqatigiinni ineriartortitsinermut, politikkimut, akisussaaffimmullu tapersiissuteqarneq ilinni kajumilersitsisartoq
• Ulluinnarni allanngorartumi, politikkikkullu aqutami aaqqissuussamik sulisinnaasutit
• Ajornartorsiutit paasiuminaatsut ersarissumik, erseqqissumillu ingerlateqqissinnaagitit
• Inatsisit, politikkip, sulisaatsillu akornanni sulerusussuseqartutit Suut neqeroorutigaagut? Inuiaqatigiinni digitaalikkut ineriartortuni malunnaatilimmik allanngueqataanissamut immikkuullarissumik periarfissaq.

Pissarsiarissavatit:
• Nunarsuarmit soqutigineqartumi atorfik
• Inuiaqatigiinnut, politikkikkullu annertuumik pingaarutilinnut ulluinnarni annertuumik sunniuteqarneq, aalajangiigasuartarnerillu.
• Teknikkimik suliaqarnermi politikki, inatsisillu akuullutik suliassat unammillernartut.
• Pimoorussisunik suleqateqarluni suleqatigiilluarneq
• Suliffeqarfik ulapaarfiusoq, annertuunik anguniagaqartoq, inissaqartitsilluartorlu

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Atorfik akissarsiaqartitaanermi immikkoortoq 35-miippoq inunnullu allanut akisussaaffeqarluni.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.