Nunami uumasulerisussamik biologimik Pinngortitaleriffik pissarsiorpoq

Avatangiisinut Aatsitassanullu immikkoortortaqarfimmut ilisimatusartumik aatsitassarsiornernut tunngatillugu nunami uumasut pinngortitarlu pillugit siunnersuinissatsinnut sulisussarsiorpugut.

Pinngortitaleriffiup Namminersorlutik Oqartussat siunnersortagaraa pisuussutinut uumassusilinnut pinngortitamullu attuumassuteqartutigut.

Aatsitassarsiortoqassatillugu avatangiisit pinngortitalllu eriagineqarnissaat anguniarlugu alaatsinaanneqarnissaa, silallu allanngoriartornerani nunami avatangiisit alaatsinaanneqarnissaat immikkoortortaqarfimmi suliassaanerusarput taakkualu saniatigut nunatsinni paasissutissat immap naqqanut, pinngortitamut, avatangiisinullu tunngasut suliarineqartartussaapput. Suliniutillu taakkununnga tunngasut suliarineqartussaallutik.

Immikkoortortaqarfik Pinngortitaleriffillu pillugit sukumiinerusumik uani paasisaqarsinnaavutit: https://natur.gl/.

Suliassat

Aatsitassarsiortoqassatillugu silallu allanngoriartornerata kinguneranik sunniutaasunut tunngatillugu suliniutissat samminerusussaassavatit.

Makkununnga peqataanissat naatsorsuutigineqarpoq:

• Aatsitassarsiutileqatigiit aatsitassarsiorneri misissuiffigalugit avatangiisinullu sunniutaannik nalilersuisartussaavutit.

• Aatsitassarsiorfittut pilersaarutaareersut ingerlanneqartullu avatangiisinut sunniutaannik nalilersuisartussaavutit.

• Suliniut Greenland Ecosystem Monitering nunami avatangiisinut tunngasoq alaatsinaallugu.

• Piiaaffiit avatangiisinik alaatsinaannerit.

• Suliniutini allani avatangiisinut tunngatillugu Namminersorlutik Oqartussanik siunnersuinissaq.

• Avatangiisinut tunngasutigut siujnenrsuinerni suleqatigisartakkatsinnik suleqateqarnissaq.

• Asimi misissuinerit immikkoortortaqarfiup susassarqarfigisaani.

• Suliniutit immikkoortortaqarfimmut attuumassuteqartut inuiaqatigiinnullu tunngasut ilisimanissaat iluaqutaassaaq, pigisariqanngilarli.

Sulilerfissaq 1. august 2025 imaluunniit sukkanerpaamik.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.