Nunani tamalaani niuernermi aamma pilersisaarinermi ilinniartumik Visit Greenland AU-mi ilinniartussarsiorpoq

Takornariaqarneq pilerisaarinerlu soqutigilluinnagaraagit? Taava pilerisaarinermik, nunat tamalaat akornanni tusagassiuutilerinermik Kalaallillu Nunaannik nittarsaassinermik suliaqarlutit massakkut Visit Greenlandimi sulilluni sungiusalernissamut periarfissaqalerputit!

Visit Greenland qullersaqarfiulluni pingasunik immikkoortortaqarfeqarpoq:

• International Relations

• Content & Administration

• Destination Development & Cruise

1. augusti aallarnerfigalugu Nuummi allaffitsinni, immikkoortortaqarfimmi International Relationsimi sulillutit sungiusarnerit aallartissaaq.

Ulluinnarni ingerlatsinermi nunat tamalaat akornanni avammut paasititsiivitsinni, pilerisaarivitsinnilu suleqataalissaatit ukulu iluanni suliassaqartassallutit:

• Suliffeqarfimmiit suliffeqarfimmut pilerisaarinermut atatillugu allaffissorneq tuniniaanermullu tunngasunik suliaqarneq

• Paasititsiniaanermi atortussanik suliaqarlunilu naleqqussaaneq

• Nunatsinni nunattalu avataani suleqatinik ataqatigiissareqatigiinneq

• Paasititsiniaanernik misissugassatullu katersanik katersuineq

• Inoqatinut attaveqaatilerineq, nutaarsiassiissutilerineq nittartagalerinerlu

Ulluinnaat ilikkagaqarfiulluartut tamatigoortullu, suliatigut inuttullu ineriartornissannut periarfissat neqeroorutigisinnaavagut. Siunissamilu sulisartutut inuunissannut tunngavissavit nukittorsarnissaanut, uatsinni ilisimasatit misilittakkatillu ineriartortissavatit. 

Visit Greenlandimi ilinniartutut naatsorsuutigaarput:

• Nunani tamalaani niuerneq pilerisaarinermi AU-mi ilinnialertussaasutit 

• Alapernaatsuussasutit, aalajaatsuullutit aamma tunniusimasuussasutit

• Takornariaqarnermik ineriartortitseqataarusuttuusutit

• Attaveqaqatigiinnermik piorsarsimassutsillu assigiinngitsut eqqarsaatigalugit aaqqissuussaasumik suleriuseqarlutillu alapernaatsuussasutit 

• Kalaallisut, qallunaatut tuluttullu oqallorissuullutillu allallaqqissuusutit

• Suleqatigiinnermut piginnaaneqartutit namminerlu suliatit akisussaassuseqarfigisarlugit

Ilinniarneq paarlakaattumik Niuernermik Ilinniarfimmiillunilu Nuummi Visit Greenlandip allaffeqarfiani sulilluni sungiusarnikkut ingerlanneqartarpoq. 

Sukumiinerusumik paasissutissat

Sulilluni sungiusarfik paasisaqarfiginerorusukkukku, Head of International Relations, Tanny Por mailimut tanny@visitgreenland.com-mut allaffiginissaanut tikilluaqquatsigit.

Ilinniagaq ilinnialernissamullu piumasaqaatit annertunerusumik paasisaqarfiginerorusukkukkit, Niuernermik Ilinniarfiup nittartagaani www.gbs.gl-imi paasissutissat amerlanerusut pissarsiarisinnaavatit.

Ima qinnuteqassaatit

Ilinniartunngorusunnerit qinnuteqarninnullu kajumissutsit tunngavilersorlugit qinnuteqaammik nassissavatsigut. Meeqqat atuarfiannilu soraarummeersimaninnut uppernarsaatit kiisalu Niuernermik Ilinniarfimmi ilinnialernissamut allagaq qinnuteqaatinnut kakkiutissavatit. 

Qinnuteqaatit ataavartumik suliarineqassapput aamma oqaloqatiginninnerit ataavartumik ingerlanneqassapput. 

Visit Greenland pillugu 

Visit Greenland Namminersorlutik Oqartussanik tamakkiisumik pigineqarluni, Kalaallit Nunaata nuna tamakkerlugu takornariaqarnermut siunnersortigaa. Pilerisaarineq ornitassanillu ineriartortitsineq aqqutigalugit, aamma Visit Greenlandimut soqutigisaqartut suleqatigalugit, Kalaallit Nunaata misigisassarsiorfissatut ornitassaaneranik Visit Greenland nittarsaasuuvoq. 

Suliffeqarfik annertunerusumik paasisaqarfigiuk Uani.