Nunanik tamalaanik suleqateqarnermi, inatsisilerinermilu allaffimmi pisortatut atorfik nutaaq

Inatsisilerinermi qitiusumik suliaqarfimmi, nunanillu tamalaanik qitiusumik suleqateqarnermut allaffimmi siuttoorusuppit? Inatsisilerinermik, nunanik tamalaanik suleqateqarnermik, niuernermik, inuussutissarsiutinillu ineriartortitsinermik suliaqarfimmi suleqatigiinnik aqutserusuppit?

Inuussutissarsiutinut aamma niuernermut immikkoortortap ataani Nunanik tamalaanik suleqateqarnermut Inatsisilerinermullu Allaffimmi pimoorussisumik, piumassusilimmillu aqutsisussamik allaffimmi pisortassarsiorpugut. Suliaqarfiit marluk allaffimmi suliaqarfiupput – aappaani inatsisilerinermi suliassat suliarineqartarput, aappaanilu nunanik tamalaanik suleqateqarneq, aningaasaliinerit, niuernerlu suliarineqartarlutik – suliaqarfiillu taakkua marluk ilusilersorneqarnissaanni, ineriartortinneqarnissaannilu sulisunik, immikkoortortoqarfimmilu aqutsisunik qanimut suleqateqarlutit qitiusumik inissisimassallutit.

Allaffimmi suliassat

Suliat assigiinngitsut ataqatigiittut aamma Kalaallit Nunaanni inuussutissarsiutinik, niuernermillu ineriartortitsinermi pingaaruteqartut Nunanik tamalaanik suleqateqarnermi Inatsisilerinermilu Allaffimmi suliat siammasissut suliarineqartarput.

Inatsisilerinermi suliassat allaffiup aamma immikkoortortaqarfiup iluani siunnersuineq, inatsisissanik piareersaasiorneq, pitsaassutsinillu qulakkeerineq ilaatigut suliassaapput. Inatsisissanik siunnersuusiornermi aamma nalunaarutissanik suliaqarnermi allaffik qitiusumik inissisimavoq, politikerinillu sullissinermi inatsisitigut siunnersuisarluni. Taassumap saniatigut immikkoortortaqarfimmi inatsisitigut suliat allaffiup ataqatigiissaartarpai, immikkoortortaqarfiullu suliaqarfiisa tamarmiusut iluini inatsisitigut naliliinernik tapersiisarluni.

Kalaallit Nunaata nunat tamalaat akornanni inuussutissarsiutitigut suleqateqarnera, niuernermilu suliniutit ineriartortinneqarnerat allaffimmi aamma suliassaapput. Taassumap kingunerisaanik ilaatigut niuernermi isumaqatigiissutit suliarineqarnissaat, Kalaallit Nunaanni aningaasaliinianik misissueriaasissamik ineriartortitsinissaq kiisalu avammut niuernermut aamma niuerfinnut appakaannissamut sunniuteqartunik suleqatigiinnernik ineriartortitsinissaq akisussaaffigineqarput. Inuussutissarsiutit siunnerfigalugit aallartitaqarneq pulaarnerillu allaffiup aamma tapersersorpai, Kalaallit Nunaannilu suliffeqarfiit nunani tamalaani niuerfinni periarfissaasa annertusarneqarnissaat eqeersimaartumik tapersersorlugu.

Taassumap saniatigut nunani allani oqartussanut, suliffeqarfinnut, aaqqissuussisimanernullu attaveqarneq, taakkununngalu ataqatigiissaarineq allaffiup isumagisarai.

Atorfik pillugu

Suliffeqarfimmi suliatigut piginnaasaqarfiusumi, suleqatigiiffiusumi, inuiaqatigiinnullu annertuumik pingaaruteqartumi allaffimmi pisortatut annertuumik akisussaaffeqarlutit, sunniuteqarlutillu qitiusumik aamma tamatigoortumik inissisimassaatit. Allaffimmi sulianik, sulisunillu tallimanik inatsisilerineq, nunat tamalaat akornanni suleqateqarneq, niuernerlu ilanngullugit suliat akimorlugit piginnaasaqarluartunik, misilittagaqarluartunillu aqutsinissaq akisussaaffigissavatit. Allaffimmi pisortatut ulluinnarni:

• Allaffimmi suleqatigiinnik assigiinngitsunik marluusunik aqutsillutillu ataqatigiissaarissaatit, suliallu suliarineqarnissaannut eqeersimaartumik suleqataasassallutit

• Suliatigut pitsaassuseq, suliat piffissaagallartillu suliarineqartarnissaat, pingaarnersiorneqartarnissaallu qulakkeertassavat

• Politikerinik sullissineq, allaffimmilu suliaqarfiit tapersersortassavatit

• Illup iluani, avataanilu suleqatigiinnerni allaffik sinniisuuffigisassavat

• Immikkoortortaqarfimmi allaffimmi pisortap aappaa, immikkoortortaqarfiullu pisortaa qanimut suleqatigisassavatit

Allaffimmi pisortap, immikkoortortaqarfimmi pisortaq qaninnertut attavissaraa.

Illit pillutit

Inatsisilerinermik tunuliaqutaqartumik, sulisunillu aqutsinissamik kajumissusilimmik – ajornanngippat ataqatigiissaarinermik imaluunniit aqutsinermik misilittagalimmik allaffimmi pisortassarsiorpugut.

Kissaatigaarput:

• inatsisilerinermik misilittagaqarlutit Cand.jur.-itut imaluunniit Cand.merc.jur.-itut ilinniarsimassasutit

• nunat tamalaat akornanni pisortani suleqateqarnissamut soqutiginnittutit, ajornanngippallu misilittagaqartutit

• politikki paasisimasaqarfigigit, politikkikkullu kissaatit piviusunngortissinnaagitit

• pingaarnersiuillaqqittutit, tamat isiginnissuseqartitsisinnaasutit, suliallu naammassineqarnissaannut siuariartornissamik qulakkeerinnissinnaasutit

• qallunaatut, tuluttullu piginnaasaqarluartutit, ajornanngippallu kalaallisut

Siuliani allassimasut saniatigut tulliuttutut ikkuit atorfimmut naleqqutissaatit:

• atugarissaarnermik pilersitsisinnaallutit, sulisunnik aamma suliaqarfitsinnik ineriartortitsisinnaallutit aqutsisuuguit paasinnilluarsinnaasoq, tatiginartoq, akuusorlu

• misissueqqissaarsinnaaguit, sulianillu ingerlatsilluarsinnaaguit

• illup iluani, aaqqissuussisimaneq akimorlugu aamma soqutigisaqaqatigiippassuatsinnut, suleqaterpassuatsinnullu suleqateqarnitsinnik attassiinnarsinnaallutit, ineriartortitsisinnaallutillu ataqatigiissitsilluarsinnaaguit

Inuussutissarsiutinut aamma niuernermut immikkoortortaq pillugu

Kalaallit Nunaanni piujuartussamik, unammillersinnaasumillu – nunami aamma nunat tamalaat akornanni – inuussutissarsiornerup ineriartortinneqarnera siuarsassallugu Inuussutissarsiutinut aamma niuernermut immikkoortortap suliaraa. Inatsisitigut, periusissiatigut, avammut niuernerup tapersersorneratigut, suleqateqarnikkullu suliffeqarfinnut pitsaasunik sinaakkuteqartitsinissamut suleqataavugut.

Inuussutissarsiutinik ineriartortitsinissaq, niuerneq, piujuartussamillu siuarsaanissaq ukkataralugit – ilaatigut nunani allani suliffeqarfinnik, oqartussanik, aaqqissuussisimanernillu suleqateqarnikkut - nunat tamalaat akorngisa ataqatigiinnerini Kalaallit Nunaata inuussutissarsiutitigut soqutigisaasa siuarsarneqarnissaannut immikkoortortaqarfik pingaarutilimmik inissisimavoq.

Ulloq atorfiniffissaq: Atorfininnissaq pissaaq 1. septembari 2025 imaluunniit isumaqatigiissuteqarnikkut.

Annertunerusunik paasisaqarusuppit?

Atorfik pillugu paasissutissanik amerlanerusunik immikkoortortaqarfimmi pisortaq Marte Lona, oqarasuaat +299 34 6568-imut, e-mail: mlon@nanoq.gl-imut saaffiginninnikkut pissarsisoqarsinnaavoq 

Atorfinitsitsinissamut atatillugu ingerlaavartumik oqaloqatiginnittoqartassaaq.

Akissarsiat atorfeqartitaanermilu atugassarititaasut:

Atorfik akissaateqarfimmi LR36 maanna inissisimavoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk