Nunatsinni Ilisimatusarnermik Siunnersuisoqatigiinnut ataqatigiissaarisoq / AC-fuldmægtigi

Avatangiisinut, Pinngortitamut, Nukissiuutinut Ilisimatusarnermullu Naalakkersuisoqarfimmi Ilisimatusarnermik ingerlatsiviup ataani Nunatsinni Ilisimatusarnermik Siunnersuisoqatigiit allatseqarfianni novembarip aallaqqaataani imaluunniit piaarnerpaamik atorfinittussamik, Siunnersuisoqatigiit tunniusimasumik, suliatigullu pikkorissumik ataqatigiissaarisussarsiorput / AC-fuldmægtigissarsiorput.

Aaqqissuussisimanermi suliatigut itisiliineq, suleqatigiinneq, inuiaqatigiinnilu pingaaruteqartut ukkatarineqarlutik atorfimmi ulluinnaat pissanganarlutillu unammillernarput. Siunnersuisoqatigiit suliaasa ineriartortinneqarnissaannut aamma tapersersornissaannut, suliaqarfiillu pingaarutillit siumut ingerlanissaasa qulakkeerneqarnissaanut ataqatigiissaarisutut qitiusumik inissisimassaatit.

Nunatsinni Ilisimatusarnermik Siunnersuisoqatigiit pillugit

Kalaallit ilisimatusarnerat inuiaqatigiinnut iluaqutissanngorlugu siuarsarnissaanik, ineriartorneratalu nukittorsarnissaanik siunertaqarluni Nunatsinni ilisimatusarnermik Siunnersuisoqatigiit arlaannaannulluunniit attuumassuteqarani nunap iluani ingerlatsiviuvoq. Siunnersuisoqatigiit qitiusumik suliassai marluk tassaapput ilisimatusarnermut aningaasaliissutit atugassiissutigisarneri, ilisimatusarnermillu suliaqarnermut aamma Ilisimatusarnermi politikkikkut apeqqutinut tunngatillugu aalajangiisartunut, soqutigisaqaqatigiinnullu siunnersuineq. 

Taassumap saniatigut ilisimatusarnermi nunat assigiinngitsut suleqatigiinnerini Kalaallit Nunaata peqataanerata nukittorsarnissaa, ilisimatusarneq pillugu ingerlatitseqqiisarnerup siuarsarnissaa, ilisimatusarnerullu Kalaallit Nunaanni inuiaqatigiit piujuartussamik ineriartortinneqarnissaannut tapertaasup tapersersornissaa siunnersuisoqatigiit suliaqarfigai.

Inatsit atuuttoq naapertorlugu siunnersuisoqatigiit sulinerat ataqatigiissaarisutut tunngavississavat, naalakkersuisoqarfillu susassaqartoq aqqutigalugu Naalakkersuisut ataqatigiissaareqatigalugit siunnersuisoqatigiit, taakkualu siulersuisuisa takorluugaasa, anguniagaasalu piviusunngortinneqarnissaannut tapersersuillutit. 

Ataqatigiissaarisutut suliatigut siunnersuisoqatigiit siulittaasuat qaninnertut attavissaraat, aaqqissuussaanikkullu Nuummi Ilisimatusarnermik ingerlatsivimmi inissisimassallutit. 

Naleqquttumik kandidatitut ilinniarsimasuunissat  naatsorsuutigaarput. Taamaakkaluartoq qinnuteqartut naleqquttumik bacheloritut ilinniarsimasut, misilittagaqarluartullu aamma piukkunnaateqarsinnaapput. Naleqquttumik misilittagaqarlutik immikkut piukkunnaateqarlutik qinnuteqartunut, immikkut siunnersortitut imaluunniit siunnersortaanertut atorfinitsitsissanerluta nalilersinnaassavarput.

Suliassat

Tamatigoortumik ulluinnaqarlutit suliassatit ilaatigut tassaassapput: 

• Siunnersuisoqatigiit ataatsimiinnissaannut suliassanik piareersaasiorneq, Siunnersuisoqatigiillu aalajangigaannik malitseqartitsineq.

• Ilisimatusarnermi aningaasat pillugit saqqummiussassamik pilersaarusiorneq, saqqummiussinerlu, matumani siunnersuisoqatigiit aningaasaataannik qinnuteqaatinik suliaqarneq, qinnuteqartunullu siunnersuineq ilanngullugit

• Siunnersuisoqatigiit ataatsimiinnerini imaqarniliorneq.

• Siunnersuisoqatigiit Ilisimatusarnermi politikkikkut aamma ilisimatusarnermi suliaqarnermut siunnersuisarneranik ineriartortitseqataaneq, matumani assersuutigalugu tusarniutinut akissutit, ilisimatusarnermilu politikkikkut suliat ilanngullugit

• Nunap karsianut missingersuusiorneq kiisalu akuerineqartussanik naatsorsuusiorneq

• Attaveqarnermi suliassat

  • Ukiumoortumik nalunaarusiorneq, tusagassiorfinnut nalunaarusiornerit, allatigullu avammut attaveqarnissamut suliassat 

  • Siunnersuisoqatigiit nittartagaannik kiisalu nittartakkatigut inuit attaveqatigiittarfiini oqaatsit pingasut atorlugit malinnaatitsineq

• Tulliuttunik suleqateqarluarnissap aaqqiissuunnissaa 

  • Naalakkersuisoqarfik susassaqartoq

  • Nunat assigiinngitsut akornanni suliffeqarfiit Issittumi, Nunanilu Avannarlerni ilisimatusarnernut, ilisimatusarnermilu attaveqaasersuutinut aningaasaliisartut

  • Ilisimatusartut

  • Suleqatit, soqutigisaqaqatigiillu allat

Siunnersuisoqatigiit suliassaqarfiisa iluini allanik aamma suliassaqarsinnaavoq. 

Atorfinitsitsinissami pingaartipparput

• Ilisimatusarnerup iluani piginnaasaqarneq, ilisimatusarnermilu politikkimut tunngasunik ilisimasaqarneq

• Kalaallit Nunaanni ilisimatusarnerup iluani systemimut aamma ilisimatusarnermi politikkimut, ajornanngippallu issittumi aamma nunani avannarlerni ilisimatusarnermik siammasissumik ilisimasaqarneq

• Ilisimatusarnermut aningaasaliisarnerup iluani, nalinginnaasumillu allaffissornermik piginnaasaqarneq

• Nunat assigiinngitsut akornanni ilisimatusarnikkut suleqateqarnerup iluani piginnaasaqarneq

• Oqaluttariarsornikkut  allattariarsornikkullu oqaasertaliisinnaassuseqarluarneq, matumani ilanngullugit kalaallisut, qallunaatut, tuluttullu

Tassunga atatillugu kissaatigineqarpoq atorfimmut piukkunnartoq

• Nunanik assigiinngitsunik, najukkamilu suleqateqarnermi ilaatigut ulapaarfiusinnaasumi namminersorluni, siunnerfilimmik, aaqqissuussamik, peqqissaartumillu sulisinnaassuseqassasoq

• Suleqateqarluarsinnaassuseqassasoq, suliassaminullu aamma suliat ingerlanneqartarnerinut paasisimasaqarluassasoq

Atorfeqartoq siammasissumik aamma akimortumik, suliaqarfimmilu avataani sulisinnaassasoq naatsorsuutigineqarpoq. Taassumap saniatigut Nunatsinni Ilisimatusarnermik Siunnersuisoqatigiit ingerlataat atorfinittup ilisimatusarnermi politikkimut ataqatigiississinnaassavai, siunnersuisoqatigiillu ineriartorteqqinnissaannut siunnersuisinnaassalluni.

Neqeroorutigaarput

• Suliatigut ineriartornissamut periarfissagissaarluni qaffasissumik suliaqarfimmi atorfik unammillernartoq

• Annertuumik akisussaaffeqarneq, pitsaasumillu allanngueqataanissamut assinganik periarfissaqarneq 

• Suliaqarfiup ineriartupiloortup iluani nammineersinnaassuseqarneq

• Suliaqarfik nunami, nunarsuarmilu pisunik annertuumik ukkataqartoq

Atorfimmut atatillugu angalasoqartassaaq. 

Paasissutissat annertunerusut

Atorfik pillugu annertunerusumik paasissutissat, allaffimmi pisortamut Kunuk Holm-imut, oqarasuaammut +299 345127, e-mailimut: khol@nanoq.gl attaveqarnikkut pissarsiarineqarsinnaapput

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaat

Qinnuteqaat, CV matumanilu inuussutissarsiutinik misilittagaqarninnik uppernarsaasinnaasunut attavissat ilanngullugit, ilinniarsimanermut aamma pikkorissarsimanermut uppernarsaatit kiisalu paasissutissat allat naleqquttut, ”Qinnuteqaat nassiuguk” toorneratigut nassiutikkit.

Qinnuteqaat kingusinnerpaamik 14. September 2026 nassiunneqassaaq

Qinnuteqaatinik mailikkut tigusineq ajorpugut.