Nunatsinni Peqqinnissaqarfik qarasaasiarsornermi siunnersortinik pissarsiorpoq

Qarasaasiarsornermi ikiorsiisarfipput maanna ataatsimik ukioqalereerpoq aallartilluareerpugullu. Kisianni suleqatinik silassorissunik teknikkimik ilisimaarinnilluartunik, oqarasuaatikkut, qarasaasiarsornermi saaffiginnissutinik paasiniaanermi suliniutinilu ikiuunnissamut kajungertunik; kiisalu Peqqinnissaqarfimmi qarasaasiarsornermik pitsanngorsaasussanik amigaateqarpugut.

Nunarput tamakkerlugu Danmarkimilu suleqatit pikkorissut sulipiloortullu 1.600-it ulluinnarni ulapaarfiusuni qarasaasiakkut sullississutitik pisariaqartippaat. Qarasaasiarsornermut Digitalinngorsaanermullu immikkoortortami qarasaasiarsornikkut pilersuisut peqatigalugit, nuna tamakkerlugu peqatigiilluta ullutsinnut naleqquttumik, pitsaaliuineq nakorsaanerlu qulakkeersinnaanngorlugit ulluinnaat oqinnerulersinniarlugit, sulivugut.

Qarasaasiakkut sullississutit ulluinnarni siumugassavit ilamininngui tassaapput:

• Nakorsaanermi sullississutit: Cambio Cosmic, BCC Lab, Sectra, Apovision, Topcon, Auditbase allarpassuillu.
• Microsoft 365: Officepakkimi, cloudimi najukkamilu atortut kiisalu Sharepoint aamma Teams.
• Qarasaasiat paasissutissanik paarlaasseqatigiiffiit: Qarasaasiat ataqatigiiaat kabililersukkat tigumiartakkallu Cisco-nik tunngaveqartut kiisalu avinngarusimasumiittut amerlasuut akornanni MPLS. Tassani annertuumik pilersaarusioqataaffigisinnaallugulu suliarisinnaasannik nutarterisoqassaaq.
• [VH1] qarasaasianik piareersaaneq aserfallatsaaliinerlu: Nalinginnaasumik programmit isumaminnik nutartertarnissaannut /atuutilersittarnissaannut sullississutinik (EasyInstall) pitsanngorsaaneq atuutilersitsiartuaarnerlu.
• Suliassat nalinginnaasut isumaminnik ingerlalersinniarlugit, atuisunik atuisinnaatitaasunillu nakkutilliinermik isumaminik ingerlasussanngortitsinialerpugut illillu sullississutinik qulajaaqataallutillu nuusseqataasinnaavutit.

Illit:

• Qarasaasiarsornermi siunnersortitut, nakorsaanermik suliallit qullersanullu siunnersuisoqarfiit, qarasaasiarsornikkut ajornartorsiutaasa aaqqiissuteqarfiginissaannut, sullississutinik pisariaqartitanut naapertuussaallunilu atortunik nutaanik ikkussuinerni, suleqatinnut ikiuutissaatit. Ilinniagaqassutsikkut tunuliaqutarisavit suuneri apeqqutaallutik, suliniutini annerusuni minnerusunilu peqataasassaatit.
• Qarasaasiarsornermi kiffartuussisutut ilinniagaqarsimasinnaavutit. Immaqalu datateknikeritut ingerlaqqissimasinnaallutit. Immaqa digitalinngorsaanermi qarasaasiarsornermillu ingerlatsinermi qaffasissumik ilinniagaqarsimasinnaavutit taamatullu sulinermik misilittagaqarlutit.
• Qarasaasiarsornikkut pilersuisunik attaveqateqartarnissaq uppernarsaasiortarnissarlu eqqarsaatigalugit, minnerpaamik danskit oqaasi danskisullu allattariarsorneq piginnaaneqarfigissavatit. Illugiinnik – kalaallisut danskisullu oqaaseqaruit annertuumik iluaqutaassaaq. Teknikkimut tunngasut tuluttuut paasisinnaassavatit.
• Qinnuteqartut piginnaaneqartut immikkut naliliivigineqarnikkut immikkut siunnersortitut atorfinitsinneqarsinnaassapput.

Ilinniagaqassutsikkut imminut unammilligassikkusuppit, alapernaatsuuit assigiinngitsunillu suliaqarneq iluaraajuk? Taamaassappat nunatsinni Peqqinnissaqarfimmi atorfininnissaq ilinnut naleqquttuussaaq.

Neqeroorutigaagut:

• Paasissutissinneqarneq qarasaasiarsornermilu immikkoortortami qarasaasiakkut nalunaarsuiffiup allaffiani suleqatinik siunersioqateqarneq
• Unammilligassat pissanganartut suliniutillu assigiinngitsorpassuit
• Inuk qitiutillugu sullivimmi avatangiisit, sulinermik inuttullu inuunermik oqimaaqatigiissitsineq
• Pikkorissarnissamut ilinniaqqinnissamullu periarfissaqarneq

Qarasaasiarsorneq digitalinngorsaanerlu

Qarasaasiarsornermik aalaakkaasumik isumannaatsumillu uneqattaanngitsumik, peqqinnissamut tunngatillugu sullississutinik atuisup immikkut suliassaanut naleqqussarlugit ilusilikkanik tamanik kinguneqarluartumik atuineq qulakkeerniarlugu, qarasaasiakkut sullississutinik napparsimasullu pillugit qarasaasiakkut nalunaarsuiffimmik ingerlatsineq, kiffartuussineq inerisaanerlu isumagisaraagut. Qarasaasiarsornermi pisortaq ingerlatsinermilu pisortaq peqatigiillutik immikkoortortamik aqutsisuupput.

Qarasaasiarsorneq Digitalinngorsaanerlu nunatsinni Peqqinnissaqarfiup qullersaqarfianut siunnersuisarfiuvoq, tassanilu ingerlatsineq aamma qarasaasiarsornermi ikiorsiisarfimmit isumagineqarluni, illit napparsimasut pillugit allattugaatinut nalunaarsuiffik pillugu allaffimmi (qarasaasiakkut nalunaarsuiffitsinnik ikiorsiivimmi inerisaavimmilu) kiisalu digitaalinngorsaanermut allaffimmi, aaqqissuussaanikkut ingerlatsinermi pisortap ataani inissinneqassaatit. Siunnersuisoqarfiit tamakkerlugit qanimut suleqatigineqassapput.

Najukkami nunarsuullu sinnerani qarasaasiarsornikkut pilersuisut 

Peqqinnissaqarfiup qarasaasiarsornermi sullississutaanik paasissutissanillu paarlaasseqatigiinnermi attaveqaatinik ingerlatsinermi inerisaanermilu, najukkami nunarsuullu sinnerani qarasaasiarsornermi pilersuisunik qanimut suleqateqarpugut.

Piffissaq suliffiuartoq

Sap. ak. nal. ak. 40-it ulluinnarni nal. 07:30 - 16:30 agguataarlugit suliffiusarput. Peqqinnissaqarfik eqqumajuarpoq taamaammallu ajornartorsiutinik imaannaanngitsunik, piffissap nalinginnaasumik suliffiup avataani aaqqiissuteqarsinnaanissatsinnut pigaartooqataasassaatit.

Sumiiffiit suliffiusut:

Nuuk – imal. Aasiaat, Ilulissat Sisimiullu

Tunngaviusumik suliffik tassaassaaq Nuummi Dronning Ingridip Napparsimmavissua, qinnuteqartumulli eqqortumut sinerissami qitiusumik immikkoortuni Aasiaanni, Ilulissani imal. Sisimiuni napparsimmavimmi sulisinnaaneq periarfissaavoq. Nuna tamakkerlugu Peqqinnissaqarfimmi kiffartuussisussaagatta sumi atorfininneq apeqqutaatinnagu sulinermut atatillugu angalasoqarsinnaasassaaq.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: 1. januar 2026 immikkulluunniit isumaqatigiissuteqarnikkut

Qinnuteqarfissaq kingulleq: 20. november 2025

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: Immikkoortortami peqqissaasutut ingerlatsinermi pisortaq Vagn Hansen mailikkut: VHAN@PEQQIK.GL imal. oqarasuaatikkut: 58 66 16 attavigalugu pissarsiarineqarsinnaapput

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.

Atorfik una qinnuteqarfigiuk