Nunatta Isiginnaartitsisarfiani allaffissortoq

Aaqqissuulluagaasumik tunniusimallutillu suleriuseqarpit, kulturilu eqqumiitsuliornerlu soqutigisaralugit? Nunatta Isiginnaartitsisarfiata ulluinnarni ingerlannerani isiginnaartitsisarfiullu ineriartortinnerani allaffissornikkut sullissisumik ujaasivugut.

Atorfik

Isiginnaartitsisarfiup aaqqissuussaanerani qitiusumik inissisimassaatit. Aqutsisut, sulisut suleqatillu akornanni attaveqaataassaatit – allaffissornermilu suliassat pitsaasumik suliarineqartarnissaat qulakkeertassallugu. Isiginnaartitsisarfimmi pisortaq qanimut suleqatigissavat, ukualu suliassaralugit:

· Isiginnaartitsisarfimmi pisortamut tullersorti

· Suliffeqarfiup aaqqissuussaanerani naalakkersuisoqarfimmullu tunngatillugu malittarisassat, saqqummiussassat inassuteqaatillu suliarineqarneranni isiginnaartitsisarfimmi pisortamut siunnersuisartoq.

· Nunatta Isiginnaartitsisarfiani isiginnaartitsisartunngorniarfimmilu naatsorsuuserineq aningaasaqarnerlu akisussaaffigalugit, ilaatigut piffissami aalajangersimasumi nalunaarusiortarneq, missingersuutit pillugit killiffissiorneq, isiginnaartitsisarfiup aqutsisuinut siulersuisuinut, suliniutinut missingersuutinik suliaqarneq il.il.

· Sulisoqarnermut tunngasunik allaffissorneq, ilaatigut sulisoqarnermut suliassat tunngasut, isumaqatigiissutinik isumaqatiginninniarnerit isumaqatigiissutinillu suliaqarneq.

· Siulersuisut sulineranni, ilinniartitaanermilu siunnersuisoqatigiinni suleqataaneq.

Pisortap isiginnaartitsisarfiup aqutsisui ukunani aamma suleqatigineqartarput:

· Isiginnaartitsisarfinnut kulturimullu tunngasunut suliaqarfinnut allanut suleqateqarneq

· Qinnuteqaatit

· Aningaasaliisussarsiorneq

- Isiginnaartitsissusiornermi pisinnaatitaaffiit malinneqarnerannik qulakkeerinninneq

- Nalunaarsuiffiit nutarterneqarnerat ineriartortinneqarlutillu.

Piginnaasatit:

· Allaffissornermi misilittagalik – kulturikkut ingerlatsivimmi assigisaanilluunniit misilittagaqarsinnaavutit.

· Suliniutinik aqutsinermik, naatsorsueqqissaarnermik aningaasaqarnermillu misilittagaqarluarneq.

· Office-mik atuillaqqittoq, Excel-ip nalunngilluarnissaa iluaqutaassaaq, naatsorsuinerit, naatsorsuutit, aningaasaqarneq, suliniutinut Excel atorlugu naatsorsuusiorsinnaasoq il.il.

· Aaqqissuulluagaasumik, nammineerluni akisussaaffeqartumillu sulisoq

· Suleqateqallaqqissoq, nammineerluni aamma sulisinnaasoq.

· Kalallisut, qallunaatut tuluttullu oqaatsinik atuisinnaasoq – oqalussinnaallunilu allassinnaasoq.

Neqeroorutivut:

· Nutaaliortut qiimasullu qeqqani atorfik

· Pinngorartitsinermik isiginnaartitsinermillu suliaqartut akornanni sulineq

· Suleqatit pitsaasut suliffillu piumassuseqarfiusoq

· Aningaasarsiat sulinermullu tunngasut – inuttut isumaqatigiissut

Qinnuteqaat attavissarlu

Qinnuteqarnissamut oktobarip aallaqqaataa killeraa

Atorfik piffissami tamakkiisumi atorfiuvoq, decembarillu aallaqqaataani sulilerfissaalluni

Atorfininnermi atugassarititaasunut piginnaasat, ilinniagaq misilittakkallu aallaavigineqassapput.

Soqutiginnippit?

Atorfimmut tunngasut suliassallu pillugit paasisaqarnerorusukkuit isiginnaartitsisarfiup pisortaanut Vivi Sørensenimut oqarasuaammut +299 38 13 76-imut imaluunniit vivi@nuis.gl-imut saaffiginnissinnaavutit - imaluunniit

Allaffimmiumut: Karl Villiam Jeremiassen +299 38 13 81, mail: karl@nuis.gl

Qinnuteqaat ilinniagaqarsimanermut uppernarsaatit, oqaaseqaatillu ilanngullugit uunga nassiunneqassapput: Isiginnaartitsisarfiup pisortaa Vivi Sørensen, vivi@nuis.gl CC:Allaffissortoq: Karl Villiam Jeremiassen karl@nuis.gl