Fakta
Atorfiup suussusaa: Nunatta Isiginnaartitsisarfianut isiginnaartitsinermut
ataqatigiissaarisoq aamma attaveqaqatigiinnermut akisussaasoq
Suliffeqarfik: Nunatta Isiginnaartitsisarfianut
Qinnuteqarfissamut killigititaq: 6. april
Attavissaq: Vivi Sørensen oqarasuaat +299 38 13 81 imaluunniit e-mail: vivi@nuis.gl aqqutigalugu attavigineqarsinnaavoq.
Nunatta Isiginnaartitsisarfia tunniusimasumik aaqqissuussilluarsinnaasumillu
isiginnaartitsinermut ataqatigiissaarisussarsiorlunilu attaveqaqatigiinnermut
akisussaasussarsiorpoq. Suliassat scenemi eqqumiitsuliornermut,
pilersaarusiornermut akunnermiliunnermullu soqutigigaanni iluaqutaassaaq. Atorfik
isiginnaartitsisarfiup isiginnaartitsisartuisa Kalaallit Nunaat tamakkerlugu isiginnaartitsinissaannut
qitiusumik inissisimalluni isiginnaartitsivimmi sammineqartussat
takuneqarsinnaanngornissaannut nukittorsaasuuvoq.
Atorfik pillugu
Isiginnaartitsinermut ataqatigiissaarisutut aamma attaveqaqatigiinnermut
akisussaasutut pilersaarusiornermi, isiginnaartitsisussat angalallutik
isiginnaartitsiartorneranni ataqatigiissaarisutut kiisalu
isiginnaartitsisarfiup suliaasa tamanut oqaluttuarineqarnissaanut
attaveqaqatigiinnermullu akisussaasutut qitiusumik inissisimassallutit. Isiginnaartitsisarfimmi
aqutsisoq, isiginnaartitsarfimmi suleqatigiit aamma avataaniit suleqatit
isiginnaartitsinissamut pilersaarusiornerni, ingerlannissaannut, sammisassanut
isiginnaartuniillu sammisassanut pilersaarusiornermi ingerlatsinerillu
naammassinissaannut suleqatigissavatit.
Isiginnaartitsisarfiup attaveqaqatigiinnera tusagassiuutini,
inuit attaveqaataanni paasissutissanilu nukittorsaaqataallutillu ersarissaaqataassaatit.
Atorfik aaqqissuussaalluartumik ingerlanneqarnissaa pisariaqarpoq, eqqumiitsuliortullu
suliaannik isiginnaartunut oqaasinnguisinnaalluni piginnaasaqarnissaq
pisariaqarluni.
Suliassatit ilaatigut ataani allaqqapput:
- Kalaallit Nunaanni, immaqalu nunanut allanut, isiginnaartitsartut angalanissaannut pilersaarusiorneq ataqatigiissaarinerlu
- Isiginnaartitsivinnik, nipilersortarfinnik, kultuimulluunniit illorsuarnut aamma suleqatigisanut attaveqarneq suleqateqarnerlu
- Angalanernik, ingerlasussanik piareersaaneq aqutsinernillu, najugaqarnermut aamma allanik attuumassuteqarsinnaasunik ataqatigiissaarineq
- Sammisassanik, pinnguaatissanik isiginaartunillu sammineqartussanik pilersaaarusiorneq ataqatigiissaarinerlu
- Isiginnaartitsiviup attaveqartarneranut takussaasuunissaanullu akisussaasoq, inuit attaveqaqatigiittarfii nittartagarlu ilanngullugit
- Tusagassiuutinut nalunaarutinik, paasissutissanik, pilersaarusiamilu allaqqasussanik suliaqarneq
- Suleqatigisat tusagassiuutillu suleqatigalugit tuniniaanissamik pilerisaarineq
- Isiginnaartitsarfiup isiginnaagassiaasa saniatigut pilersaarusiornermi takutitsinernilu tapersiisarnissaq
Naatsorsuutigaarput,
illit:
- Aaqqissuussamik, namminersortumik tamanillu isiginnissinnaasumik sulisinnaasutit
- Pilersaarusiorlugu iluarsartuussanik ataqatigiissaarinermut, attaveqaqatigiinnermut imaluunniit kulturikkut pilersitsinissamut misilittagaqartutit
- Scenemi takutitassianik kulturikkullu iluarsartuullugu pilersaarusianut soqutigisaqartutit
- Suleqateqarnissamut piginnaasaqartutit suleqatigiillu ataqatigiinnissaannut sanarfisinnaasutit
- Allakkatigut oqaatsitigullu piginnaasaqarluartutit
- Aalajaallutit ullunik allanngorartumik assigiinngitsunik suliaqarfiusumi sulisinnaasutit
- Kalaallisut, qallunaatut tuluttullu oqaaserisinnaagitit
Neqeroorutigaarput:
- Nunatta Isiginnaartitsisarfiani atorfik pissanganarlunilu allanngorartoq
- Scenemi isiginnaagassiornermi kulturikkullu iluarsartuullugu pilersaarusiornermi qanimut suleqataanissamut periarfissaqarneq
- Suliami annertuumik ilisimasaqarluni nutaaliorsinnaaneq tunniusimanerlu
- Eqqumiitsuliortunik kulturimullu suliaqartunik qanimut suleqateqarneq
- Suliffik nuannersoq sulinermi suliffissanik nikeraalluni nalimmassaaffiusinnaasoq
Atorfininnissaq
Atorfik tamakkiisumik atorfiuvoq, ullorlu 1. maaji 2026-mi
imaluunniit isumaqatigiinnikkut aallartittoqarsinnaalluni.
Atorfininneq inummut, piginnaasat, ilinniagaq
misilittakkallu aallaavigalugit, piumasaqaatit inissinneqassapput.
Soqutiginnippit?
Atorfiup imarisai annertussusaalu
paasisaqarfiginerorusukkukkit, Isiginnaartitsisarfiup pisortaa Vivi Sørensen oqarasuaat
+299 38 13 81 imaluunniit e-mail: vivi@nuis.gl
aqqutigalugu attavigineqarsinnaavoq.
Qinnuteqarnissamut killigititaq: 6. apriili 2026 nalunaaqutaq
12:00
Qinnuteqarnermi ilinniakkamut uppernarsaat oqaaseqaatillu
ataani allaqqasumut nassiunneqassapput
Isiginnaartitsiarfimmi pisortaq Vivi Sørensen maili: vivi@nuis.gl
CC: Allaffissornermi ingerlatsisoq Inuaraq
Gedionsen-Steenholdt maili: inuaraq@nuis.gl
