Nuummi Akileraartarnermut Aqutsisoqarfimmi Aqutsisunut Sullissivimmi Allaffimmi pisortassarsiorpugut.

Akileraartarnermut Aqutsisoqarfiup aqutsinermut ineriartortinneqarnerani sunniuteqarnissamut peqataarusuppit? Nuummi aqutsisut sullissivianni siuttuusussamik pimoorullugu suliniaqataasuussusilimmik piumassuseqqortuumillu allaffimmi pisortassarsiorpugut, 2025-imi aggustip aallaqqaataani imaluunniit isumaqatigiissuteqarnikkut atorfinittussamik.

Atorfik pillugu

Allaffimmi pisortatut aqutsisut sullissiviat ulluinnarni akisussaaffigissavat toqqaannartumillu aqutsisoqarfimmi pisortaq pisortarissallugu. Aqutsisoqarfiup ineriartortitsinermut suliassaani suleqatiginnermi ataqatigiissaarnerinullu qitiusumik inissisimassaatit, aqutsisut, naalakkersuisoqarfik kiisalu politikkikkut sullitatta sullilluarnissaat piginnaaneqartumik aammalu pitsaasumik qulakkeertassallugu.

Suliassatit ilaatigut makkuninnga imaqassapput:

• Aqutsisunut sullissivimmi ulluinnarni allaffimmi sulisunillu aqutsineq

• Suliat pillugit aqutsisoqarfimmi aqutsisunut isummersueqataallunilu siunnersuineq

• Aqutsisoqarfiup iluani avataanilu attaveqaqatigiinnikkut ersarissumik paasiuminartumillu paasissutissiisarnermut akisussaasoq

• Qarasaasiatigut ineriartortitsinermut aqutsinikkullu ataqatigiissaarineq

• Siunertanut pilersaarusiornermut kiisalu suleqatigisanik avataaneersunik suleqatigiinnermut tapersersuineq.

Ulluinnarni sulianik assigiinngitsorpassuarnik sammisaqarfiusumi suleqatigiisitsillaqqissumik, pilersaarusiullaqqissumik, sammivissiuillaqqissumik takorluuillaqqissumillu pisortassamik pissarsiorpugut. Pisortaq ulluinnarni sulinermi ataqatigiissaarillaqqissoq, akisussaassutsimik pingaartitsisoq pitsaassutsimillu anguniagalik.

Piginnaasassat:

Pisortassamik misilittagalimmik suliaminut pimoorussisumik, pilersaarusiornermik paasisimasalik iliuusissanik qinersillaqqissoq piumassuseqqortuujullunilu ataqatigiisitsisinnaasoq. Suliffeqarfimmi assigiinngitsunik katitigaasumi amerlasuunillu soqutiginnittoqarfiusumi sulisinnaassuseqarluarnerpit saniatigut suliamut pikkorissusilik nakuussusilillu.

Naatsorsuutigaarput illit:

• Naammagittartuullutit pissusissamisoortumik oqartussaassuseqartoq, ersarissumik tatiginartumillu aqutsisinnaasoq

• Suliatigut annertuumik siammasissumillu ilisimasalik - akileraaruserinermut misilittagaqarneq iluaqutaassaaq

• Suliatigut suliassaqarfinni aamma aqutsinermut ajornartorsiutinik suliarinnittarnermik misilittagaqartoq

• Attaveqaqatigiinnermut pikkorissoq, aqutsisoqarfimmi avataanilu suleqatigisanik oqaloqatiginninnermut tunuarsimaanngitsoq.

• Politikkikkut paasisimasaqarluni, Akileraartarnermut Aqutsisoqarfiup ingerlanera aallaavigalugu atuuttunik maleruagassanillu paasisimasaqartoq

• Namminersorluni sulisinnaasoq, aammalu suleqatigisanik suleqatigiinnermilu periarfissanik atuisinnaasoq

• Suliatigut allanngorartunik annertuumik ulapaarfiusinnaasunillu suliassanik eqqissilluni aqutsisinnaasoq takunnissinnaassuseqartorlu

• Suliassanik inatsisilerituutut, aqutsinermut tunngasunut aamma teknikkikkut suliaqarsinnaassusilik

• Allattariarsornikkut oqaatsillu atorlugit attaveqaqatigiinnikkut piginnaanilik, ilaatigut kalaallisut, danskisut tuluttullu

• Kalaallit Nunaanni inuiaqatigiinni pissutsinut ilisimasaqartoq aammalu siusinnerusukkut politikkikkut aqunneqartartumi suliffeqarsimasoq

Atorfik pillugu paasissutissanik annertunerusunik pissarsinissaamut tikilluaqquneqarputit attavigissallugu aqutsisoqarfimmi pisortaq Kim Neumann Nielsen, oq.: 34 65 31, e-mail knn@nanog.gl.

Akissarsiat atorfeqartitaanermilu atugassarititaasut:

Atorfik akissaateqarfimmi LR 36-mi maanna inissisimavoq. 1. april 2025 LR 36-mi akissarsiat imak isumaqagitiissutigineqarnikuupput qaamammut Kr. 54.247 ukiumullu Kr. 650.964

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Aallaaviusumik sapaatip akunnerani suliffiuvoq akunneri 40-t, atorfimi qaanngiuttornermusiaqarsinnaavoq ukiumoortumut akunneri 320 qaanngersimagaani, qaammatinullu pingasunut avillugit 80-t, taammaatoq ulloq sulinngiffiusussaasoq annaagaani ajunngitorsiassaqarfiunngilaq.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk