Nuummi Akileraarutinik Aqutsisoqarfimmi suliffeqarfinnik sulisitsisunillu nakkutiginninnermi akileraarutit akitsuutillu pillugit siunnersuisartoq

Sulinal/sulisitsisunik nalunaarsuiffiup nakkutilliisutut atorfik inuttassasiorpaa

Immikkoortortaqarfik massakkut quligiluanik sulisoqarpoq, taakkunannga pingasut nakkutilliinermik suliaqarput. Immikkoortortaqarfik Ilulissani, Nuummi Maniitsumilu sulisoqarpoq.

Nuummi illit suleqatigilerusukkutsigut, suliassatit uani atuakkit.

Sulisitsisunik nakkutilliinermi Kalaallit Nunaanni nunanilu allani sulisitsisut suliarineqartarput, makkua ilanngullugit

• Kalaallit Nunaanni suliffeqarfiit sulisullu akileraartussaatitaanerisa nalilersorneqarnissaat anguniarlugu inuussutissarsiortut suliaannik nakkutilliineq.

• Nassuiaanerit, imarisat akileraarutit A-t akilersorneqarneri il.il. sulisitsisut nakkutigineqarnerini suliarineqartassapput.

• Sulisitsisunik aqqutissiuussineq.

Sulisitsisut namminersortut ingerlatseqatigiiffiillu paasissutissaataat naatsorsuutaallu tunniunneqartut illit suliarisassavatit.

Taakkua malitsigisigisaannik nakkutilliisutut suliaqarlutit allaffimmit anikulaassaatittit, matumani Kalaallit Nunaanni angalaneq ilanngullugu.

Nakkutilliisutut sulineq allaffimmiit suliffeqarfinnilu pisassaaq imaluunniit sanaartorfiit eqqaanni, aatsitassarsiorfiit eqqaanni il.il.

Aalajangiinerit sulianillu saqqummiinerit nakkutilliinermut aamma ilaassapput, taamaattumik illit namminersorlutit sulisinnaanissat allannermi oqalunnermilu oqaasertalersuilluarsinnaanissat pingaaruteqarput.

Piginnaasat piginnaatitaaffiillu:

• Professionsbachelor, HD-imik ilinniarsimasoq, imaluunniit aningaasaqarnermik, naatsorsuuserisinermik, kukkunersiuinermik, inatsisilerinermik assigissaannilluunniit kandidatitut ilinniarsimasoq.

• Microsoft pakkeq atorluarsinnaassavat aamma aaqqissuussanut nutaanut sukkasuumik ilikkarsinnaasariaqarputit.

• Nammineerlutit sulisinnaassaatit, soqutiginnissaatit akisussaaffigisannillu ilisimaarinnillutit.

• Inuit takusimanngisatit naapissallugit ajornartorsiutinillu qulaajaassallutit iluarusuutigisarpat, soorlu aamma suliat itinerusumik naammassillugillu suliarineri qujamasuutigisaritit.

• Oqaatsinut piginnaasaqarluarputit, tuluttut ilanngullugit.

• Suliaqarfik, inatsisit ilisimasaqarfigigitit aamma naatsorsuuserinermik paasisimasaqarneq iluaqutaassapput.

Makkunannga neqeroorfigineqarputit:

• Suliassat pissanganartut, illit sunniuteqarfigerujussuarsinnaasatit.

• Suliat qanorittuuneri apeqqutaallutik ilisimasassarpassuit assigiinngiiaartumillu ilisimasassat.

• Suleqatigiit pitsaasut suleqatiginnikkusuttut.

• Inuttut suliatigullu ineriartortitsiviusumik suliaq pissanganartoq.

• Sineriak tamakkerlugu suliffeqarfinnik pissanganartumik suleqateqarneq.

• Kalaallit Nunaanni attaveqaatersuutit angisuumik suliniutigineqarnerinik paasinnilluarneq.

Atorfik Nakkutilliinermut Siunnersuinermullu Immikkoortortaqarfimmiippoq.

Taamaattumik illit inunnik allanik suleqatissarsiortarnissat, aaqqiissuteqarusuttuunissat aamma piffissap ilaani ulluinnarni ulapaarfiusuni sulerusussuseqarnissat pingaaruteqarput,

Ulloq atorfiniffissaq

Atorfik piaarnerpaamik imaluunniit isumaqatigiissuteqarnikkut inuttalerniarneqarpoq.

Paasissutissat allat

Atorfik pillugu paasisaqarnerorusukkuti, Akileraartarnermut Aqutsisoqarfimmi immikkoortortaqarfimmi aqutsisuugallartoq, Lisbeth Møller Jensen lsmj@nanoq.gl aqqutigalugu attavigisinnaavat imaluunniit Allaffimmi pisortaq Charlotte R. Lyberth oqarasuaatip normua 34 65 14, imaluunniit maili: cly@nanoq.glaqqutigalugu pissarsiarisinnaavatit

Aningaasarsiat atorfininnermilu atugassarititaasut

Akissarsianut atorfeqarnermilu atugassarititaasunut, taakkununngalu ilanngullugit atorfininnermi soraarnermilu angalanissamut pisattanik nassiussinissamut akiliunneqarsinnaatitaanermik piffissami atorfiniffiusumi Namminersorlutik Oqartussat aamma kattuffiup isumaqatiginninniarsinnaatitaasup ilaasortaaffigisap akornanni isumaqatigiissut naapertorlugu.

Inissaqarneq

Atorfimmut atasumik sulisunut inissiamik pequsersorneqanngitsumik innersuussisoqarsinnaavoq, malittarisassat qaqugukkulluunniit atuuttut naapertorlugit. Qinnuteqartut atorfitsik aqqutigalugu ineqartinneqareersut imaluunniit kommunimiit Namminersorlutik Oqartussanilluunniit pigineqartunik ineqartut inissaannik innersuussisoqarsinnaanngilaq. Ineqarnermut akiliut aamma ineqarnermut qularnaveeqqusiissutit inigisamut innersuunneqartumut malittarisassat atuuttut naapertorlugit akilerneqartassapput. Sulisutut inigisaq atorfeqarnermut atasuuvoq, atorfeqarunnaarnermilu qimanneqartussaassalluni.

Ineqarnermut akiliut aamma inissiap pitsaassusia inissiap qanga sananeqarsimanera, piginnittua il.il. apeqqutaallutik nikerarsinnaapput. Sulisutut ataavartumik initaarnissaq utaqqinarsinnaavoq, taamaattumik utaqqiisaasumik inissiisoqarsinnaasarpoq, matumani najugaqatigiiffiit minnerusut imaluunniit akunnittarfinni inissiat aamma ilanngullugit najugaqarfigineqarsinnaallutik, taakkulu akileraarusersorneqartussaapput. Sulisunut inissiami imaluunniit utaqqiisaasumik inigisami uumasuutit anginerusut, soorlu qimmit qitsuilluunniit, uumasuutigineqaqqusaanngillat.

Qinnuteqarfissamut killigititaq

Qinnuteqaat Akileraartarnermut Aqutsisoqarfimmeeriissaaq kingusinnerpaamik ulloq 31. Marts 2026

Qinnuteqaat, CV, ilinniarsimanermut aamma pikkorissarsimanermut uppernarsaatit aamma pappiaqqat attuumassutillit "Qinnuteqaat nassiuguk" toorlugu nassiutikkit.

Mailikkut qinnuteqaatinik tigusineq ajorpugut.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.