Nuummi Amerikamiut sinniisoqarfiani nakkutilliisoq

USA-p Kalaallit Nunaanni sinniisoqarfiani suleqataallutit qaqutigoortumik periarfissamik atuerusuppit? 

Taava Nuummi suleqatigiinnut nuannersunut suleqataalerit misigisassanullu pissanganartunut piareersarlutit!

Nuummi USA-p sinniisoqarfiani nakkutilliisunik arfineq-marlunnik pissarsiorpugut.

Kiffartuillunilu illersuineq: USA-p sinniisuisa atortuinut illuutaannilu nakkutilliisoq

USA-mi naalakkersuisut allaffeqarfiinut akuersissuteqarani isernianik pinngitsoortitsineq, sulisut ilaqutaasalu illersornerat, isertarfinni tamani eqqissinermik attassinissamik, sulisunut pigisanullu pinerliinianik saassussinissamik pinaveersaartitsineq, Amerikamiut suliaannut peqqarniisaarniat saassussinissaannik pinaveersaartitsilluni aamma naalagaaffiup pigisai ajoquserneqannginnissaat tillinniarfigineqannginnissaannullu nakkutilliineq.

Nunap immikkoortuani isumannaallisaanermut allaffik politiillu suleqatigalugit nakkutilliinikkut, isernianik misissuinikkut isumannaallisaaneq pillugu pisoqaraangat piaartumik iliuuseqarnermigut nakkutilliisut toqqissisimanissaq qulakkeertarpaat.

Pingaarnertut suliassat akisussaaffiillu

• Pulaartut misissuiffigalugit, kinaassutsimut uppernarsaataat uppernarsarlugit, biilit misissorlugit isersinnaanermillu aqutsinermi malittarisassat malillugit nakkutilliineq

• Sillimaniarnermut atortorissaarutit, nakkutilliissutit radiukkullu attaveqaatit atorlugit sumiiffinni aalajangersimasuni nakkutilliineq

• Pisoqartillugu kalerrisaarummik aallartitsineq, politiit attaveqarfiginissaat ikiueqqaarnissarlu

• Isumannaallisaanermut tunngasunik suliaqarnerit pisullu nalinginnaanngitsut uppernarsarneqarsinnaaqqullugit isumannaallisaanermut tunngasunik nalunaarsuineq

• Isumannaallisaanermut atortunik, soorlu aqutsivinnik, kalerrisaarutinik, højtalerinik attaveqaatinillu atuineq

Piumasaqaatit

• Ilinniagaqarneq: Ilinniarnertuutut naammassisimanissaq imaluunniit tamatumunnga assingusoq

• Oqaatsit: qallunaatoorluarsinnaaneq (niveau 3); tuluttut killilimmik (niveau 2)

• Timikkut piumasaqaatit: Silami assigiinngitsumi sivisuumik nikorfallunilu pisussinnaaneq; biilinik timit atorlugu misissuisinnaaneq; nakkutilliinermi tamanik eqqumaffiginnissinnaaneq

• Teknikkikkut piginnaanerit: Qarasaasiamik tunngaviusumik ilisimasaqarneq; sillimaniarneq pillugu atortorissaarutinik atuisinnaasoq, kalerrisaarutinik, radiokkut attaveqaatit uummammillu unittoortoqarnerani aallartitsissutinik atuisinnaasoq

Periarfissaq asseqanngitsoq piareersimaffigaajuk?

Qinnuteqarniaruit qupperneq “Job Opportunities - U.S. Embassy & Consulate in the Kingdom of Denmark - Available positions at the U.S. Mission (usembassy.gov)" iserfigiuk, atorfik “Local Guard (unanmed)” ujaruk, taavalu “Apply to this vacancy” toorlugu.

Taava qinnuteqaatit elektroniskiusut (ERA) iserfigissavatit, taannalu kisiat aqqutigalugu qinnuteqaatinik tigusaqartarpugut.

Sapinngisamik piaarnerpaamik, kingusinnerpaamillu apriilip qulingani, qinnuteqarit.

Atorfik pillugu apeqqutissaqaruit, HR-imi immikkoortortaqarfik uunga saaffigisinnaavat: CopenhagenHR@state.gov imalt. +45 3341 7498.

Tusarfiginissat qilanaaraarput!