Nuummi Dronning Ingridip Napparsimmavissua nakorsat allattaannik pissarsiorpoq

Dronning Ingridip Napparsimmavissuani nakorsat allatseqarfianni nakorsat allattaattut imal. allaffissornermi pilersaarusiornermilu ataqatigiissaarisutut atorfik pissanganartoq tamatigoortorlu takorluugaraajuk? Taamaassappat atorfeqavissutut imal. taartaasutut (sap. ak. arfinilinniit ukioq ataaseq) atorfininnissannut periarfissaqalerputit.

Immikkoortortami, pilatsittunut imal. nakorsaatinik nakorsartittunut tunngasunik ukkassalinnut, taakkulu akimorlugit sulisariaqalersinnaasarfimmi, sulisunut quliusunut ilaalissaatit.

Dronning Ingridip Napparsimmavissuani allatseqarfimmi, nakorsat allattaattut imal. allaffissornermi pilersaarusiornermilu ataqatigiissaarisutut atorfik pingaaruteqarpoq, Peqqinnissaqarfimmi immikkoortunut allanut qanimut attaveqarluni. Nakorsat immiussaannik allanneq pingaarnertut suliassaraat, tullertullu allakkianik uppernarsaatissanik nalunaarsuinermut tunngasunik, kiisalu immikkoortortanut nakorsaanermik sulialinnut tunngatillugu allaffissornermut tunngasunik suliassaqassaatit.

Qitiutinneqartussat tassaassapput:

• Nakorsap immiussaanik allaqqiinermi napparsimasunut isumannaallisaanerup annertusarnissaa, tamatumunngalu atatillugu napparsimasut aqqusaartugassaannik qulakkeerinissaq.
• Suleriaatsinik pitsanngorsaanissaq.
• Napparsimasut pitsaasunik aqqusaartugassaqarnissaannik qulakkeerinissaq.

Neqeroorutigaagut:

• Sukumiisumik ilitsersuunneqarneq.
• Ulluinnaat allanngorartut.
• Sunniuteqaqataaneq, paasisutissiilluarneq suleqatigiilluarnerlu.
• Immikkoortortat akimorlugit suleqatigiinneq annertuumik attuumassuteqarfilik.
• Atorfimmut atatillugu inissaqarneq..
• Sulisut peqatigiiffiat eqeersimaartoq, angallammik angalaarnissanik ataatsimuualaarnissanik il.il. aaqqissuisartoq.
• Ulluinnarni nal. 08:00 – 16:00 akornanni sulisarneq, tamatuma saniatigut sap. ak. sisamaniit arfinillit allortarlugit sap. ak. naanerini pigaartuusartunut ilaasinnaaneq.

Pissarsiariniagarput:

• Nakorsat allattaattut imal. allaffissornermi pilersaarusiornermilu ataqatigiissaarisutut ilinniarsimavoq.
• Eqaatsumik periuseqarpoq allannguinissamullu piareersimalluni – suleqatiginnillaqqissuuvoq namminersorlunilu sulianik ingerlatsisinnaallunissaaq.
• Qarasaasiarsornermik paasisimasaqarpoq Office-pakke- word aamma excel ilisimasaqarfigalugit
• Danskisut piginnaaneqarluarnissaq piumasaqaataavoq.
• Oqaatsinut poqersuuvoq, allakkianik allanneq teknikki digitaliusoq atorlugu ingerlanneqarmat, naqitanngorlugit allannermut tunngatillugu uumarisuuvoq.
• Uiverfimmi eqqissisimasinnaavoq.
• Aalajaatsuuvoq.
• Illugiinnik- kalaallisut/danskisut oqaaseqarnissaq iluaqutaassaaq, piumasaqaataananili.
• Nunarput nunatsinnilu angallannikkut pissutsit ilisimaarai, tamannali piumasaqaataanngilaq.

Uagut:

• Napparsimasut aqqusaartugassannik ataqatigiissaarivik suliffiuvoq ilinniagaqassutsikkut atitooq, nakorsaatinik nakorsaanermi pilattaanermilu immikkut ilisimasaqarfinnik tamanik sullissiviusoq.
• Immikkoortortaq maanna qulinik nakorsat allatseqarpoq akuttunngitsunillu allaffissornermi pilersaarusiornermilu ataqatigiissaarisunngornianik/nakorsat allatsinngornianik ilinniartoqartartoq- aqutsisulillu.
• Nakorsaanermi allatseqarfik, aaqqissuussaanikkut Dronning Ingridip Napparsimmavissuani napparsimasut aqqusaartugassaannik ataqatigiissaariviup - allatseqarfiup saniatigut angalanernut ataqatigiisaarinernullu, napparsimasunut akunnittarfimmut, qullersanut siunnersuisarfimmi pisortaqartut, ataanni inissisimavoq.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput

Sulilerfissaq: 01.10.2025 immikkulluunniit isumaqatigiissuteqarnikkut.

Qinnuteqarfissaq kingulleq: 24.08.2025.

Attavissaq

Atorfik pillugu paasissutissat: Immikkoortortami aqutsisoq Lucia Jakobsen oqarasuaatikkut: (+299) 34 43 50 imal. mailikkut: LUC@peqqik.gl attavigalugu pissarsiarineqarsinnaapput.

Atorfimmi akisussaffinnut nassuiaammik nassiussisoqarsinnaavoq.

Akissarsiat atorfininnermilu atugassarititaasut pillugit paasissutissat nalinginnaasut, mailikkut saaffiginninnikkut:PERSONALE@PEQQIK.GL aamma pissarsiarineqarsinnaapput.

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.dk aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.

Atorfik una qinnuteqarfigiuk