Nuummi Dronning Ingridip Peqqissaaviani meeraaqqerivik allatsimik pissarsiorpoq

Atorfeqavissussamik sap. ak. nal. ak. 40-ini sulisartussamik, 27. oktober 2025 immikkulluunniit isumaqatigiissuteqarnikkut sulilersussamik, pissarsiorpugut.

Sulianik ataatsikkut arlalippaalunnik aqutsineq pikkoriffigaajuk – tamatumalu peqatigisaanik nutaanik ilinniarnissamut alapernaallutit, atorfissaqarfinnilu pimoorussillutit sulisinnaavit?

Taamaassappat tassaasinnaavutit pissarsiariniagarput! Nuummi meeraaqqerisut, allatsimik pappiaqqatigut suliassanik nakkutilliisinnaasumik – ulluinnaallu ingerlalluarnissaannut, suliassanut tamanut pimoorussilluni sulisinnaanissamut siooranngitsumik atorfissaqartitsipput.

Allatsi tamatigoortoq pissarsiarerusupparput: isumaqatigiissusiorsinnaasoq, atortussanik inniminniisinnaasoq, atuarfinni suleqataasinnaasoq, piumassuseqartoq – ulluinnarnilu suliat assigeeqqissaartannginnerannik nuannarisalik.

Suliassatit makkuusinnaapput:

• Meeqqanik ilaqutariinnillu meeraaqqerisuliartussanik ataqatigiissaarineq aggersaanerlu.
• Allattugaatinut nalunaarsuineq sulianilu assigiinngitsuni malitseqartitsineq.
• Peqqumaasivimmit, nakorsaataasivimmit allaniillu atortussanik inniminniineq – atortussanik amigaateqalinngissamik isumaginninneq.
• Suliassani nalinginnaasuni annikitsuni – ikiortitut (piccoline) sulineq.
• Atuarfinniinnerni peqataaneq – tapersersortitut allattugaatinullu nalunarsuisutut.
• Suliat pitsaanerusumik isumatunerusumillu ingerlanneqarsinnaanissaannut isumassarsisitsineq.

Neqeroorutigaagut:

• Sukumiisumik paasissutissinneqarlunilu ilinniartinneqarneq.
• Suliffik tamatigoortoq namminersorfiusorlu, ulluinnarni ingerlatsinitsinnut annertuumik pingaarutilik.
• Suleqatigiit ikittunnguit qiimasut suleqatigiilluartullu.
• Suliassaqarfik ineriartortoq – illit isumassarsiannut isummersuutinnullu inissaqartitsisoq.

Pissarsiariniagarput:

• Allaffissornermut tunngasumik naapertuuttumik ilinniagaqarpoq.
• Meeqqanik nuannarisaqarpoq.
• Ulluinnaat allanngorartuunerat iluaraa, iliuuseqarumatuujuvorlu.
• Suliassanut nalinginnaasunut pikkoriffeqarpoq "piccolinetullu"suliassat, soorlu atortussanik inniminniineqannikitsunillu pisiniarneq, iluarai.
• Suleqatiginnillaqqissuuvoq namminersorsinnaallunilu.
• Aalajaatsuuvoq ulluinnarnilu pitsaasumik ingerlatsisuulluni.
• Eqaatsumik periuseqarpoq ulapaarfinnilu ataatsimut isiginnissinnaassutsi attatiinnartarlugu.
• Kalaallisut danskisullu oqalussinnaavoq allassinnaallunilu.
• Pisariaqartitsinermi oqaluttaasinnaavoq.

Meeraaqqerisut

• Aaqqissuussaanikkut Dronning Ingridip Peqqissaaviata ataani inissisimapput.
• Suleqatigiit tassaapput meeraaqqerisut pimoorussisut arfineq marluk, naalungiarsuutilinnut pulaarnermik, meeqqanik atuartunik misissuinermik akiuussutissiinernik, angajoqqaanngornissamut piareersaanernik kiisalu siusissukkut iliuuseqarnernik suliaqartut.
• Avinngarusimasut soorlu Ittoqqortoormiit Qeqertarsuatsiaallu aamma sullitaraagut.
• Meeqqat ilaqutariillu amerlasuut attavigaagut – taamaammallu allaffissornikkut suliassat, annikitsortaat ilanngullugit isumaginnittumik, ulluinnarnilu sulinitsinnik akornuteqanngitsumik ingerlaluartitseqataasinnaasumik allatseqarnissaq pisariaqartillugu.

Ilinnut naleqquppasippa?- Taamaassappat tusarfiginissat qilanaaraarput!

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput

Sulilerfissaq: 27. oktober 2025 immikkulluunniit isumaqatigiissuteqarnikkut.

Qinnuteqarfissaq kingulleq: 14. august 2025

Qinnuteqartunik oqaloqateqarnerit ataavartumik ingerlanneqassapput

Attavissaq: 

Atorfik pillugu paasissutissat: Nuna tamakkerlugu meeraaqqerisutut aqutsisoq Dina Berthelsen, oqarasuaatikkut: (+299) 34 40 17 imal. mailikkut: DIB@peqqik.gl attavigalugu pissarsiarineqarsinnaapput.

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.dk aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.

Atorfik una qinnuteqarfigiuk