Nuummi Energitjenesten liniemesterissarsiorpoq

Nukissiorfiit Nuummiittut qanittukkut isumaqatigiissutigineqartorluunniit naapertorlugu atorfinissinnaasumik liniemesterissarsiorput.

Suliassat pingaarnerit:

Atorfimmi suliassat pingaarnerit Nuummi innaallagissamik siammarterinermi Teamlederi suleqatigalugu aqutsisoralugulu suliassaapput, malittarisassat ilitsersuutillu malinneqarnissaat aammalu nunap immikkoortuani tamaani suleqatigiilluartoqarnissaat suliffeqarfiullu avataaniittunik suleqateqarluartoqarnissaat suliffeqarfiullu iluani suleriutsit inatsisaasullu suliaqarfinni tamani malinneqarnissaat akisussaaffigalugit, pingaartumillu uku akisussaaffigalugit:

• 0,4kV-mut, 10kV-mut, 60kV-mut aamma 132kV-mut atatillugu aammalu Nuummi nunaqarfinnilu Nuummut atasuni innaagallagissamik siammarterissummut 0,4kV-mut atatillugu ingerlatsinikkut aserfallatsaaliuinikkullu suliassanik pilersaarusiornermi agguataarinermilu Teamlederimik ikiuineq.
• Sanaartugassanik suliassanullu aaqqiissutissanik pilersaarusiornermi Teamlederimik ikiuineq suliffeqarfiup iluani avataanilu soqutigisaqaqatit suleqatigalugit.
• Suliassanik pilersaarusiornermut, naammassinninnermut ataqatigiissaarinermullu aamma nunap ilaani tamaani immikkoortortami ingerlatsinermut sanaartornermullu missingersuutinik malinninnissamut akisussaaqataaneq.
• Nunap ilaani tamaani sulianik akuersissuteqartariaqartunik tamanik qulakkeerinermi Teamlederimik ikiuineq qulakkeereqataasarnerlu.
• Nunap ilaani tamaani sarfalerisunik sullittakkanillu attaveqateqarnermi ikiuutaaneq.
• Nukissiorfiit periusissiaata innaallagissamik siammarterinermik suliaqartartunik ullormut aqutsinermi malinneqartarnissaannut atuutilersinneqartarnissaannullu akisussaaqataaneq.

Suleqatissarsiorpugut makkuninnga ilisimasalinnik:

• Sarfalerisuusutit, maskinmesteriusutit tulluartumilluunniit allamik ilinniagaqartutit.
• Sarfaliinermut akuersissuteqarsinnaatitaasutit, piumasaqaataanngilarli.
• Aqutsinermi misilittagaqartutit, innaallagissamik pilersuinermi ingerlatsineq aserfallatsaaliuinerlu misilittagaqarfigigukkit pitsaassaaq.
• Sanaartornermi suliniuteqarneq misilittagaqarfigigukku pitsaassaaq.
• Nammineerlutit sulisinnaavutit, isumassarsiullaqqissuuvutit siulliullutillu iliuuseqarniartarlutit, killissat uniffigiinnarnagit periarfissaasut isiginiarnerusarpatit.
• Suleqateqallaqqissuuvutit.
• Elforsyningsnet 0,4-, 10-, 60-, aamma 132 kV kiisalu 0,4 kV kabel- og luftledningsnet, 10, 60 aamma 132kV kabel- aamma koblingsanlæg.
• SRO-anlæg.
• EDB-mik atuisinnaavutit.
• KLS-D aamma KLS-A (SKS-D aamma SKS-A) systemit.
• Inuinnaat biiliinut kørekorteqarputit.

Ilinnut neqeroorutigisinnaavavut:

• Atorfiup allaatigineqarnera naapertorlugu suliffik soqutiginartoq allanngorarfiusorlu, suliassat aallartinneqarneranniit naammassineqarnissaannut suleqataasassallutit.
• Suleqatikkuminartunik suleqateqassaatit.
• Suliatsigut inuttullu ineriartornissamut periarfissaqarluassaatit.

Akissaatitigut atorfeqartitaanermilu atugassarititaasut:

Naalakkersuisut (Kalaallit Nunaanni Namminersornerullutik Oqartussat) kattuffigisallu naleqquttup isumaqatigiissutaat naapertorlugu akissarsiaqartitsineq pissaaq.

Atorfininneq qaammatini pingasuni misiliutitaqarpoq.

Atorfimmut atatillugu inissamik innersuussisoqarsinnaavoq, malittarisassat qaqugukkulluunniit atuuttut naapertorlugit atorfinittumut sulisunut inissiamik pequsersugaanngitsumik innersuussisoqarsinnaavoq. Inissiamut innersuunneqartumut malittarisassat qaqugukkulluunniit atuuttut naapertorlugit ineqarnermut akiliutit akilerneqartassapput aamma iserternermi qularnaveeqqutit akilerneqassallutik. Sulisutut inissiaq atorfeqartitaanermut attuumassuteqarpoq atorfeqarunnaarnerullu taamaatinneranut atatillugu qimanneqassalluni.

Atorfimmut atatillugu inimik Namminersornerullutik oqartussat ataani peqaruit, tamanna atasiinnarnissaanut pisinnaavoq.

Atorfimmut atatillugu angalaneq aammalu pequttat akiliunneqarsinnaavoq, ukiullu pingasut ataannartumik atorfeqarnermi soraanermi angalaneq aammalu pisattat akilerneqarsinnaapput, illoqutigiit aammalu meeqqat 18-ninik ukiullit ataallugit.

Atorfimmut tunngasunik paasisaqarnerorusukkuit una attavigineqarsinnaavoq:Suliassat akisussaaffigisassarlu atorfik pillugit annerusumik paasisaqarusukkaanni Teamleder for Eldistribution Reginald Peter Jensen attavigineqarsinnaavoq emailikkut: REGJ@nukissiorfiit.glimaluunniit oqarasuaammut: (+299) 342274.

Paasissutissat allat: Allanut nalinginnaanerusunut tunngatillugu apeqqutissaqaruit sulisoqarnermut immikkoortortaqarfik saaffigisinnaavat uunga: hr@nukissiorfiit.gl

Nukissiorfiit pillugu

Nukissiorfiit Kalaallit Nunaat tamaat innaallagissamik, imermik kiassarnermillu pilersugaraa. Peqatigiilluta niuerfigisatsinnut iluaqutaasunik iluarsiissutinik aningaasartuutitigut nammatsillutillu piujuartitsisunik pilersitaqarnissaq tamatigut sulissutigaarput. 2020-mi innaallagissamik, imermik kiassarnermillu nioqqutigisatta 70 %-ia tassaavoq nukissamit atajuartumit pisoq. 2030-p tungaanut nukissamik atajuartumik 100 %-imik pisumik ingerlatsinissaq sulissutigaarput. Nukissiorfiit iluani sulisunut 400-nut tamanut toqqammavissanik pitsaanerpaanik pilersitsiniarneq iluatsitsiffigaarput. Uagut pilluta uani annermik atuagassaqarpoq: www.nukissiorfiit.gl

Qinnuteqarnissamut killissarititaasoq: juunip 29.-at, 2025

Atorfik una qinnuteqarfigiuk