Nuummi GUX sapinngisamik piaartumik atorfinittussamik rektorissarsiorpoq

Nuummi ilinniarnertuunngorniarfimmi rektorip tunuarnerata kingorna nutaamik rektorissarsiorpoq.Ilinniartunik sulisunillu inerisaanissaminut kajumilersitsinissaminullu pimoorussisoq peqataatitsisinnaasumillu pisortamik pissarsiorpugut, aamma qajannaattuullunilu unamminartoqaleraangat iliuuseqarnissamik peqqissaarnissamik tamanillu takunninnissamik piumasaqaateqartoqartillugu eqqarsarluarsinnaasumik pissarsiorluta.

Ilinniarnertuunngorniarfimmik nukittuumik ingerlalluartumillu suliaqarluni nangitserusuttoq, aamma inerisaalluni suliniutinik siuttuulluni pilersitserusuttoq Kalaallit Nunaanni inuusuttut ilinniarnertuunngortarnissaannik pitsanngorsaarusuttumik aqutsisumik pissarsiorpugut. Taamaattumik aqutsisussarput allaffissornermut pikkorissuussaaq, aamma ingerlatsinerup akisussaaffittaanik tigusisinnaassaaq, taamaalilluni allaffissorneq perorsaanerlu periuseqarfigalugit sulisinnaassalluni.

Ilinniartitsisoqatigiit qaffasissumik ilinniagallit tamatigoortut tunniusimalluartullu suleqatigalugit siunissamut qaninnermut ungasinnermullu anguniakkanik ineriartortitserusuttoq aqutsisorerusullugu taamaattumik pissarsiorpugut. Sulianik perorsaanermillu ineriartortitsineq aamma unamminartut ataatsimoorullugit iliuuseqarfigisarneri pingaartinneqassapput aamma ilinniarfiup siunissami piuneranut ilaassallutik, minnerunngitsumik ilinniarfik nuna tamakkerlugu ilinniarnertuunngorniarfiit nukittorsarneqarnissaannut peqataalluni, allannguutit, unamminartut periarfissanillu inerisaalluni suleriaatsimut ulluinnarnilu pisartunut ilaammata.

Pingaarnertut akisussaaffittut suliassatit makkuussapput:

• Nuummi ilinniarnertuunngorniarfimmi aqutsisoq saqqumisoq peqataatitsisorlu:

• ilinniartunik, ilinniartitsisunik sulisunillu allanik sullissisinnaasoq

• inuiaqatigiit sinnerinik sullissisinnaasoq

• Suliffimmi avatangiisit pitsaasut inerisarneri, atugarissaarnermik qulakkeerinninneq aamma ilinniartut ilinniartuuginnarnissaannik sulisullu suliffimmiiginnarnissaannik qulakkeerinninneq

• Atuartitsinerup ilinniartullu ilikkartarnerisa ingerlaavartumik inerisarneqarnerinut pitsaasumik sinaakkutinik pilersitsivigineri.

• Ilinniarfiup ilinniartullu ineqarfiisa aqunneqarnerat ingerlanneqarnerilu qulakkeerneqarneri, matumani missingersuutinik aqutsineq aningaasaqarnermillu aqutsineq ilanngullugit.

• Suliniutit nutaat inatsisillu atuutilersinneqarnissaannik qulakkeerinninneq aamma peqataaneq.

• Rektorit allat aamma Ilinniartitaanermut Naalakkersuisoqarfik suleqatigalugit sulineq.

Aammattaaq naalakkersuinermik suliaqarneq pillugu ilisimasaqassaatit - suliffeqarfimmi naalakkersuinermik suliallit aqutaanni aqutsisussaavutit, illit suliaqarfiit ukiuni aggersuni maluginiarneqaleriartortussaassaaq, aamma taamaattumik Naalakkersuisut illit suliffiit pillugu apeqqutaannik akissuteqarnissannut piareersimasartussaassaatit.

Taamaattumik rektoritut piukkunnassusilik makkunannga piginnaasalimmik pissarsiorpugut:

1. Aqutsinermik sulisunillu aqutsinermik misilittagalik, ajornanngippat aqutsisutut ilinniagalik (tamannali piumasaqaataanngilaq) aamma aaqqissuusaasumik aqutseriaaseqartussatut imminut isigisoq – ilinniarnertuunngorniarfeqarneq pillugu paasisimasalik misilittagaqarnerlu iluaqutaassapput

2. Allaffissornermik aningaasaqarnikkullu aqutsinermik piginnaasaqarluartoq - rektori aningaasaqarnermik missingersuusiornermillu pikkoriffeqartuussapput

3. Ulluinnarni allanngorartuni paasiuminaassinnaasunilu imminut aqulluni tamanik takunnissinnaalluni iliuuseqarsinnaassusilik, aamma ilinniarnertuunngorniarfiup ineriartornerani erseqqissunik sinaakkusiisinnaassusilik

4. Periusissiullaqqissoq aamma anguniakkanik angusanillu oqaasinnguillaqqissoq

5. Saqqumisuulluni, qajannaalluni aamma aqutsisutut erseqqissumik aqutsisuulluni namminersortunik immikkullu ilinniakkanik ilinniarsimasunik atuartitsisullit aamma sulisut siunnerfiinik soqutiginninnerinik malinninnissaannillu pilersitsisinnaasoq.

6. Anguniakkat angorusutat, piviusorsiortut pitsaasullu siammasittunngortinnissaannut pilersinnissaannullu suliniuteqarsinnaasoq, anguniakkanik malitseqartitsisinnaasoq aamma siuarsaanermik qulakkeerinnissinnaasoq

7. Suleqatigiinnermik ilisimasalik aamma suliffiup iluani avataanullu attaveqallaqqissuunissamik pilersitsisinnaasoq.

8. Attaveqallaqqissoq aamma, suliffeqarfimmi aalajangiinernut sunniuteqarsinnaasunik periusissiorsinnaasoq.

9. Ajornanngippat kalaallisut, danskisut tuluttullu oqalussinnaasoq paasinnissinnaasorlu

10. Angusarineqarsinnaasunik pitsaanerpaanik pilersitserusuttoq aamma pilersinneqarnissaanik suliniuteqarusuttoq kiisalu inuusuttunut amerlanerpaanik periarfisseerusuttoq.

11. Universitetimi ilinniakkamik ilinniagaqarsimasoq aamma ilinniarnertuunngorniarfimmi ilinniakkat qaffaseqataannik fagimi ataatsimi ikinnerpaamik atuartitsinissaminut piginnaasalik.

Akisussaaffik angisooq kivinniartussaassavat, paarlattuanilli suliffittaassaatit ullut marluk imminnut assingusumik piffiuneq ajortumi, aamma ilinniartitaanermik suliaqarfimmi malunnaateqarujussuarnissat angusinnaavat. Illit ulluinnaat assigiinngiiaartorpassuarnik imaqartassaaq, taakkualu illit iliuuseqarfigisartussaassavatit. Naalakkersuisoqarfimmit aamma naalakkersuinermik suliallit ataatsimiititalianniit arlalinnik piumasaqaateqassaaq, sulianut tunngasunik aappaattullu sulisunut tunngasunik apeqquteqartoqartassalluni.

Akissarsiat atorfeqartitaanermilu atugassarititaasut:

Atorfik akissaateqarfimmi LR 37-mi maanna inissisimavoq. 1. april 2026 LR 37-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut Kr. 64.249 ukiumullu Kr. 770.988.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat amerlanerit

Atorfik pillugu paasisaqarnerorusukkuit, Ilinniartitaanermut Naalakkersuisoqarfimmi immikkoortortaqarfimmi pisortaq Trine Egede +299 55 91 47 -mut sianerfigalugu imaluunniit mailikkut uunga treg@nanoq.gl aqqutigalugu paasiniaasinnaavutit.

Qinnuteqaat aamma atorfinitsiteriaaseq:

Qinnuteqarfissap killinga: 29. maj 2026

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.