Nuummi Kalaallit Nunaanni Peqqinnissaqarfimmut medicoteknikerimik inuttassarsiuineq

Nakorsaanermi teknikkikkut atortorissaarutit – medico – tassaapput qullersanut siunnersuisoqarfimmi Illuutit Sanaartornerullu ataanni namminersortutut immikkoortoqarfik, Kalaallit Nunaanni Peqqinnissaqarfimmi tamarmiusumi nakorsaanermi teknikkikkut atortorissaarutinik pisiortornermut, ikkussuinermut, kiffartuussinermut aserfallatsaaliuinermullu akisussaaffilik.

Nuummi Dronning Ingridip Napparsimmavissuani pingaarnertut suliffeqartuni suleqatigiiutitsinnut medicoteknikerimik inuttassarsiuivugut, tassanilu illit tassaalissaatit suleqatigiit arfinilinnik inuttallit ilaat.

Makku neqeroorutigaagut:

• Kalaallit Nunaannut tamarmut sulinermut atasutut angalasarnerit, taamaattorli pingaarnertut sivikitsuusartut

• Suliassat pissanganarlutillu assigiinngisitaartut, sulianut tunngasutut ingerlattakkanut inuttullu inerikkiartortitsillutillu unammillerfiusussat

• Nunap ilusaatigut sumiiffinnut assigiinngitsunut ilisimasaqalernissamut periarfissaq, aamma Kalaallit Nunaanni Peqqinnissaqarfimmi sulisut sinnerinut attaveqarfinnik pilersitsinissamut periarfissat

• Pinngitsuugassaanngitsutut attaveqaasersuutinut toqqaannartumik sunniuteqarneq, tamaani peqqinnissamut sulianut tunngasutut ingerlatsisuusut medicomit isumagineqartunik atortuutinik assorsuaq pisariaqartitsisuullutik.

Ima ittutit ujarpatsigit:

• Teknikkip tungaatigut tunuliaqutilik, tamaani nakorsaanermi teknikkikkut atortorissaarutinik misilittagaqarneq iluaqutaassalluni, taamaattorli piumasaqaataanani. Tassaasinnaavutit, tamatuminngali killiliisuunngitsutut, innaallagisserisoq, finmekanikeri, teknikeri, imaluunniit soorunami medicoteknikeri

• Angalasarnissamut sapiissusilik, tassalu nunap immikkoortuani napparsimmaviit peqqissaasarfiillu amerlasuut arlaanni pisariaqartitsisoqaraangat

• Suleqatiginnillaqqissoq aamma attaveqaqatiginnittarnikkut piginnaasalik

• Kalaallit oqaasiinik atugaqarsinnaassuseq iluaqutaavoq, piumasaqaataanngilarli.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: Ull. 7. september 2026 imaluunniit isumaqatigiissutigisaq malillugu

Qinnuteqarfissaq kingulleq: Ull. 1. september 2026

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: Immikkoortoqarfiup pisortaani Eliana Alrudaynimi pissarsiarineqarsinnaapput, ukunatigut: oq. (+299) 240399 imaluunniit e-mail: ELAL@PEQQIK.GL

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.