Nuummi kulturikkut aallarnisaasunullu illumik ulluinnarni aqutsisumik pissarsiorpoq

Nuummi kulturikkut aallarnisaasunullu illumik ulluinnarni aqutsisumik Inuussutissarsiornermut, Aaqqissuussinermut Pisiniartarnermullu immikkoortortaq pissarsiorpoq

Aallarnisaaneq nutaaliortarnerlu ilinnoortuua aamma kulturip inuussutissarsiornerullu akornanni suliassanik ingerlataqarneq nuannaraajuk? Taava una takulaaruk. Kommuneqarfik Sermersooq kulturikkut aallarnisaasunullu illumi nutaami pikkorissumik tunniusimasumillu aqutsisumik aallarnisaasussamillu pissarsiorpoq.

Atorfik Sermersuumi Inuussutissarsiornermut Immikkoortortamiissaaq, tassa Inuussutissarsiornermut Sullissivimmi aamma aallarnisaasunut immikkoortortami. Kommuneqarfik Sermersuumi inuussutissarsiuteqartunut namminersortunik amerlanernik suliffissaqartitsiniarnerup annertusarneratigut pilersitsinissamullu tapersersuineq aqqutigalugu atugassarititaasut pitsaanerulersinnissaat sulissutigaarput. Maannakkut Sermersuumi Inuussutissarsiornermut Immikkoortortami sulisut qulingiluaapput, taakkunannga arfineq-marluk Nuummi inissisimapput. Pingaarnertut siunnersortitut imaluunniit suliniutinik aqutsisutut suliaqartarpugut, tamatigulli suleqatigiit ataatsimoortut ilagaatigut.

Suliniut Sammisassaqartitsinermut Kultureqarnermullu Immikkoortortaq, Meeqqanut Atuarfeqarnermullu Ingerlatsivimmiittoq, suleqatigalugu ingerlanneqarpoq. Immikkoortortap imarai 

Atorfik ulloq tamaat suliffiuvoq pilersinneqaqqammerlunilu, tassani fagchef Kristine Lange Lyberth, Inuussutissarsiornermut, Aaqqissuussinermut Pisiniartarnermilu Immikkoortortami pisortarineqassaaq.

Ulluinnarni sulinermi suliatigullu tunngatillugu aqutsisorineqassaaq suliniutinut aqutsisoq Susanne Bisgaard Rasmussen.

Atorfik aaqqissuussaanikkut Sermersuumi Inuussutissarsiornermut Immikkoortortami inissisimasuuvoq, qanimulli Sammisassaqartitsinermut Kultureqarnermullu Immikkoortortaq suleqatigineqartassaaq, tassanngaanniillu pinngorartitsinerup ingertortinneqarneranut tunngatillugu illumut suliatigut suleqataasoqartassaaq.

Pilersitsiniarnerup nalaani atorfik allaffissornikkut Sermersuumi Inuussutissarsiornermut Immikkoortortamiissaaq. Illu tamakkiisumik ingerlanneqalerpat aaqqissuussaanikkut suliatigullu inissisimanera nalilersoqqinneqassaaq.

Atorfiup imarisaa:

Kommuneqarfik Sermersumi ineriartortitsiuarnissaq ingerlatarigatsigu ilungersuussilluartartumik, ulluinnarni sulinermik allanngorartumik iluarinnittumik assigiinngitsorpassuarnillu suliaqartarnermik kajumissuseqalersartumik pissarsiorpugut. Pissarsiorpugut inummik kiffartuussilluarnissamik pingaartitsisumik, suliassarpassuarnik assigiinngitsunik, inunnik allanillu eqqaamasassanik unammilligaqarnissaminik orniginnittumik pissarsiorpugut.

Ulluinnarni aqutsisutut kulturikkut aallarnisaasunullu illumik aallarnisaaqataassaatit, ingerlatseqataallutillu ineriartortitseqataassaatit aamma illup pilersinniarneranut siuttuusinnaassaatit. Pilersitsiniarneq immikkoortukkuutaaraluni ingerlanneqassaaq, tassungalu tunngatillugu suliassanik ingerlatsinerniillu pilersaarusiornermut periusissiornermullu tunngasunik suanniuteqangaatsiartussaavutit. Naatsorsuutigaarput uagut atuilersussallu peqatigalugit sutigut tamatigut suliaqaqataassasutit, qanorluunniit pilersitseqataanermut, ineriartortitsinermut ingerlatsinermulluunniit tunngagaluarpata. Taamatuttaaq suleqatigiit uummaarissut ilagilertussaavatit, taakkulu suliaat inuussutissarsiornermut kulturimullu tunngasut assigiinngisitaartuupput.

Illu ammasuullunilu uummaarissuussaaq, pinngorartitsisartut naapittarfigisinnaassavaat, isumassarsianik misileraaffiussaaq aamma eqqumiitsuliortut inuussutissarsiuteqartullu assigiinngitsut akornanni nutaanik suleqatigiinnernik pilersitsiviussaaq. Atugassarititaasunik ilusilersuinermi, sammisassaqartitsiniutinik pilersitsinermi aamma ataatsimoorfiusunik, eqqumiitsuliortut aallarnisaasullu angerlarsimasutut misigiffigisaannik, pilersitsinermi qitiusumik atuuffeqassaatit.

Pilersitsiniarnerup nalaani suliatigut ilaatigut tassaassapput:

·Allanngortiterinermi sanaartornermi siunnersortitut inuussutissarsiuteqartut peqatigalugit suliamik ataqatigiissaarineq

·Immikkoortortaq peqatigalugu ataqatigiissaarilluni suleqatigiinnik ataatsimeeqateqartarneq

·Illumik illumilu sammisassanik pilerisaarineq

·Atuisut pingaartitaat pisariaqartitaallu pillugit ilisimasanik katersuineq, taakkuninngalu pilersaarummut saqqummiussamut ataqatigiissitsineq

·Ataatsimut isigalugulu sukannersumik suliniummik aqutsineq

Ingerlatsinerup ineriartortitsinerullu nalaani ilaatigut suliassarissavatit:

·Ulluinnarni allaffissornikkut aqutsineq ingerlatsinerlu – atuisut qitiutillugit naatsorsuutigaarput illu pinngorarfiusutut uummaarissumillu ulappuffiusutut ingerlanneqassaaq, ingerlatsineq ineriartortitsinerlu atuisut suleqatigilluinnarlugit suliarineqartassallutik

·Siuariartorneq qulakkeerneqassaaq, taamalu illu ineriartortikkiartuaarneqarlunilu piffissap ingerlanerani amerlanerusunik sammisassaqarfiusussaallunilu atortorissaaruteqalerumaarluni

·Illumi aaqqissuussanik sammisassanillu pilersaarusiorneq naammassinninnerlu

·Atuisut isersinnaanissaannut illumilu atortunik atuisinnaanerannik ineriartortitsineq, allaffissornikkut suliaqarneq ataqatigiissaarinerlu

·Uummaarissumik pinngorartitsiffiusumillu, atuisut ineriartorfigisinnaasaannik peqataaffigisinnaasaannillu, pilersitsinissamut peqataaneq akisussaasuunerlu

Qinnuteqartunut naatsorsuutigisat:

∙Ilinniarnermut tunngatillugu tunuliaqutigisinnaassaatit nutaaliorneq, aallarnisaaneq kulturimullu attuumassuteqartut

∙Suliniummik aqutsisutut ingerlatsinermillu misilittagaqarnissat naatsorsuutigaarput

∙Illumi atuisunik suleqatigisartakkanillu ulluinnarni oqaloqateqarnissamut siunersiueqateqartarnermillu suliatigut piginnaasaqartuunerit naatsorsuutigaarput

·Inuit ulapaartut pisullu soqutiginarluinnartut akornanni allaffissornikkut ulluinnarni aqutsinermut tunngatillugu sukannersumik tamakkiisumik isiginnissinnaanerit naatsorsuutigaarput

Pingaartipparputtaaq:

∙Tunniusimasuusutit, alapernaatsuusutit aamma tusarnaallaqqissuusutit

∙Tamakkiisumik takunnissinnaalluni ataatsikkut arlalinnik suliaqarsinnaasoq

∙Allattariarsornikkut oqaluttariarsornikkullu ersarissumik paatsuugassaanngitsumillu attaveqarsinnaasoq

∙Nammineerluni sulisinnaasoq, akisussaassuseqartoq sullissiumatoorlu

∙Suliassanut assigiinngisitaartunut allanngorartunullu eqaatsumik allanngueriataarsinnaassuseqartutit

·Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu

·Sulianik ingerlatsinermut ineriartortitseqataallutit pitsanngorsaaqataallutillu peqataalluartarnissat

∙Siammasissumik suleqateqarluarsinnaasoq

∙Kalaallisut qallunaatullu marluinnik oqaaseqarneq iluaqutaassaaq kisiannili piumasaqataanngilaq

Neqeroorutigivagut:

Atorfik pilersinneqaqqammermat naatsorsuutit annertuut nalaattartussaavatit, annertuumilli tatigineqarlutit. Atorfik unammilligassartaqarpoq, annertuumik nammineq aqutsisinnaanermut piumasaqaaterpassualik, akerlianillu ulluinnaat aaqqissuunnissaannut sunneeqataasinnaassaatit aamma pisariaqartitannut tamakkiisumik siunersiueqateqartarnissannut tapersersoqatigiillunilu pilersitseqateqartarnissat naatsorsuutigisinnaavat. Atorfik kulturikkut aallarnisaasunullu illu ilutigalugu ineriartortinneqassammat suliffimmut iseriartuaarnissat aporfeerarpassuaqartarnissaa naatsorsuutigineqassaaq. Taamatut suliaqarnermi tapersersorneqarnissat aamma aqutsisunik qanimut siunersiueqateqarluni aamma suliniuteqarnissaq nutaaliornissarlu inissaqartittuarlugu tapersersorneqarnissat pingaartitaraarput.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkut siunnersorti Susanne Bisgaard Rasmussen, oqarasuaat +299 36 69 49 imaluunniit e-mail: subi@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1320-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: januaarip 7.-at, 2026

Atorfik una qinnuteqarfigiuk