FAKTA
Atorfiup suussusaa: Nuummi neriniartarfik Tunitimut igasussarsiorpoq
Suliffeqarfik: Restaurant Tunit
Qinnuteqarfissamut killigititaq: Juulip aappaat
Attavissaq: Allan Bo Jensen
Oqarasuaat: +45 4015 3400
E-mail: info@allanbojensen.gl
Igaannarnak allamik iliuuseqarusuppit?
Nuummi neriniartarfik Tunit piumassuseqarluartumik ataqqineqarusuttumillu, suliamigut ineriartorusuttumik, akisussaaffeqarusuttumik siunissamilu Kalaallit Nunaanni nerisassanik misilittakkanik ilusilersueqataarusuttumik igasussarsiorpoq.
Maani igaffimmiiginnassanngilatit — aammali nammineq sunniuteqarsinnaassaatit.
Neriniartarfik Tunit Hotel Nordbomut ilaavoq, tassanilu kalaallit bistromi nerisassiaat nutaaliaasumik suliarineqartarput. Najukkami nerisassiassat, ukiup qanoq ilinera naapertorlugu neriassiarineqarsinnaasut malillugit pitsaassutsimik, assassornermik pilersitsinermik iggavimmilu pikkorissunik tunngavilimmik nerisassiortoqartarpoq.
Kikkuuvugut?
Neriniartarfik Tunit Nuummi illoqarfiup qeqqaniippoq, nunatsinnilu nerisassiassat pitsaanerpaat nunani avannarlerni periutsit nunarsuarmiillu isumassarsiat atorlugit nerisassiortartutut ilisimaneqarpoq.
Neriartortut ilaat tassaapput nunaqavissut, niuertut takornariallu nunarsuarmit tamarmeersut. Isumassarsianik nutaanik ineriartortitseqataajuarlutalu aaqqissuussinernik nerisassanillu misileraanernik nutaanik pilersitsisarpugut, taamaalillutalu ulluinnagut assigiinngitsorpassuarnik pissanganartunillu imaqartarput.
Suna neqeroorutigaarput?
Makkuninnga periarfissaqartillutit atorfissamik neqeroorfigissavatsigit:
● Najukkami immamit, qaqqanit sinerissamiillu nerisassiassat atorlugit nutaaliorneq
● Nerisassanik nutaanik ineriartortitseqataasinnaaneq
● Immikkoortortaqarfimmi nerisassanik aaqqissuussinernut pilersaarusiornermut peqataaneq
● Bistromik, katerisimaarfinnik nerisassanillu immikkut ittumik misileraasitsinermi misilittagaqaleneq
● Akisussaaffeqarneq igaffimmilu angusaqarluarniarluni suliniuteqarneq
● Isumassarsiatit tusarneqarlutillu igasuunermik aqutsisunillu qanimut suleqateqarneq
Maani isumassarsiat piviusunngortinnissaannut aqqut naatsunnguuvoq. Nerisassanik nutaanik ineriartortitserusukkuit nutaamilluunniit misileerusukkuit suleqataanissamut periarfissaqarputit.
Kinaavit?
Ilimagissavarput:
● Igasutut ilinniarsimasow neriniartarfinniluunniit sulisutut misilittagaqarluarneq
Nerisassanik nerisassiassanillu pitsaasunik aallussisoq
● Nammineq sulisartoq akisussaaffillu tigusisartoq
● Mamanut nerisassianullu nutaanut alapernaattoq
● Suleqatigiinneq naleqqussarsinnaanerlu pingaaruteqarmata sulisut ikittunnguit akornanni ingerlalluarsinnaasoq
Ukiut suliffigisimasatit pingaarnerutinngilagut - ineriartorusussuseqarnerli suleqataarusussuseqarnerlu pingaartippagut.
Suliffik immikkut ittunik periarfissalik
Nuummi sulineq immikkorluinnaq ittuuvoq.
Pinngortitaq qanittumiippoq, najukkami inuiaqatigiit nukittuut ulluinnarnilu qaqqat, imaq issittumilu misigisat inuunermut pissusissamisoortumik ilaasut. Taamtuttaaq Nuuk illoqarfiuvoq nutaaliaasoq kiisalu kulturikkut inuussutissarsiornikkullu ineriartupiloortoq.
Nuummi najugaqanngikkuit soorunami angalanerit aallartilluarniassagakku Nuummi inissinnissamut ikiorsinnaavatsigit.
Soqutiginnissinnaavit?
Taava tusarfigerusuppatsigit.
Saaffissaq:
Allan Bo Jensen
Piginnittoq pisortarlu
Oqarasuaat: +45 4015 3400
E-mail: info@allanbojensen.gl
Qinnuteqarnissamut killigititaq: Juulip aappaat 2026
