Nuummi Niuernermik Ilinniarfimmi pisortaq

Nuummi Niuernermik Ilinniarfimmi pisortaq

Kalaallit Nunaanni inuussutissarsiornermut ilinniarfiup iluatsilluarnissaanut peqataarusuppit? Akisussaaffippassuaqarneq, aaqqissuussaasumik suleriuseqarneq, aaqqiissutissarsiorneq ineriartortitsinerlu nuannaraagit? Niuernermik Ilinniarfik pikkorissunik tunniusimasunik nutaaliortunillu inuussutissarsiornermut ilinniakkanut toqqammaviliinissamut sulialinnik sulisoqarpoq, taannalu pisortamik siumut takorluuisinnaasumik, pilersaarusiorluarsinnaasumik allaffissornikkut aaqqissuussaanikkut inuttullu piginnaasaqarluartumik amigaateqarpoq.

Niuernermik ilinniarfimmi pisortatut- ulluinnarni NI-mik taaneqartartumi - ilinniarfimmi aqutsisut allat sulisullu suleqatigalugit, suliassaqarfimmi suliatigut ineriartorneq Naalakkersuisut politikkikkut akuerisaanut ikorfartuisup ingerlannissaa, suliassaqarfinnilu inuiaqatigiinni aaqqissuussinermi unammillerfiunerpaami ilinniarfinnik pilersitsiortornermut aallussinerit akisussaaffigalugit tigussavatit.

Sulisunut tunniusimasunut angusaqarusuttunullu akisussaaffik tigussavattaaq, taakkulu ilinniartuutitsinnut uummateqarluartuupput ilinniartullu tamaaviisa nammineq inuttut, inoqatit akornanni inooqataanermikkut suliatigullu ingerlalluarnissaat sulissutigisarlugit.

Sulisut tamarmik ineriartornissaminnut, ilinniartitsinissaminnut kisiannili aamma ilinniarnissaminnut annertuumik piumassuseqarput, taamaammat illit ilinniarfiup kikkunnut tamanut toqqissisimanartuunissaa isumagissavat, tassani suliamut piginnaasaqarneq, peqqissaarussineq, qiimmassarneq ataqqinninnerlu pingaarnerpaajussallutik.

Taamaammat ukuninnga piginnaanilimmik pisortassarsiorpugut:

• Aqutsinermik sulisoqarnermullu aqutsinermik misilittagalik, ajornanngippat aqutsinermik ilinniagalik (tamannali piumasaqaataanngilaq) aamma aaqqissuussamik aqutseriaaseqarsinnaasumik imminut isigisinnaasoq.

• Inuussutissarsiornermut ilinniarfeqarfimmiit ilisimasalik siammasissumillu misilittagalik

• Aqutsinikkut aningaasaqarnikkullu piginnaasaqarluartoq - aningaasaqarnermi aningaasanillu aqutsinermik, missingersuusiornermillu aaqqissuillaqqissoq.

• Ilinniartitsisunut namminersullaqqissunut suliassatigullu immikkut ilisimasalinnut ammasumik, takussaasumik, qajannaatsumik erseqqissumillu aqutsisinnaasoq, sulisunut sammiviliisinnaasoq, soqutiginnilersitsisinnaasoq malitseqartitsilluarnermillu pilersitsisinnaasoq.

• Kalaallit Nunaanni pissutsinut ilisimasalik, minnerpaamik tamaani (Kalaallit Nunaanni) ukiuni tallimani najugaqarsimasoq marluinnillu oqaaseqartuusoq.

• Tamanik peqataatitsisinnaasoq aamma anguniakkanik, piviusorsiorpalaartunik pitsaassusilinnillu anguniagaqartitsisinnaasoq, kiisalu taakkuninnga malitseqartitsisinnaasoq siuariarnissamillu ineriartortitsinissamillu qulakkeerinnissinnaasoq.

• Suleqatiginnikkusuttoq suliffeqarfiullu iluani avataanilu patajaatsumik attaveqaatinik pilersitsisinnaasoq siuttuullunilu suliffimmi avatangiisimik pitsaasumik pilersitserusuttoq.

• Suliaqarfimmi aalajangikkat inissilluarnissaanut iluaqutaasussamik attaveqarluarsinnaasoq periusissiullaqqissorlu.

• Aaqqissuussaasumik sulisinnaasoq, tunniusimalluartoq tamakkiisumillu isiginnissinnaasoq aamma aaqqiissutissarsiortuutigaluni ineriartornissamullu piareersimaatigaluni akisussaaffippassuaqarsinnaasoq.

Peqatigisaanik naalakkersuinermik suliaqartarneq pillugu paasisimasaqarluarsimassaatit - naalakkersuinermik suliaqartunit suliffeqarfik aqunneqartoq illit aquttuuffigilertussaavat, illit suliassaqarfiit ukiuni tulliuttuni aggersuni malugineqaleraluttuinnassaaq taamaattumik Naalakkersuisut tassunga tunngasunik apeqqutaannut siunnersuinissannut piareersimasassaatit.

Taamaammat sapiitsuussaatit aamma makkuninnga sunneeqataassallutit

• Ilinniarfiit avatangiisit isumassarsiorfiusut inuusuttunut kalaallinut kajungerilersitsisussat itisiliineq, nutaaliorneq suleqatigiinnerlu ukkataralugit ineriartortillugit pilersittassavatit

• Kalaallit Nunaanni inuussutissarsiutigalugu ilinniarfinni suliassatigut patajaatsumik avatangiisinik pilersitsinissaq, taamaalilluni sulisinnaasut ilinniarsimasut pitsaasumik qaffasissusilimmik sulisinnaaneri pilersinneqartassapput

• Pikkorissarnissanik ilinniakkanillu neqeroornerit aqqutigalugit ataqatigiinnermik siuariartornissamillu qulakkeerinninnerit

• Suleqatigiinneq, ammasuuneq nunatsinnit aamma nunanit allanit soqutiginnittunik peqataatitsinermik qulakkeerinninneq

Akisussaaffik kivitassat angivoq, paarlattuanilli suliffeqassaatit ullut marluk assigiinngisaannartumi, ilinniartitaanermillu suliaqarfimmi assut illit malunnaateqassaatit. Ulluinnatit akisussaaffinnik assigiinngitsorpassuarnik tigusassannik imaqarumaarput. Naalakkersuisoqarfimmit naalakkersuinermillu suliallit ataatsmiititaliaannit arlalinnik piumasaqartoqartarumaarpoq, suliassaqarfimmut aamma sulisoqarnermut tunngasunik apeqquteqartoqartassalluni. 

Akissarsiat atorfeqartitaanermilu atugassarititaasut:

Atorfik akissaateqarfimmi LR 38-mi maanna inissisimavoq. 1. april 2025 LR 38-mi akissarsiat imak isumaqagitiissutigineqarnikuupput qaamammut Kr. 65.403 ukiumullu Kr. 784.836

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat allat

Atorfik pillugu paasisaqarnerorusukkuit imaluunniit Namminersorlutik Oqartussani sulineq qanoq innersoq pillugu apeqqutissaqaruit ilinniagaqarnermut/ ilinniartitaanermut immikkoortortaqarfimmut Naalakkersuisoqarfimmi immikkoortortaqarfimmi pisortaq Trine Egede +299 559147 imaluunniit treg@nanoq.gl-imut attaviginissaanut tikilluaqqusaavutit.

Qinnuteqartorli Namminersorlutik Oqartussani atorfeqarnerminut atatillugu sulisutut ineqareersimaguni, sulisunut inissiamik innersuussiffigineqarsinnaanini attatiinnassavaa. Sulisutut inigisaq atorfeqarnermut tunngasuuvoq, atorfeqarunnaarnermilu qimanneqartussaassalluni.

 Qinnuteqaat, imminut ilisaritinneq, CV, ilinniarsimanermut aamma pikkorissarsimanermut uppernarsaatit aamma pappiaqqat attuumassutillit "Qinnuteqaat nassiuguk" toorlugu nassiutikkit. e-mail-ikkut qinnuteqaatinik tigusineq ajorpugut. Oqaloqateqarnerit ingerlaavartumik ingerlanneqassapput.

Qinnuteqarnissamut killissarititaasoq: 2. juli 2025

Isumaqatigiissuteqarluni atorfinitsitsineq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Niuernermik Ilinniarfik, NI pillugu

Nuummi Niuernermik Ilinniarfik ukiuni 40-ni sinnilinni siunissami inuussutissarsiortussanut toqqammaviliivoq. 

NI inuussutissarsiornermut tunngasut iluani allaffissorneq allaffissornikkullu aqutsineq immikkut ukkataralugit, inuussutissarsiutigalugu ilinniarfiusinnaasunik suliffinnillu misiliineq aallaavigalugu assigiinngitsunik ilinniakkanik neqerooruteqarpoq, ukiunilu makkunani annertuunik allannguineq aqqusaarpaa, tamanna innuttaasut pitsaanerusumik najukkamilu ilinniagaqarsinnaanissamik periarfissaqarnermik kissaateqarnerannik tunngaveqarpoq.

Qinnuteqaat nassiuguk