Aaqqissuussiffimmik allanngoriartortitsineq pisortanillu ikiorsiisarneq
Fakta
Atorfiup suussusaa: ac-fuldmægtig imaluunniit specialkonsulent landstandplejemut, nuuk
Suliffeqarfik: det grønlandske sundhedsvæsen
Qinnuteqarfissamut killigititaq: 6. marts
Attavissaq: arinnguaq filskov oqarasuaatikkut (+299) 34 43 94 imaluunniit e-mailikkut: aols@peqqik.gl
Kalaallit Nunaanni siunissami kigutilerinerup ineriartortinnissaanut peqataaqataarusuppit? – Ilinniarneqqortuumik, nuna tamakkerlugu aqutsisoqarfitsinnik nukittorsaasinnaasumik, aammalu Nunatsinni Kigutileriveqarfimmi periusissianut allaffissornikkullu attaveqaatitut atuuffeqarsinnaasumik inuttassarsiorpugut. Tassaalissaatit suleqatigiinni nutaani ilaalersoq, tassanilu nammineq inissisimaffigisannut, aamma suliassaqarfiup nangillugu ineriartortitaaneranut assut sunniuteqarfeqassaatit.
Makku neqeroorutigaagut:
- Ilinniarneqqoortuutut atorfik, tassani suliassanik sulianillu ingerlattakkanik ilusilersueqataasinnaallutit.
- Pisortaasunik qanimut isumasioqateqartarnerit, aamma inerikkiartornissamut periarfissatsialaat.
- Aqutsisoqarfimmi qitiusumik atuuffik, periusissialikkatut allanngoriartortitsinermit suliaqarfigisatut ingerlatsinermut suliassartalik.
- Nammineq suliassarisannut assut sunniisinnaaffik, aamma allaffissornermi allanngoriartorfimmi pinngitsuugassaanngitsutut inuttaaffik.
- HR-imik ataqatigiissaarineq, aamma pisortanik ikiorsiisarneq, ilanngullugit sulisunut suliassanik piareersaanerit, aamma qitiusutut HR-mi aningaasarsialerinermillu atuuffinnik suleqateqarnerit.
- Nunatsinni Kigutileriveqarfimmik misissueqqissaarinermut, ajornanngippallu allanngortiterinerup aaqqissuussarineranut periarfissat, ilanngullugit aalajangiinissami isummernissamut tunngavissianik suliaqarnerit, politikkikkut takorluukkanik piviusutut aaqqissuussaanermi toqqammavissaliuisut.
Ima ittutit ujarpatsigit:
- Attuumassutilittut ilinniarneqqortuutut ilinniagalik. Illit misilittakkannit illillu pikkoriffigisannit atorfiup inissisimaffissaa aalajangerneqassaaq.
- Politikkikkut aqutatut aaqqissuussiffimmit misilittagalik.
- Namminersortuusoq, aamma akisussaaffigisamik sunniuteqarnermillu iluarisalik.
- Aningaasaqarnerup, HR-ip aamma nakorsartitsinermik ingerlatsinerup akornanni naapiffiusuni sulerusussusilik.
Uagut pilluta:
Tassaavugut nuna tamakkerlugu immikkoortoqarfik, Nunatsinni Kigutileriveqarfiup allattoqarfianiinninni ilaaffigiligassat. Nunatsinni Kigutileriveqarfik Kalaallit Nunaanni Peqqinnissaqarfiup ataani inissisimaffeqarpoq, allattoqarfillu Nuummi Dronning Ingridip Napparsimmavissuaniippoq.
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.
Sulilerfissaq: Ull. 1. april 2026 imaluunniit isumaqatigiissutigisaq malillugu
Qinnuteqarfissaq kingulleq: Ull. 6. marts 2026
Qinnuteqartunik oqaloqateqarnerit ataavartumik ingerlanneqassapput
Attavissaq/at: Atorfik/iit pillugu/it paasissutissat: Kigutilerisut pisortaanni, Arinnguaq Filskovimi pissarsiarineqarsinnaapput, ukunatigut: oq. (+299) 34 43 94 imaluunniit e-mail: AOLS@PEQQIK.GL
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.
