Nuummi Sanaartornermut sulianut immikkoortortaqarfimmi ilinniartussarsiorpoq

Kommuneqarfik Sermersuumi kommunimi ineriartorfiusumi ulapeqaagut, taamaattumillu Sanaartornermut sulianut immikkoortortaqarfimmi (Nunaminertanut Oqartussaqarfik Sanaartornermullu Oqartussaqarfik) praktikkertussarsiorpugut.

Sanaartornermut sulianut immikkoortortaqarfimmi ilaatigut makku suliarisarpagut:

∙Kommunimut pilersaarutit, pilersaarusiornermut inatsit aamma sanaartornermut malittarisassat atuuttut naapertorlugit suliamik suliaqartarneq

∙Nunaminertanut sanaartoriaatsinullu tunngasunik nakkutilliineq

∙Inatsisit aamma qinnuteqaatinut suleriaatsit malillugit innuttaasunik ilitsersuineq

∙Suliassat takkussuuttut nalinginnaasut

Tunuliaqutit:

Naatsorsuutigaarput:

∙Illussanik titartaasartutut, ingeniøritut, sanaartornermi konstruktøritut assigisaannilluunniit ilinniakkamik ingerlataqartutit.

∙Innuttaasunik, siunnersortinik suleqatinillu ammasumik kiffartuussilluarlutillu oqaloqatiginnissinnaasutit

∙Suliassaqarfinnut isiginnittariaatsinullu allanut ataqqinnittuullutillu suleqatiginnikkumassuseqassasutit

∙AutoCad/Revit, Adobe pakken, GIS aamma Outlookimik atuinermik misilittagaqartutit

∙Aaqqissuussaasumik piffissaliussallu isumaqatigiissutaasut naammassisarlugit sulisassasutit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Sanarfinermut Avatangiisinullu Ingerlatsivimmi immikkoortortaqarfimmi sulisut allat kiisalu aqutsisut/pisortat qanimut suleqatigalugit suliat ingerlanneqartarput.

Neqeroorutigaavut

Suliffeqarfik uummaarissoq, suleqatit eqqissisimasut inissaqartitsilluartullu nutaanillu misileraanissamut periarfissaqarluartoq.

Sanaartornermut sulianut immikkoortortaqarfimmi innuttaasut takorluugaannik anguniagalimmik piviusunngortitsiniartarnermik suliaqartarpugut, tassa nunaminertamik atugassiissuteqarnermiik naammassillugu atulersitsinermut akuersissutinut tunngasut.

Atorfik ilinniakkannut naleqqussarsinnaakutsoorparput.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Anthon Brønlund Søgaard, oqarasuaat +299 55 07 38 imaluunniit e-mail: aads@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1008-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: oktobarip 14.-at, 2025

Atorfik una qinnuteqarfigiuk