Nuummi Sanaartornermut sulianut immikkoortortaqarfimmut ilinniartutut ikiorti

Kommuneqarfik Sermersuumi kommune ineriartortoq ulapputigaarput taamaattumik Sanaartornermut sulianut immikkoortortaqarfimmut (Nunaminertanut Oqartussaasunut Illuuteqarnermullu Oqartussaasunut) ilinniartutut ikiortimik pissarsiorpugut.

Atorfiup imaa:

Sapaatip-akunneranut 10-20 tiimit missaani sulisinnaasumik ilinniartumik ikiortissarsiorpugut, taamaakkaluartoq ilinniarnerit, misilitsinnerit assigisaalu pingaartinneqassapput. Immikkoortortaqarfiup susassaqarfiini assigiinngiiaartuni suleqataanissannut sapiissuseqassaatit, soorlu makkunani:

Tunuliaqutit:

Naatsorsuutigaarput ilinniakkamik ingerlataqartuusutit, aammalu assigiinngitsunik suliaqarnissannik nuannarisaqartuusutit. Nunaminertanik ingerlatsineq aamma digitalikkut sulineq pissanganartutut isigigukku iluaqutaassaaq.

∙Soqutiginnittuusutit, kiffartuusserusuttutit, akisussaassuseqartutit suleqateqarluarsinnaallutillu

∙Office-pakken misilittagaqarfigigit

∙Autocad/Revit ilisimasaqarfigigit, piumasaqaataanngilarli.

∙Taakkua saniatigut GIS-imik misilittagaqarneq iluaqutaassaaq piumasaqaataanngilarli

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

∙Namminersorlutit sulisinnaassuseqartutit piffissaliussanillu malinnissinnaasutit.

Immikkoortortami sulisut allat kiisalu aqutsisoq qaninnerusoq qanimut suleqatigalugit suliat suliarineqartassapput.

Neqeroorutigaavut:

∙Suliffik pissanganartoq tamatigoortorlu ingerlatsinerup aamma sanaartornermut sulianut tunngasunik inuussutissarsiornermut misilittagaqarnissamut periarfissalik. 

∙Ilinniartuunermi suliffik tamatigoortoq pikkorissunik sulisulik.

∙Suliatigut ineriartornissamut akisussaaffeqarnermullu periarfissaq.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Anthon Brønlund Søgaard, oqarasuaat +299 55 07 38 imaluunniit e-mail: aads@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 1007-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: oktobarip 14.-at, 2025

Atorfik una qinnuteqarfigiuk