Paasissutissat
Atorfiup suussusaa: Angerlarsimaffinni peqqissaasut imaluunniit peqqinnissamik ikiortit immikkoortortami tarnikkut nappaatilinnut Ikaarsaarfimmi sulisut pisariaqartinneqarput
Suliffeqarfik: Immikkoortortami tarnikkut nappaatilinnut Ikaarsaarfik
Qinnuteqarfissamut killigititaq: 3. septemberi
Attavissaq: Pia Rasmussen, 34 41 20 / PIRA@PEQQIK.GL imaluunniit Helle Mougaard, oqarasuaat (+299) 34 41 20 imaluunniit e-mail: HEMF@PEQQIK.GL
Peqqissaasuuit imal. sundhedsassistentiuit, tarnikkullu nappaatilinnik sullissineq soqutigilluinnagaraajuk?
attaveqallaqqissuuit ulluinnaallu suliffiit allanngorartuunerat, namminersorluni suleqatigiinnullu ilaalluni sulineq iluaraagit?
Taamaassappat tassaasinnaavutit Dronning Ingridip Napparsimmavissuani suleqatitaassatut pissarsiariniagarput.
Nuummi innuttaasunut tarnikkut nappaatilinnut najukaminniittunut suussusersisamnik ataatsimik arlalinnilluunniit tarnimikkut nappaatilinnut sullissiviuvugut. Attaveqarfeqarneq suleqatigiinnerlu qitiutillugit tarnikkut nappaammit/ajornartorsiummit aniguinissamik siunnerfilimmik periuseqarneq tunngavigalugu sulivugut.
Tarnikkut nappaatilinnut najukkaminiittunut sullissivik, aaqqissuussaanikkut Nuummi Dronning Ingridip Napparsimmavissuani tarnikkut nappatilinnut qitiusumik immikkoortup ataani inissisimavoq.
Suliffiusartut tunngaviusumik tassaapput ulluinnarni nal. 8-16, sapaatillu ak. naanerisa arfinilissaanni immikkoortortami A1-imi pigaartuusarneq.
Neqeroorutigaagut
Suleqatitsialaat pimoorussisut misilittagallillu
Sukumiisimik paasissutissinneqarneq ulluinnaallu allanngorartut.
Illit nammineq sullitassannik napparsimasuuteqarnissat.
Ilinniagaqassutsikkut nammineq piginnaasanik inerisaasinnaaneq
Ikaarsaarfiup inerisarnissaanut sunniuteqaqataaneq
Atorfik ilinniagaqassutsikkut, nammineersinnaassutsikkut suliassanik pilersaarusiornermut ingerlatsinermullu akisussaassuseqarnermik piumasaqaatitalik
Pissarsiariniagarput
Tarnikkut nappaatilinnut tunngasunik misilittagaqarpoq
Ajornanngippat tarnikkut nappaatinut tunngasunik ilinniaqqissimavoq
Akisussaassuseqarpoq, ilinniagaqassutsikkut piginnaaneqarluarpoq aalajaatsuullunilu
Namminersorluni sulisinnaavoq suleqatigiinnilu peqataasinnaalluni
Attaveqarfinnik toqqissinartunik tatiginartunillu pilersitsisinnaavoq
Pinasuartarialinni ataatsimut isiginnissinnaassutsi attassinnaavaa
Biilernermut allagartaqarneq iluaqutaassaaq piumasaqaataananili
Uagut:
Ikaarsaarfik Nuummi innuttaasunut tarnikkut nappaatilinnut najukaminniittunut neqeroorutaavoq.
Ilinniakkat akimorlugit suleqatigaagut immikkoortortaq uninngavik A1, kommuni aamma nunatsinni parnaarussivinni pineqaatissinneqarsimasunik nakkutilliivik
Sulisut iliniagaqassusaannik ataqqinninneq ukkassaraarput
Ikaarsaarfik, aqutsisumit tarnikkut nappaatilinnut qitiusumik immikkoortumi tamakkiisumi aqutsisoqatigiinnut ilaasumit, aqunneqarpoq.
Qinnuteqaat
Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.
Sulilerfissaq: 7/9- immikkulluunniit isumaqatigiissuteqarnikkut
Qinnuteqarfissaq kingulleq: 3/9-2026
Qinnuteqartunik oqaloqateqarnerit ataavartumik ingerlanneqassapput
Attavissaq/at: Atorfik/iit pillugu/it paasissutissat:
Immikkoortortami aqutsisoq Pia Rasmussen oqarasuaatikkut: 34 41 20 / PIRA@PEQQIK.GL imal. peqqissaasuunertut pisortaq Helle Mougaard oqarasuaatikkut: (+299) 34 41 20 imal. mailikkut: HEMF@PEQQIK.GL attavigalugit pissarsiarineqarsinnaapput
Ineqarneq
Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.
Innuttaassuseq
Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.
Akissarsiat atorfininnermilu atugassarititaasut
Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut
pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.
Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq
Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.
Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.
Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit.
Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen
Kalaallit Nunaanni Peqqinnissaqarfik suliffittut pujortarfiunngilaq.
Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.
Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.
