Nuummi Teknikkeqarnermut Immikkoortortamut Ingerlatsinermi Aqutsisussarsiorpugut (inuttassarsiuuteqqitaq)

Nunatsinni inissiaqarnerup iluani siunissamut ilusilersueqataarusuppit?

Iserit A/S-imi tunniusimasumik namminersorsinnaassusilimmillu Ingerlatsinermi Aqutsisussarsiorpugut. Suleqatissarput aqutsinermini akisussaassuseqarluni illuutinik ingerlatsinermik suliniutinillu aqutsinermik isumaginnissaaq, taamatuttaarlu suliassaqarfiit akimorlugit suleqateqallaqqissuussalluni. Nuummi Teknikkeqarnermut Immikkoortortami pingaarutilimmik suleqataallutillu inissiaqarnermi suliniutinut pioreersunut aggersunullu sunniuteqaqataanissannut periarfissaqassaatit.

Kikkuuvugut:

Iserit A/S pisortat suliffeqarfiutigaat ineriartorluartoq. Kommuneqarfik Sermersuumi inissiat attartortakkat 2.500-t ingerlataralugillu 35-nik tunniusimasunik sulisoqarpugut. Ulluinnarni suleqatigiilluarneq suliatigullu angusaqarluarnissaq pingaartippagut, aammattaaq attartortutsinnut toqqissisimanartunik ingerlalluartunillu najugaqartitsinissarput anguniagaralugu. Suliassaqarfiit assigiinngitsut akimorlugit qaminut suleqatigiillutalu nutaamik eqqarsarsinnaassuseqarneq, pitsaassuseq akisussaassusilimmillu ingerlatsineq pingaartitaraagut.

Atorfik pillugu:

Inissiaataatitsinnik ingerlatsineq aserfallatsaaliuinerlu akisussaaffigissavatit – ilanngullugit ulluinnarni pilersaarusiorneq, iluarsartuussinermi suliniutit annerit digitalikkullu ineriartortitsineq isumagissavatit. Immikkoortortami suleqatigiit peqatigalugillu Nakkutilliisut Teknikerillu qanimut suleqatigalugit sutigut tamatigut uummaarissumik pitsaasumillu ingerlatsissaatit.

Suliassatit pingaarnerit:

• Ulluinnarni ingerlatsinermik pilersaarusiorneq ataqatigiissaarinerlu, aammattaaq PPV-nik suliassanut annerusunut peqataaneq
• Suliariumannittussarsiuussinermut atugassanik suliaqarnermut, suliariumannittussarsiuussinermut kiisalu isumaqatigiissusiornernut peqataaneq
• Sanaartugassanut aserfallatsaaliugassanullu aningaasaqarnermik aqutsineq missingersuusiornerlu
• Sanaartornermi aqutsineq, nakkutilliineq tunniussinernillu isumaginninneq
• Ingerlatsinermi Immikkoortortami sulisunik aqutsineq ineriartortitsinerlu
• Suliffeqarfiup iluani avataanilu suliaqartunik suleqateqarneq
• Digitaliseriinissamut suliniutitsinnut systemitsinnullu nutaanut suleqataalluarneq

Takorloorparput:

· Teknikkimut tunngasumik ilinniagaqartutit (Ingeniøritut, Illuliornermi teknikeritut assigisaannilluunniit)

· Aqutsinermik, pilersaarusiornermik illuutinillu ingerlatsinermik, ajornanngippat inissiaatileqatigiiffimmit, misilittagaqarluartutit

· Ulluinnarni aaqqissuulluakkamik sulisinnaallutillu tamakkiisumik isiginnissinnaassuseqarputit

· Allannikkut oqaatsitsigullu attaveqateqallaqqissuuvutit

· Suliffimmi ulapaarfiusumi inunnullu arlalinnut attaveqarfiusumi eqqissisimallutit qiimallutillu sulisinnaassuseqarputit

· Qarasaasiamik atuisinnaallutillu digitalikkut nutaanik aaqqiissutissarsiornissat ammaffigaat

· Ajornanngippat marlunnik oqaaseqartuuvutit (kalaallisut qallunaatullu)

Neqeroorutigaavut:

• Atorfik tamatigoortoq nammineersinnaaffiulluartoq, akisussaaffimmik annertuumik ineriartorluarsinnaanermillu imalik
• Suliatigut pikkorissunik suleqateqarneq suleqatigiittullu ikioqatigiinneq
• Akissarsiat pitsaasut
• Maleruagassat atuuttut naapertorlugit atorfimmut atatillugu Nuummi inissaqartitsisinnaavugut

Suleqatigilerusuppitigut?

Qinnuteqarfissaq kingulleq: Sapaat ulloq 24. august 2025

Atorfiniffissaq: 1. oktober 2025, imaluunniit isumaqatigiissuteqarnikkut.

Qinnuteqaat CV-lu qulequtserlugit: ”Ingerlatsinermi Aqutsisoq, Nuuk” nassiutikkit uunga:

📬 Iserit A/S Postboks 1539, 3900 Nuuk 📧 Mail: job@iserit.gl

Apeqqutissaqarpit? Ugguuna allaffigitigut: job@iserit.gl

Suliffeqarfipput pillugu ugguuna paasisaqarnerugit: www.iserit.gl