Nuummut Målerteknikerimik

Nuummut Målerteknikerimik (Uuttuutinut teknikerimik) pikkorilluni pimoorussisumik Nukissiorfiit inuttassarsiuivoq

Arlalinnik isumagisassaqarlutit sulineq nuannarissagukku, aamma suliassannut imminut najoqqutassaqartitsillutillu misissueqqissaarisartutut tikitaqartaruit Nunap immikkoortua Nuummi målerteknikeritut (uuttuutinut teknikeritut) atorfik immaqa ilinnut tulluassaaq.

Teknikerimik pikkorissumik, nutaanik ilinniagaqarnissaminut alapernaattuusumik ujaasivugut, taannalu Nuummi innaallagissamut, imermut kiassarnermullu uuttuutitta 4000-it sinnitsiarsimasai attaveqaqatigiissillugillu naatsorsuuserinermut nakkutilliinermullu aaqqiissutitsinnut paasissutissartaannik piffissaq eqqorlugu nassiussaqartitsisarnissaannik ilungersuuteqartuussaaq. Tunngavigisat tassaasinnaavoq innaallagisserisutut, maskinmesteritut ilinniagaqarsimasoq, imaluunniit allamik attuumassutilimmik ilinniagaqarsimasoq, imaluunniit misilittagalik.

Nunap immikkoortuani allaffiup pisortaa qullersarissavat. Suliassamiipput ilaatigut suliassat tigussaasut, ilaatigullu allaffissorneq. Suliassat tigussaasut tassaapput ilaatigut uuttuutinik ivertiterinerit piiaasarnerillu, eqiterussissutinik (koncentratorinik) ivertiteraluni attaveqaqatigiinnermut attaveqarfimmik pitsanngorsaaneq, antennilerineq, aamma pigisat attaveqatigiissinnissaat, taamaalillutik paasissutissat katersorneri sapinngisamik ajoquteqanngitsumik ingerlasinnaatilerlugit. Aamma uuttuutinut attaveqarfigisinnaanngisatsinnut, imaluunniit naatsorsuutigisatut atugaqarnissap avataaniilerlutik naleqassutsit apparsimaffiinut kukkussutinik ujaasinernik iluarsaassinernillu annertuunik suliassaqartassaaq. Pineqartoq tassaavoq imminut najoqqutassaqartitsillunilu misissueqqissaaraluni suliassanut tikitaqartarnissaq, taamaalillutik pigisat piffissaq tamaat iluarsineqartassammata.

Allaffissorluni suliassat ilaatigut tassaapput uuttuutit ivertitat piiakkallu pillugit uppernarsaatit, uuttuutinik pisiortornerit toqqorsivimmiittuutinillu aqutsinerit, qullersaqarfimmi uuttuutit pillugit suleqatigiinnut sumiiffinni allattuiffinnik suliaqarnerit, kiisalu uuttuutit kukkusumik ivertinneqarsimassappata missiliuutigisatut naatsorsuutinik suliaqarnerit, il.il.

Aammattaaq uuttuutinik atuaanernut atatillugit (ungasianit aamma tikillugit) suliassaqartassaaq, ilanngullugit kukkussutinik ujaasinerit/kukkussutinik iluarsiisarnerit, aammalu attuumassutilinnik allanik suliassaqartassaaq.

Teknikki, kisitsisit, qarasaasialerineq piginnaasaqarfigaatit, aammalu kiffartuusserusussuseqarlutillu suliartorlutit takkuttuartartuuvutit.

Suleqat imatut ittoq ujarparput:

Teknikkimut tunngasumik ilinniagalik, ajornanngippat maskinmesteritut, qinnuteqartulli attuumassutilittut allamik ilinniagaqarsimasut, aamma siamasissumik misilittagaqartut aamma soqutigineqartuupput.

• Uuttuutinut teknikkimik soqutiginnittoq.
• Innaallagissamik pilersuisarfittut ingerlatsivimmik ilisimasalik, imaluunniit ilisimasaqarusuttoq.
• Atuisartutut Microsoft Officemik ilisimasalik.
• Namminersuutigisaminik kinguneqartitsiniartutullu sulisartoq.
• Suliartortuartartoq, aammalu suliaqarnermini aaqqissuussilluartuusoq.
• Misissueqqissaarillaqqissoq.
• Ilinniagaqartitsereernermi sulisut allat paarlakaattarlugit immikkoortoqarfinnut allanut pigaartuunermut aaqqiissummi peqataaneq.
• Biilinut nalinginnarnut biilersinnaanermut allagartalik.

Ilinnut neqeroorutigisinnaavavut:

Suliffik pissanganarlunilu assigiinngiiaanik imalik, tassanilu suliassanik iluarsiinerup aallartinneranit naammassinissaanut suliaqarfigisattut ilaasassaatit.

• suliffik, ullut suliffigisavit aaqqiissuunnerinut assut sunniuteqarfigisat
• sullivimmi avatangiisut najoqqutassialigaanngitsut, tassani suleqatigiittut suliffigisaqartuulluta
• sulianut, soorlulusooq inummut tunngasunik ineriartornissamut periarfissatsialaat.

Atorfinitsitaanermi pissutsit:

Aningaasarsianut atorfinitsitaanermullu pissutsit Namminersorlutik Oqartussat, aamma pineqartup isumaqatiginninniarsinnaatitaasutut kattuffiata akornanni isumaqatigiissut atuuttoq najoqqutaralugu pissapput. Atorfik qaammatinik pingasunik misilitsiffeqarpoq.

Inissiaq

Atorfimmut qaqugumulluunniit malittarisassiat tamakku malillugit pequsersugaanngitsumik sulisumut inissiamik innersuussisoqarsinnaavoq. Inissiamut innersuussamut qaqugumulluunniit malittarisassiat malillugit inissiamik attartugaqarnermut akiliutit qularnaveeqqusiissutillu akilerneqartassapput. Sulisumut inissiaq atorfigisamut attaveqartuuvoq, soraarnermilu qimanneqassaaq.

Inissiap pisoqassusianik, piginnittuuffigisaaneranit il.il. inissiamik attartugaqarnermut akiliut inissiallu qanoq issusia assigiinngiiaartuusinnaapput. Atajuartussatut sulisumut inissiamut innersuussiffiginissamut utaqqinissaq pisinnaavoq, taamaattumillu utaqqiisaagallartumik najugassinneqartarsinnaavoq, ilanngullugit aamma najugaqatigiiffinni mikinerusuni, imaluunniit akunnittarfinni inissiani, taakkununngalu akileraarusiisoqartarpoq.

Atorfininnermi tikinniarluni, soraanermilu angalanerit, pigisanillu assartugaqarnerit akilerneqartarput, ukiullu pingasut ataqatigiissut kingorna atorfeqarsimanermi inoqutigiinnut, meeqqat 18-iliisimanngitsut ilanngullugit, angerlamut angalaneq akilerneqassaaq.

Qinnuteqartoq Namminersorlutik Oqartussani atorfeqarneq aqqutigalugu innersuutigisamik sulisunut inissiamik peqariissappat sulisunut inissiamut pisinnaatitaaffik pigiinnarneqassaaq.

Annermik paasisaqarusuppit?

Nunap immikkoortuani allaffimmi pisortaq Julie Johannesen, oq. (+299) 342279. Imaluunniit Suleqatigiinni Aqutsisoq Thomas Lundberg oqarasuaatikkut saaffiginninnikkut ugguuna:(+299) 589250.

Apeqqutit nalinginnaanerusut HR-ip immikkoortoqarfianut saaffiginnissutaaqquneqarput, ugguuna: hr@nukissiorfiit.gl imaluunniit oq. (+299) 34 95 00.

Qinnuteqarnissamut killissarititaasoq: maajip 28.-at, 2025

Atorfik una qinnuteqarfigiuk