Nuup Bussii A/S-imi ulluinnarni ingerlatsinermut pisortaq

Aqutsinermut, ingerlatsinermut illoqarfimmilu ataatsimoorussamik angallassinermut soqutigisaqarluinnartuuvit? Nuup Bussii A/S piumassuseqarluartumik aqutsilluartumillu ingerlatsinermi pisortassarsiorpoq, ingerlatsinermi pisortanngortussaq qulakkeerinnittuussaaq ulluinnarni aalaakkaasumik uummaarissumillu Nuummi bussit ingerlanissaanik.

Atorfik

Ulluinnarni aqutsisutut tamakkiisumik akisussaaffigissavat; bussit ingerlaarfii assigiinngitsut ulluinnarni ingerlaneri. Bussinik ingerlatsisut siuuttullu akornanni ataqatigiissaarisuussaatit, taamatullu akisussaaffigissavatit; bussit ingerlaarnerisa eqqortumik ingerlaavarnissaat aammalu ilaasut toqqissisimasumik piffissamillu uniuutinngitsumik ingerlanneqartuarnissaat.

Suliassat qitiulluinnartut

· Ulluinnarni ingerlatsinermik pilersaarusiorneq ataqatigiissaarinerlu

· Bussinik ingerlatsisunik aqutsineq

· Arlaatigut nikingasoqariataarnerani napparsimasoqarneranilu aaqqiisinnaaneq, ullullu suliffiusussat

pilersaarusiortarneri

· Ingerlatsinermi periutsit pitsaassusaannik qulakkeerinninnissaq, pisariaqarfianilu pitsannguinissaq

· Bussinik aserfallatsaaliisunik qanimut suleqateqarnissaq 

· Siuuttunut/-Aqutsisunut nalunaarusiornissaq aammalu inerisaataasussamik periusissioqataaneq

Naatsorsuutigaarput

· Aqutsinermik misilittagaqarsimanissat – ajornanngippat angallassinerup silarsuaani 

· Aaqqissuussamik, iluarsiissutissanik ujartuisumik arajutsiffeqanngitsumillu suleriuseqarnissat 

· Attaviginnilluarsinnaanissat suleqatinullu suliumalersitserpalaartumik pissuseqartuunissat 

· Kalaallisut Danskisullu allassinnanerit oqalussinnaanerillu (Iluaqutaassaaq aamma tuluttut)

· Qarasaasiamik atuisinnaassasutit, ullunillu suliffiusussanik (vagtplan) aaqqissuussinermik

misilittaqarsimanissat.

Neqeroorutigisinnaavagut 

· Suliffeqarfik inuiaqatigiinni pingaarutilittut inissisimasoq soqutiginartoq - atorfik pissanganartoq

tamatigoortorlu 

· Suleqatit nuannersut suliffeqarfimmilu avatangiiserisat “inuppalaartut”

· Atorfimmi inuttullumi ineriartorsinnaaneq 

· Pisinnaasatit, misilittakkatit atorfiullu piumasaqaatai aallaavigalugit akissarsiaqartinneqassaatit. Tassunga tapiliunneqassaaq; ilaqutarittut suliffimmit akilerneqartumik sulinngiffeqarluni angalasinnaatitaaneq aammalu peqqissutsimut sillimmat.

Qinnuteqarfissaq

Paasisaqarnerorusukkuit, Nuup Bussiini pisortaq Niels Chemnitz Frederiksen – Telefon 555667-imut sianerlutit attavigisinnaavat. Qinnuteqaatit CV-lu 22. oktober 2025 qaangertinnagu uunga nassiutikkit: nuunu@bus.gl Qinnuteqartut akornanni piukkunnaatillit aggersarneqartarumaarput.