Økonomisk Konsulenti, AC-Fuldmægtigi imaluunniit Specialkonsulenti Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmut

Sulilerfissaq pr. 1. september 2026 imaluunniit sukumiinerusumik isumaqatigiissuteqarnikkut

Atorfimmi uani inuiaqatigiit ineriartortinneqarnerinut ataavartumik tunniusseqataassaatit ilinniarfeqarfiit, kulturikkut ilageeqarnermullu ingerlatsiviit tapersersornerisigut piginnaasaqarnikkullu qaffassaavigalugit nukittorsarnerisigut.

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik aningaasaqarnermut immikkoortortami suleqatissarsiorpoq – suleqat nutaaq illuuteqarnerup iluani pitsaasumik ataqatigiissaarluaakkamillu suliassanik suliaqarsinnaasoq, taamatullu tamakkiisumik ilinniartitaanerup, kultureqarnerup, timersornerup ilageeqarnerullu iluani missingersuuserinermi aningaasanillu aqutsinermi ineriartortitseqataasinnaasoq ataavartumillu nukittorsaaqataasinnaasoq.

Ilinniartitaanerup ineriartortinnissaa pingaartinneqarpoq, tamat ilinniartitaanikkut periarfissaqarnissaat taamaaliornikkullu suliffeqarfiit ilinniarluarsimasunik sulisoqarnissaat qulakkeerumallugu. Kulturimut aningaasaliissutit inuiaqatigiit ataatsimut pigisaattut ineriartortittuarnissaata qulakkeerneqarnissaannut avaqqunneqarsinnaanngitsutut isigineqarput. Timersornermut aningaasaliissutit timersornermik ingerlateqartunut apuuttarnissaat ujartorneqarpoq, timersorneq inooriaaseq aallaavigalugu inuunerluutinut illuatungiliisussatut aqutitut isigineqarmat. Taamatuttaarlu ilageeqarneq inuiaqatigiit sannaanut ilaalluartuuvoq.
 
Aningaasaqarnermut Immikkoortortaq kikkut tamarmik aaqqissuussaanermut nutaamik eqqarsarluni aaqqiissuteqarnissaannik periarfissillugit suleqatigeeriuseqarpoq. Ataqatigiissaarluakkamik suleriuseqaruit, suleqatigiissuteqarnermut sammisuullutit tunngaviusumillu aningaasaqarnermut paasisimasaqarlutit, immaqaavoq tassa illit aningaasaqarnermut immikkoortortami suleqatitaassarput.

Illit inuttut piginnaasatit:
Suleqat suliaminut tunniusimalluartoq, eqimattakkaani sulinermik piginnaanilik piumassusilillu, taavalu inerikkiartornermik pingaartitalik ujartorparput. Illit sullarissoq suliannillu nuannarinnillutit qajannaatsumik tunniusserusuttartoq, suligaangavillu aaqqissuulluakkamik suleriusilik ujarpatsigit. Allaffissornerup iluani ulluinnarni suliassat saniatigut ineriartortitsinermik suliaqartussaq.

Takorusupparput:

• Naleqquttumik akademimi, inuussutissarsiutinik imaluunniit akademikeritut ilinniagaqartutit, takorusussinnaavarpullu samfundsvidenskabemi, erhvervsøkonomimi, imaluunniit ressource- og økonomistyringimi ilinniagaqartutit.

• Assingusumik suliaqarnermik misilittagaqartutit, imaluunniit finansip silarsuaani misilittagalik.

• Bogholderimi, aningaasaqarnermik naatsorsueqqissaarnermillu suliaqarnermi paasisimasaqartuusutit.

• Inuiaqatigiit kalaallit pillugit Kalaallit Nunaannilu pisortat aaqqissuussaanerat pillugu ilisimasaqarluartuusutit.

• Oqaatsitigut piginnaasaqarluartuusutit, takorusussinnaavarput kalaallit oqaasiinik tuluillu oqaasiinik piginnaasaqarluartuusutit.

• Suliat ajornakusoortut qulaaniit takunnissinnaassuseqarlutit ingerlassinnaagitit.

Suliassat aalajangersimasut:

• Aningaasanut Inatsimmi Suliassaqarfik 40-p ataani illuuteqarnermik ingerlatsinerup iluani sulianik isumaginninneq.

• Ilinniartitaanerup, kultureqarnerup, timersornerup ilageeqarnerullu tamarmiusup iluani controlling aamma naatsorsuutinik sukuiaaneq.

• Immikkoortortaqarfiup aalajangiisinnaassusaata iluani ingerlatsivinnut ikiortaalluni ingerlatsineq.

• Kisimiilluni imaluunniit suleqatinik allanik ilaqarluni ingerlatsivinni pinartoqartillugu ingerlatsiviup pisortai ikiorserniarlugit siunnersorniarlugillu pulaarnerit.

• Kontorledermødep ingerlanneqarnissaata ataqatigiissarneqarneranut akisussaaneq.

• Aningaasaqarnermut immikkoortortami suleriutsinik ineriartortitsinermut pisariillisaanermullu peqataaneq.

• Naalakkersuisoqarfiup akisussaaffigisaani kontorlederinut attaveqaataaneq.

• Suleriutsinik ineriartortitsinermut pisariillisaanermullu peqataaneq.

• Akademikerinut; Politikkikkut aalajangiiffissanik suliaqarneq.

• Naalakkersuisoqarfimmit naalakkersuisoqarfiup ataani ingerlatsivinnut inassutinik ilitsersuutinillu paasissutissiinermik suliaqarneq.

• Aningaasaqarnermut, naatsorsueqqissaarnermut naatsorsuuserinermullu tunngasunik sulianik ataasiakkaanik suliaqarneq.

Atorfimmi sunniuteqaqataanissamik akisussaaffeqarnissamillu periarfissalimmi sulianillu assigiinngisitaartunik imalinnik suliaqarnissamik periarfissaqarpoq, taamatullu suleqatigiilluarnermik suliallu pillugit avitseqatigiinnissamittaaq periarfissaqarluni.

Aningaasarsiat atorfininnermilu atugassarititat
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Toqqagassamut tulluussarluarsimasumut ukiuni arlalinni misilittagalimmut, immikkut nalilersuereernerup kingorna, atorfininneq specialkonsulentit atugassarititaat aallaavigalugu pisinnaavoq. Ukiuni arlalinni pecialkonsulentitut misilittagalimmut, immikkut nalilersuereernerup kingorna, atorfininneq chefkonsulentit atugassarititaat aallaavigalugu pisinnaavoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.