Operations Manageri

Operations manageritaarput suleqatigiinni pilersitaaqqammersuni, COO nutaami ingerlatsinermut aallussisumi inerisaaneq aaqqissuinerlu ingerlanneqarneranut suliaqartuussaaq. Suliassallu Tusass tamakkerlugu ingerlassaassaasarput; Ingerlatsinermi pitsanngorsaanermi ingerlassanik suussusiineq naammassinninnerlu, tamakkulu ullutsinni ingerlariuutsimik ITIL-imik service request, incidents, problems aamma changes-inik ingerlanneqartarput. Nioqqutinik atuisuuffinnilu tamani, sullissinikkut ingerlatsinikkullu uppernarsaasiornermi, sinaakkutissanik pilersitsineq atuutitsilernerlu. Pisunilu ingerlatanilu allani malitseqartitsinerit. 

Illit inuttut naatsorsuutigaarput: 

• atugassaqartitaanerannut naatsorsugaasinnaasumik pitsanngorsaanermut iliuuseqarumasuusutit, Tusassimilu suleqatinnut ingerlatsineq ajornaannerusumik ingerlanneqarsinnaaneranut qulakkeeqataarusuttutit
• ingerlariuutsit assigiinngitsut aammalu governance aqqutigalugit ataqatigiissaarisinnaasutit
• aammalu suleqateqarsinnaassuseqartutit 
• suliatillu ilisimalluarlugit
• tigusisinnaassuseqartutit aammalu namminersorlutit sulisinnaasutit

Piginnaasatit: Attaveqaatilersuutinut tunngatillugu misilittagaqartutit imaluunnit ingerlatsinerup tungaatigut ilisimasalittut, ITIL-inik, allannguinermut aqutsinermik, ingeniøritut sulialittut allanilluunniit assingusunik suliaqarsimasutit. Tunuliaqutallu suugaluarpalluunniit suliniutinut tunniusimallutit ataatsimut isiginnissinnassusermik pilersitserusuttartutit, anguniakkanik aalajangiisinnaassuseqartutit, suliniuteqarfiusussanik suussusiisinnaassuseqartutit, sinaakkutaasunillu pioreersunik pitsanngorsagassanillu iliuuseqarfigisaqarlutit suliniutinik ingerlanneqartunit kingunernik uppernarsaasiorsinnaassasutit.

Naatsorsuutigaarput illit suliamut tunngatillugu: 

·Ingeniøritut attuumassutilimmik ilinniagaqarsimasutit, suliffeqarfinniluunniit Tusassimut assingusuni atorfimmi assingusumi sulinikuusimassasutit.

·Oqalunnikkut allassinnaanikkullu pitsaasumik attaveqaqateqarsinnaasutit.

·Kisimiillutit suleqateqarnermilu sullarissutit, namminerlu suliassanni pingaarnersiuillutit suliniuteqarsinnaasutit.

·Kalaallisut, Qallunaatut, Tuluttullu allattariarsornikkut oqalunnikkullu piginnaasaqarluartutit.

·Niuernikkut eqqarsarsinnaassuseqartutit suliannullu tunngatillugu aaqqissugaasumik suliaqarsinnaasutit. 

Naatsorsuutigissavat:

Atorfik unammillernartoq, suliffimmi ingerlarsortumi inuit qitiusut immikkoortortamilu pisortaq ilagalugit COO ikorfartornissaanut inissisimavimmi suliaqartuusut suleqatigissavatit. Atorfimmullu inuttut suliassatigullu sunneqataasinnaanissat periarfissaqarpoq, akissarsiallu pitsaasut piginnaasat naapertorlugit inissinneqarumaarlutik.

Apeqqutit:

Atorfik pillugu apeqqutissat COO-mut Jonas Hasselriis oqarasuaatitigut +299 389104 imaluunniit Laila Mosgaard Kristensen-imut oqarasuaatitigut +299 389247 apeqqutigineqarsinnaapput. 

Atorfeqarnermut atugassarititaasut pillugit apeqqutissat aammalu atorfininnermut tunngatillugu paasissutissat pillugit Tusass-ip HR-ianut apeqqutigineqarsinnaapput ugguuna: Oqarasuaat +299 341255 imaluunnit emailikkut hr@tusass.gl. 

Qinnuteqarneq oqaloqateqarnerlu:

Qinnuteqaatit e-mailikkut tiguneq ajorpagut. Qarasaasiakkut maana linki aqqutigalugu (qinnuteqaatit, CV aammalu allagaatit allat attuumassuteqarsinnaasut ilanngullugit) qinnuteqarit. Qinnuteqaatit tiguneqartut suliaralugillu oqaloqatiginninnerit ingerlaavartumik ingerlanneqarumaarput. Sulilertussaq eqqortoq nassaarineqarpat atorfik inuttalerneqarumaarpoq. 

Tusarfiginissat qilanaaraarput. 

Tusass

Takorluukkap ´Tusassip nunarsuup sinnera qaninnerulersippaa – uagullu immitsinnut qaninnerulersilluta’ ataani suliffeqarfiup sulisui 350-t missaanniittut suleqatigiillutik Nunarput tamakkerlugu attaveqaqatigiinnermut atortulersuutit nutaaliaasut pilersillugillu qulakkeertarpaat.

Qinnuteqarit