Oqaluttuarisaanermi Pisimasunik Qulaajaanermut AC-fuldmægtigi ataqatigiissaarisutut akisussaaffilik

Oqaluttuarisaanermi Pisimasunik Qulaajaanermut AC-fuldmægtigitut ilisimatusaqatigiit aqutsisuat qanimut suleqatigissavat aamma Oqaluttuarisaanermi Pisimasunik Qulaajaanerup ataani ilisimatusarnermi siulersuisunut ilisimatusartunullu allaffissornikkut suliassanut tunngasuni pingaarnertut ikiuisartuussaatit.

Taamaasillutit ilisimatusaatigalugu suliniut una nutaaq annertoorlu paasisaqarfigilluarlugulu Issittumi ilisimatusariaaseq nalinginnaasumik ilisimasaqarfigillualerlugulu paasisaqarfigissavat. Tamatuma saniatigut Ilisimatuutut Misissuinernut Allaffeqarfimmut aamma atassaatit, siunertarineqarporlu Oqaluttuarisaanermi Pisimasunik Qulaajaanermi ilisimasat misilittakkallu pilersinneqartut atorlugit Ilisimatusarfimmi ilisimatuutut misissuinerit pillugit allaffissornermik suliaqarnerup ineriartortinneqarnissaa pitsanngorsaavigineqarnissaalu.

Ukiuni tallimani killileriikkamik atorfinitsitsisoqassaaq sivitsuinissamut periarfissartalimmik, atorfillu isumaqatigiissuteqarnikkut piaarnerpaamik inuttalerneqarnissaa kissaatigineqarpoq.

Sap. akunneranut piffissaq suliffiusussaq akunnernik 40-nik sivisussuseqarpoq.

Oqaluttuarisaanermi Pisimasunik Qulaajaaneq nunatta Danmarkillu sorsunnersuaq kingullermiit maannamut pissutsit pillugit ilisimasanut tapersiissaaq. Ilisimasat taakkua nunat taakku marluk akornanni pissutsit aamma pissutsit Kalaallit Nunaata innuttaasuinut qanoq annertutigisumik kinguneqartitsisimanersut ullutsinnilu atugassarititaasunut sunniuteqartitsisimanersut pillugit nalinginnaasumik paasinnittaaseqarnerup annertusaavigineqarnissaa siunertarineqarpoq.

Ilisimatuutut misissuinermut allaffeqarfitta inerisarneqarnissaa Ilisimatusarfiup suliassatut pissanganartutut aallutileruttorpaa. Anguniarneqartoq tassaavoq ilisimatuutut misissuinermut allaffeqarfiup Ilisimatusarfimmi ilisimatusartut ilisimatusaatigalugu suliaqarnerat tamakkerlugu ilisimasalittut ikiortassagai. Tassa siunnersuinermit, aningaasaliisussarsiornermit, siumoortumik missingersuusiornermit, suliniutit nassuiaataannik suliaqarnermit nalunaaruteqartarnernut tunngasuni.

Ilisimatuutut misissuinermut allaffeqarfimmi sulisut tamarmik immikkut pingaarnertut akisussaaffeqarput, aammattaarli suleqatitik sunik suliaqartarnersut paasisimasaqarfigissagaat naatsorsuutigineqarpoq, taamaasillutik imminnut ikiorsinnaallutillu siunersiueqatigiissinnaanngussapput, piffissani ulapaarfiusuni suleqatiminnut oqilisaasinnaanngussapput ilisimatusarnermillu suliassaqarfik tamakkerlugu nalinginnaasumik ilisimasaqarfigilerlugu.

Missingersuutit pitsaassusaannik qulakkeerinnittarnermut, suliniutinik nassuiaasersuisarnermut il.il. atatillugu ilisimatusarnissamut qinnuteqaasiornerni sulisut tamarmik aamma peqataasassapput.

Tigussaasumik akisussaaffigisassanut ilaapput:

• Suliniutip aningaasaqarneranut aamma nalunaarusiarineqartarneranut tunngasuni ilisimatusarnermi siulersuisunut allaffissornikkut ikiuineq.
• Ilisimatusarnerit pillugit najoqqutassiornerit.
• Ilisimatusarnermi siulersuisut allaffissornikkut suliassanut akissussaaffinnullu tunngasunut ilisaritinneri taakkuninngalu kiffartuunneri.
• Avataaniit ilisimatusarfiullu iluanit saaffiginnissutit akissuteqarfigineri, kiisalu paasissutissiat pitsaassusaannik qulakkeerinnittarneq.
• Suliniummi ingerlassanik ataqatigiissaarineq, tamatumunnga ilanngullugit aaqqissuussat, innuttaasunik ataatsimiisitsinerit il.il.
• Ataatsimiinnernut atatillugu suliassanik isumaginninneq.
• Suliassanik takkuttunik isumaginninneq.

Ilinnut naatsorsuutigisavut:

• Bacheloritut kandidatitulluunniit naleqquttumik ilinniarsimasuuvutit.
• Namminersorlutit aaqqissugaalluartumillu sulisinnaalluarputit.
• Allattariarsornikkut oqaluttariarsornikkullu kalaallit aamma qallunaat oqaasii piginnaasaqarfigaatit.
• Kalaallit inuiaqatigiit pillugit paasisimasaqarputit.

Tamatuma saniatigut qinnuteqartoq allattariarsornikkut oqaluttariarsornikkullu kiinneraarsinnaasoq salliunneqassaaq, pissutigalugu AC-fuldmægtigi suliniutip allaffissornikkut isumagineqarnerani ilisimatusarfimmi avammullu sinniisuusussaammat.

Atorfimmut uunga atorfinitsitseriaaseq

Atorfinitsitsinermut atatillugu qinnuteqaatit tiguneqartut tamaasa atorfinitsitsinermut ataatsimiititaliat suliarissavaat.

Attavigisassat/paasissutissat

Atorfik pillugu sukumiinerusunik paasisaqarusukkuit ikinngutiginnersumik qinnuigineqarputit ilisimatuutut misissuinernut allaffeqarfiup aqutsisua Clement Pindstrup Scavenius attavigeqqullugu oqarasuaammut +299 347311. Ilisimatusarfik pillugu paasisaqarnerorusukkuit uani atuarnerusinnaavutit www.uni.gl

Ilisimatusarfik pillugu

Ilisimatusarfik 1987-imi pilersinneqarpoq. Mannakkuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplomimut masterimullu saniatigut ilinniarnerit. Ilisimatusarfik Issittumi ilisimatusarfiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit ilisimatusarfiullu pisortaanit ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq:

• Ilinniartitsinermik Ilisimatusarfik
• Inuiaqatigiilerinermik, Aningaasaqarnermik Tusagassiornermillu Ilisimatusarfik
• Kulturimik, Oqaatsinik Oqaluttuarisaanermillu Ilisimatusarfik
• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Taanna Ilisimatusarfiup pisortaanit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat suliatigut ingerlatsiviusunik qanimut suleqateqartarput soorlu namminneq akunnerminni aamma suleqatigiittartut. Allaffissornikkut aqutsisoqatigiiffimmi suliassat tassaapput: ilinniartut aamma sulisut pillugit aqutsineq, siulersuisunik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup illuutaanik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk