Oqilisaassisarfik sammisassaqartitsivillu Kammagiit aqutsisumik pissarsiorpoq

Inunnut innarluutilinnut tarnimikkullu nappaatilinnut Immikkoortoqarfik Nuummi Kammagiinni sammisassaqartitsinikkut oqilisaassinermullu neqerooruteqarfimmi aqutsisumik pissarsiorpoq.

Aqutsisutut sulineq misilittagaqarfigaajuk aamma najugaqartut pillugit allanngueqataanissat uummateqarfigiviuk, taava illerpiaq aqutsisussatut amigaatigaatsigit.

Aqutsisutut illit sulisut 15-it missaanniittut toqqaannartumik aqutsisuuffigissavatit, taakku suliatigut assigiinngitsunik tunuliaqutaqarput; perorsaasut, peqqissaanermi assistentit, peqqissaanermi ikiortit aamma sulisut ilinniarsimanngitsut il.il. Atorfimmi suleqatitit peqatigalugit ingerlatsineq kiisalu angerlarsimaffik najugaqartullu ineriartortinnissaat qulakkiissavatit. Atorfik ulloq naallugu suliffiuvoq, sap. ak. 40 tiimit annerusumik ullukkut suliffiulluni. Aqutsisutut suliassavit ilaatigut ilagissavaat; suliffissanik pilersaarusiorneq, oqaloqatiginninneq, innuttaasut ataasiakkaat pilersaarutaanik malinnaaffiginninneq suleqatigisartakkanillu allanik attaveqarneq.

Sammisassaqartitsinermut katerisimaaqateqarnissamut neqeroorummi Kammagiinni inersimasut (18+) timimikkut isumaliortaatsimikkullu piginnaasakillisimasut sullinniarneqarput. Tassa innuttaasut assigiinngitsunik suussusersisanik nappaatillit assersuutigalugu; autsime, ADHD, eqqarsartaatsikkut napparsimasut, skizofreni, ernumasarneq il.il. Innuttaasut sammisassaqartitsivimmiittarneri assigiinngillat ullormut imaluunniit sapaatip akunneranut. Oqilisaassisarfik innuttaasunut timimikkut isumaliortaatsimikkullu piginnaasakillisimasunut neqeroorutaavoq nutaaq. Oqilisaassivik Kammagiinni Sammisassaqartitsivimmi inissisimavoq. Innuttaasut qanigisaasut paaqqutarinnittuusut oqilisaallugit utaqqiisaasumik paaqqutarineqarnissaminnik pisariaqartitsisut sullinneqartassapput.

Ilinnut naatsorsuutigisavut:

∙Illit aqutsisutut sulisunut ersarissumik anguniagaqarsinnaasutit

∙Najugaqartuusumut allannguineq pingaaruteqartoq pilersinneqarniassammat, immikkoortoqarfittaaq eqqarsaatigalugu ineriartorusussuseqartutit

∙Suliffeqarfimmi ilisimasanik avitseqatigiiffiusumik, suleqatigiiffiusumik oqaloqatigiiffiusumillu kulturilimmi sulinissamut kajumissuseqartutit

∙Attaveqaqateqarnermut piginnaaneqarluartutit, immikkoortortamilu suliffeqarfiup iluani avataanilu suleqatigiinnerup patajaallisarnissaata pingaaruteqassusaa takusinnaagit

∙Kalaallit, inuiaqatigiit kulturilu pillugit ilisimasaqarluartutit

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigivagut:

∙Aqutsisooqatigiiffik suleqatigiilluarnermik kiisalu suliatigut inuttullu ineriartornissamik pingaartitsisoq

∙Suliffik, innuttaasunut uatsinnik pisariaqartitsisunut suleqatit peqatigalugit allanngueqataanissamut periarfissalik

∙Suliffik, suliffiup pitsaasumik avatangiiseqarnissaanik pingaartitsiviusoq

∙Najoqqutassatsunniuteqaqataaffiginissaannut periarfissaq

Uagut pilluta:

Innarluutilinnut aamma Tarnikkut nappaatilinnut immikkoortoqarfik Immikkoortoqarfiuvoq arfineq-pingasunik najugaqatigiiffeqartoq, najugaqatigiiffiit allat tallimat, sammisassaqartitsinermut ataatsimooqateqartitsinissamullu neqeroorutit marluk kiisalu Ikorfartorteqatigiit pingasut Nuummi, Tasiilami Paamiunilu agguataarsimasut. Ineriartortitsinermik annertuumik, ilaatigut sulisunik nutaanik sukumiisumik ilitsersuussisoqartarnissaanik, ingerlaavartumik siunersiuisoqartarnissanik suliatigullu ataatsimoorfeqarnissaanik imaqartumik, ingerlatsivugut. Immikkoortortap ineriartornera tulluusimaarutigaarput-

Soqutiginnilersimaguit sulilu paasisaqarusullutit, attaveqarfiginissatsinnut assut tikilluaqqusaavutit.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Fagchefi Mathias Knude Brusgaard, oqarasuaat +299 56 27 61 imaluunniit e-mail: mtbr@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 89-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: februaarip 6.-at, 2026

Atorfik una qinnuteqarfigiuk