Paamiuni utoqqaat illuani Puilasunnguiani sammisassaqartitsivimmi aqutsisoq

Utoqqaat illuat Puilasunnguit Paamiut sammisassaqartitsivimmi aqutsisumik pissarsiorpoq

Utoqqaat illuat Puilasunnguit isumaqatigiissuteqarnikkut sammisassaqartitsivimmi aqutsisumik pissarsiorpoq.

Utoqqarnik qanimut oqaloqatigisarlugit sullissinissaq pimooruppiuk? Piumassusiliuit inuttullu ajunngitsumik eqqarsartartuuit piginnaasannik timitaliisinnaanikkut utoqqaat pitsaasumik tungiorneqarnerannik paaqqutarineqarnerannillu kinguneqartitsisinnaasoq?Sammisassaqartitsivimmi aqutsisutut imminut isigiguit Paamiuni Puilasunnguani atorfik tamatumunnga periarfissaqarluarpoq.

Puilasunnguit:

Puilasunnguit utoqqarnik paaqqutarinniffiusoq 22-inut inissaqarpoq.

Sulisut ilaatigut ima katitigaapput: Aqutsisoq,tullersorti, allaffimmioq, Sundhedsassistent, peqqissaanermi ikiortit, peqqissaanermi-isumaginninnermilu ikiortit, ilinniarsimanngitsut arlallit, igaffimmi aqutsisoq, igaffimmi assistentit 2,igaffimmi ikiortit 2, pedel, pedel-imut ikiorti ataaseq, oldfrue ataaseq, eqqiaasoq sisamat. Paaqqutarinninnermik sulialinnik ilinniarsimasunik amerlanerusunik atorfinitsitsinissaq siunertaavoq.

Marts qaammat 2024 utoqqarnik paaqqutarinniffik 22-nut inissalik ulluunerani utoqqarnik sullissivittalik naammassineqareerluni nutserfigineqarsinnaanngussaaq.

Sammisassaqartitsivimmi aqutsisoq aaqqissuussaanikkut pisortap ataani inissisimassaaq.

Atorfiup imarisaa:

Sammisassaqartitsivimmi aqutsisoq utoqqaat najugaqartut kiisalu innuttaasut utoqqaat sammisassaqartitsivimmut takkuttartut peqatigalugit pitsaasumik tungiusumillu-pitsaassutsip kiisalu paaqqutarinninnerup inerisartuarneqarnissaata pingaarnerpaatut salliunneqartuarnissaanut suleqataasussamik pissarsiorpugut.

Isumarput naapertorlugu najugaqartut atuisullu inuunerissusaannut toqqaannartumik sunniuteqartarmat piginnaasanik inerisaanermik qitiutitserusunnermik, suliffimmik nuannarinninnermik, aalajaassutsimik ataqatigiinnermillu kissaateqarluta inerisaaneq ingerlapparput. Taamaammat najugaqartunut atuisunullu iluaqutaasussamik ilinniakkat akimorlugit nutaaliortitsisumik inerisaasumillu qanimut suleqatigiinnermik avatangiiseqarluni sulinissaq kissaatigaarput.Annermik sammisarivagut paaqqinniffimmi nuunnginnissaat anguniarlugu timikkut sungiusarlugit, pisinnaasaannik arsaartornagit.

Naatsorsuutigaarput pisortaq tullersortilu peqatigalugit sammisassaqartitsivik inerisarnissaanni peqataanissat taamaasilluni najugaqartut atuisussallu pitsaasumik atugaqartinneqassammata.

Illit pillutit naatsorsuutigisagut:

∙Socialhjælperitut ilinniagaqarsimassasutit

∙Ilinniagaqassutsikkut piginnaasaqarluartuunissat iliuusissanillu toqqaaninni isorisannik paasisaqarusussuseqarnissat

∙Utoqqarnik sullissinissamut kajungernissat soqutiginninnissallu

∙Aqutsinermi peqataanissamut pikkoriffeqarnissat kajungerisaqarnissallu

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

∙Ilinniakkat akimorlugit suleqatigiinnermut piginnaasaqarluartuunissat

∙Avatangiisinik pitsaasunik, isumassarsiullaqqissutsimik, isumassarsititsisinnaanermik inerisarfiusunillu pilersitseqataanissat

∙Aalajaatsoq, pitsaassutsimik pingaartitsisoq immikkualuttullu ilanngullugit maluttarissoq

∙Uippakajaarani arlariinnik suliaqarsinnaasoq

∙Nammineerluni sulisinnaasoq, akisussaassuseqartoq sullissiumatoorlu

∙Sulianut atatillugu sungiussilluarsimasoq ataavartumillu suliat agguartaarneqartarnerannik nalimmassaalluarsinnaasoq

∙Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu

∙Nukittooq pilersitsiniaallaqqissoq inissaqartitsiuartoq piumassuseqarluartorlu

∙Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartoq

∙Atituumik suleqateqarluarsinnaasoq

Neqoroorutigaagut:

·Atorfik imarisamigut annertuumik sunniuteqarfigineqarsinnaasoq

·Ataasinngornermiit tallimanngorneq ilanngullugu ulluuniunerusoq sulisarnissaq

·Atorfik pillugu pitsaasumik paasissutissinneqarnissaq

·Inuttut ilinniakatigullu inerisarnissamut periarfissagissaarneq

·Suliaq unammilligassalik suleqatit pitsaasut peqatigalugit ingerlanneqartussaq

·Suliassaqarfiup iluani annertuumik akisussaaffeqarneq aalajangeeqataasinnaanerlu

·Ilinniakkat akimorlugit suleqatigiinneq

·Atorfiup ilaanniippoq suliassat assigiinngitsut, immikkoortortarisami sulisoqarnikkut assigiinngitsutigullu suliassaqarfinni tatiginartumik namminersuutigisinnaagitit.

Sap.ak. nal.ak. suliffiusartussat: 40.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Forstander Tanja Møller, oqarasuaat +299 36 76 66 imaluunniit e-mail: tjml@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 431-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: maajip 21.-at, 2025

Atorfik una qinnuteqarfigiuk