Peqqinnissamut isumaginninnermi ikiorti

Neriuffiit Kattuffiat peqqinnissamut isumaginninnermi ikiortimik tassungaluunniit attuumassuteqartumik ilinniagalimmik, piaarnerpaamik imaluunniit isumaqatigiissuteqarneq aallaavigalugu sulilertussamik ujaasipput.

Nappaassuarmik kræft-imik eqqugaasunik qanigisaasunillu ikiuinissamut inuillu inuunerannut pitsanngorsaataasumik suliaqarnissaq soqutigiviuk? Suliamut pimoorussisuuit, misiginneqataasinnaavit inunnullu ataqqinnittumik qanilaartumik naapitsisinnaallutit? Taava immaqa illiuvutit ujartugarput.

Suliassanut tunngasut:

Neriuffiit Kattuffianni peqqissaanermi isumaginninnermilu ikiortitut sulisussatut nappaassuarmik kræftimik eqqugaasunut qanigisaannullu tapersersuisutut pingaarutilimmik inissisimassaatit.

Suliassat ilaatigut tassaassapput:

• Kræftimik eqqugaasunik isumassuineq tapersersuinerlu

• Pisariaqartitsineq naapertorlugu ulluinnarnilu suliassanik ikiueqataaneq

• Napparsimasunik qanigisaannillu oqaloqateqarneq toqqissisimanartumillu naapitsineq

• Susassaqartunut attaveqartarneq

• Napparsimasup inuunerani pitsaasumik atugaqarnissaanut tapersersuineq

Ujartugarput tassaavoq:

• Peqqinnissamut isumaginninnermi ikiortitut ilinniarsimasoq imaluunniit assigusumik ilinniagaqarsimasoq

• Isumassuisuuvutit, misiginneqataasinnaallutillu akisussaassuseqartuuvutit

• Kisimiillutit sulisinnaavutit aamma suleqatigiinni peqataasinnaallutit

• Oqaatsitigut attaveqarluarsinnaavutit

• Inunnik ajornartorsiorfiusuni inissisimasunik paasinnittumik naapitsisinnaavutit

• Kræft pillugu kiisalu napparsimasunik qanigisaannillu sullissineq soqutigaatit

• Kalaallisut qallunaatullu oqalussinnaavutit

Neqeroorutigaarput

• Suliffik isumaqartoq, inuit inuunerannut sunniuteqarsinnaaffiusoq

• Suliffik suleqatigiinnermik tapersersoqatigiinnermillu tunngaveqartoq

• Suliamik ineriartortitsinissamut periarfissat

• Susassaqartunut attuumassuteqartunik qanimut suleqatigiinneq

• Suliffik inunnik, isumassuinermik inuunermilu pitsaasumik atugaqarnermik pingaartitsisoq

Suliffissaq:

• Ataasinngornermiit tallimanngornermut nal. 8:00–16:00. Taamaattorli ullut piffissat taaneqartut avataanni sammisassaqartitsisoqartarsinnaavoq.

• Atorfik immikkut ittumik periarfissiissaaq aallaqqaammulli illutaap pilersinneqarnerani peqataanissamut aammalu ineriartortinneqarnissaanut.

Suliffik: Neriuffiit Kattuffiat, Nuuk
Sulilerfissaq: 1. oktober 2026
Qinnuteqarnissamut killigititaq: 18. september 2026

Atorfik pillugu apeqqutissaqaruit, Maannguaq H. Berthelsen attavigisinnaavat oqarasuaatikkut 490489 imaluunniit e-mailikkut neriuffik@gnet.gl.

Imaluunniit Neriuffiit Kattuffiata siulittaasua Inger Eriksen mobil: 527114 attavigisinnaavatit

Tusagaqarnissat qilanaaraarput!

Neriuffiit Kattuffiat